19.07.2022 | 
Ուսանողական, Կրթություն
ԿԱՅԱՑԵԼ Է ԵՊՀ ՈՒԳԸ ՀԻՄՆԱԴՐՄԱՆ 75-ԱՄՅԱԿԻՆ ՆՎԻՐՎԱԾ ԿՈՆՖԵՐԱՆՍԸ
ԿԱՅԱՑԵԼ Է ԵՊՀ ՈՒԳԸ ՀԻՄՆԱԴՐՄԱՆ 75-ԱՄՅԱԿԻՆ ՆՎԻՐՎԱԾ ԿՈՆՖԵՐԱՆՍԸ
ԵՊՀ սոցիոլոգիայի ֆակուլտետի ՈՒԳԸ-ի կազմակերպած «ՍոցՔեմփ» խորագրով ոչ ֆորմալ կոնֆերանսը մասնագիտական հարթակ էր բոլոր նրանց համար, ովքեր կատարում են վերլուծություններ սոցիալական տարբեր խնդիրների ու դրանց լուծման ուղիների վերաբերյալ:

Կոնֆերանսի ժամանակ տարբեր ոլորտների ներկայացուցիչ երիտասարդները հնարավորություն են ունեցել ներկայացնելու սեփական հետազոտությունները և վերլուծությունները: Աշխատանքներն իրականացվել էին ոչ խիստ գիտական տեքստերով, իսկ քննարկումն ընթանում էր ոչ ֆորմալ միջավայրում։

 

 

«ՍոցՔեմփ»-ը թիրախավորել էր միջոլորտային համագործակցությունը՝ դառնալով կամուրջ երիտասարդ հետազոտողների, ՔՀԿ-ների, ակադեմիական ոլորտի ներկայացուցիչների միջև։

 

Սևանում կազմակերպված եռօրյա կոնֆերանսի ընթացքում մասնակիցները ներկայացրել են զեկուցումներ, հրավիրյալ հյուրերը՝ դասախոսություններ։

 

 

Կոնֆերանսն ավարտվել է ակտիվ քննարկմամբ։

 

Նշենք, որ կոնֆերանսը կազմակերպվել էր «Տվյալներ հաշվետու և թափանցիկ գործունեության համար (ԴԱՏԱ)» ծրագրի շրջանակում «Սոցիես» փորձագիտական կենտրոնի օժանդակությամբ:

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: