06.05.2019 | 
Գիտություն
ՖԳՀԻ-Ի ԳՈՐԾՈՒՆԵՈՒԹՅԱՆ ԱՐԴՅՈՒՆԱՎԵՏՈՒԹՅՈՒՆԸ ԲԱՐՁՐԱՑՆԵԼՈՒ ՀԱՄԱՐ ՍՏԵՂԾՎԵԼՈՒ Է ԱՇԽԱՏԱՆՔԱՅԻՆ ԽՈՒՄԲ
ՖԳՀԻ-Ի ԳՈՐԾՈՒՆԵՈՒԹՅԱՆ ԱՐԴՅՈՒՆԱՎԵՏՈՒԹՅՈՒՆԸ ԲԱՐՁՐԱՑՆԵԼՈՒ ՀԱՄԱՐ ՍՏԵՂԾՎԵԼՈՒ Է ԱՇԽԱՏԱՆՔԱՅԻՆ ԽՈՒՄԲ
ԵՊՀ կոնֆերենց դահլիճում այսօր տեղի ունեցավ Ֆիզիկայի ֆակուլտետի ֆիզիկայի գիտահետազոտական ինստիտուտի գիտական խորհրդի ընդլայնված նիստը: Օրակարգում ընդգրկված էր երկու հարց:

Նիստի ընթացքում նախ քննարկվեց և որոշում ընդունվեց ստեղծել ֆակուլտետի ՖԳՀԻ-ի գործունեության արդյունավետության բարձրացմանն ուղղված քայլերը համակարգող աշխատանքային խումբ:

 

ՖԳՀԻ-ի տնօրեն Ռոման Ալլահվերդյանի խոսքով, աշխատանքային խումբ պետք է մշակի կառուցվածք, որը կնպաստի ՖԳՀԻ-ում գործող լաբորատորիաների միջև համագործակցության ընդլայնմանը, ինչպես նաև կիրականացնի այդ լաբորատորիաների գույքագրում՝ պարզելու, թե դրանք գիտական ինչպիսի հնարավորություններ ունեն:

 

 

«Այս աշխատանքային խումբը պետք է արձագանքի գիտության ոլորտի խնդիրներին և լուծումներ առաջարկի, ինչպես նաև պետք է կարողանա տարբեր խնդիրների դեպքում ՖԳՀ ինստիտուտի շահերը պաշտպանի»,- ասաց ՖԳՀԻ-ի փոխտնօրեն Աննա Քոթանջյանը:

Նիստի օրակարգում ընդգրկված երկրորդ հարցը վերաբերում էր գիտական կազմակերպությունների գործունեության արդյունավետության գնահատման ցուցանիշների որոշման մեթոդաբանությունը մշակելու նպատակով ՀՀ ԿԳՆ գիտության կոմիտեում ստեղծվող աշխատանքային խմբում ներգրավվող թեկնածուների առաջադրմանը:

 

Ռոման Ալլահվերդյանը նշեց, որ ՀՀ ԿԳՆ գիտության կոմիտեում ստեղծվող վերոնշյալ աշխատանքային խմբում ընդգրկելու համար առաջարկում են ՖԳՀԻ-ի կողմից ընտրված թեկնածուներին: «ՖԳՀԻ-ի գիտական խորհրդի կողմից ընտրված թեկնածուներին կներկայացնենք Գիտության կոմիտեին, քանի որ ցանկություն ունենք ներկայացուցիչ ունենալ տվյալ հանձնաժողովում, որպեսզի մեր ինստիտուտին առնչվող խնդիրները հստակ ներկայացվեն»,-հավելեց նա:

 

Նիստի ընթացքում ՖԳՀԻ-ի ներկայացուցիչների կողմից հնչեցին մի շարք առաջարկություններ, որոնք ինստիտուտի գործունեության արդյունավետության բարձրացմանն ուղղված քայլերը համակարգող աշխատանքային խումբը հաշվի կառնի իր աշխատանքներում:

 

Նադեժդա Տեր-Աբրահամյան

 

 

 

 

 

  

 

Այլ նորություններ
ԵՊՀ-ՈՒՄ ՊԱՀՊԱՆՎԱԾ ԳՐԱՆՑԱՄԱՏՅԱՆԸ՝ ԳԻՏԱԿԱՆ ԱՌԱՋԻՆ ԱՍՏԻՃԱՆՆԵՐԻ ՇՆՈՐՀՄԱՆ ՎԿԱՅԱԳԻՐ
ԵՊՀ-ում պահպանվում է թեկնածուական և դոկտորական ատենախոսությունների պաշտպանությունների վերաբերյալ տեղեկությունների առաջին գրանցամատյանը, ըստ որի՝ թեկնածուական ատենախոսության առաջին պաշտպանությունը տեղի է ունեցել 1938 թվականին, իսկ դոկտորական ատենախոսության պաշտպանությունը՝ 1943 թվականին:
«ՑԱՎՈՔ, ԱՅԺՄ ՀԱՄԱԼՍԱՐԱՆՆԵՐԸ ԵՎՍ ՇԱՐԺՎՈՒՄ ԵՆ ԴՊՐՈՑԻ ՕՐԻՆԱԿՈՎ, ԱՅՍԻՆՔՆ` ՄԵՆՔ ՄԱՐԴՈՒՆ ՍՈՎՈՐԵՑՆՈՒՄ ԵՆՔ ՈՉ ԹԵ ՄՏԱԾԵԼ, ԱՅԼ ԳՈՐԾԻՔ ԿԻՐԱՌԵԼ, ԲԱՅՑ ԳՈՐԾԻՔ ՍՏԵՂԾԵԼ ՉԵՆՔ ՍՈՎՈՐԵՑՆՈՒՄ». ԴԱՎԻԹ ՀԱՅՐԱՊԵՏՅԱՆ
ԵՊՀ փիլիսոփայության և հոգեբանության ֆակուլտետի ընդհանուր հոգեբանության ամբիոնի դոցենտ Դավիթ Հայրապետյանի հետ խոսել ենք ստեղծարարության (կրետիվության) զարգացման մեթոդների, հիմնախնդիրների և դպրոցի անհրաժեշտության մասին: