21.01.2019 | 
Քաղաքականություն
ՀՈՒՆՎԱՐԻ 22-ԻՆ ՏԵՂԻ Է ՈՒՆԵՆԱԼՈՒ ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ
ՀՈՒՆՎԱՐԻ 22-ԻՆ ՏԵՂԻ Է ՈՒՆԵՆԱԼՈՒ ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ
Օրակարգային 7 և ընթացիկ հարցերով նիստը տեղի է ունենալու ԵՊՀ գիտխորհրդի նիստերի դահլիճում հունվարի 22-ին՝ ժամը 11:00-ին:

«Երևանի պետական համալսարան» հիմնադրամի հոգաբարձուների խորհրդի թիվ 9 նիստի օրակարգային առաջին և երկրորդ հարցերով նախատեսվում է անցկացնել խորհրդի նախագահի և քարտուղարի ընտրությունները:

 

Օրակարգային երրորդ հարցի շրջանակում նախատեսվում են 2017-2018 ուստարում «Երևանի պետական համալսարան» հիմնադրամի գործունեության հիմնական ուղղություններով կատարված աշխատանքների վերաբերյալ ռեկտորի հաշվետվության ներկայացումը և 2016-2020 թթ. «Երևանի պետական համալսարան» հիմնադրամի զարգացման ռազմավարական ծրագրով 2017-2018 ուստարում նախատեսված աշխատանքների կատարողականի հաստատումը:

 

Նիստի ընթացքում տեղի կունենա «Երևանի պետական համալսարան» հիմնադրամի՝ 2018 թ. (հունվար-նոյեմբեր ամիսներ) եկամուտների և ծախսերի կատարողականի մասին հաղորդում:

 

Օրակարգային 5-րդ հարցով իրականացվելու է «Երևանի պետական համալսարան» հիմնադրամի՝ 2019 թ. ֆինանսական տարվա եկամուտների և ծախսերի նախահաշվի հաստատումը:

 

Նիստի 6-րդ և 7-րդ հարցերի շրջանակներում էլ նախատեսվում են «Երևանի պետական համալսարան» հիմնադրամի՝ 2019 թ. կառուցվածքի և հաստիքացուցակի հաստատումները:

 

Քնար Միսակյան

Այլ նորություններ
ՀԱՍՏԻՔԱՑՈՒՑԱԿԻ ՀԱՍՏԱՏՈՒՄ ԵՎ ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐ. ՏԵՂԻ Է ՈՒՆԵՑԵԼ ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ
Օրակարգային երեք հարցով տեղի է ունեցել ԵՊՀ հոգաբարձուների խորհրդի նիստը, որն անցկացվել է հարցման կարգով:
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՔԱՐՏՈՒՂԱՐԸ ՊԱՐԶԱԲԱՆՈՒՄ Է. ԵՊՀ ԿԱՆՈՆԱԴՐՈՒԹՅՈՒՆԸ ՉԻ ԽԱԽՏՎԵԼ
ԵՊՀ ուսանողների հետ տարվող աշխատանքների կենտրոնի լուծարման հետ կապված այսօր հնչել է կարծիք, որ Հոգաբարձուների խորհրդի գումարվող նիստը խախտում է ԵՊՀ կանոնադրությունը՝ հակասելով «Երևանի պետական համալսարան» հիմնադրամի կանոնադրության 49-րդ հոդվածի 2-րդ կետին։