25.05.2018 | 
Մշակույթ
ԲԵՄՈՒՄ ՀՆՉՈՒՄ ԷԻՆ ՀԱՄԱԼՍԱՐԱՆԻ ՄԱՍԻՆ ՈՒ ՀԱՄԱԼՍԱՐԱՆԻՆ ՆՎԻՐՎԱԾ ԵՐԳԵՐ
ԲԵՄՈՒՄ ՀՆՉՈՒՄ ԷԻՆ ՀԱՄԱԼՍԱՐԱՆԻ ՄԱՍԻՆ ՈՒ ՀԱՄԱԼՍԱՐԱՆԻՆ ՆՎԻՐՎԱԾ ԵՐԳԵՐ
Այսօր ԵՊՀ մշակույթի կենտրոնում տեղի ունեցավ ԵՊՀ-ին նվիրված երիտասարդական երգի մրցույթի եզրափակիչ փուլը:

ԵՊՀ 100-ամյակին ընդառաջ ԵՊՀ մշակույթի կենտրոնը Հայաստանի կոմպոզիտորների միության հետ համատեղ կազմակերպել է ԵՊՀ-ին նվիրված երգի մրցույթ:

 

Առաջին փուլում մրցույթին մասնակցելու բազմաթիվ հայտեր են ընդունվել, որոնցից ընտրվել են լավագույն 6 երգեր, որոնք այսօր ներկայացվեցին ժյուրիի և հանդիսատեսի դատին:

 

Մրցույթի  ժյուրիի կազմում են Հայաստանի կոմպոզիտորների միության նախագահ Արամ Սաթյանը, Երևանի էստրադային և ջազային արվեստի պետական քոլեջի տնօրեն, կոմպոզիտոր Ստեփան Բաբաթորոսյանը, կոմպոզիտոր Էդգար Գյանջումյանը, ԵՊՀ ռեկտոր Արամ Սիմոնյանը, ԵՊՀ մշակույթի կենտրոնի երգչախմբի, ինչպես նաև  Օպերայի և բալետի ազգային ակադեմիական թատրոնի երգչախմբի ղեկավար Կարեն Սարգսյանը և ԵՊՀ մշակույթի կենտրոնի տնօրեն Կարինե Դավթյանը:

 

 

Մրցույթի եզրափակիչ փուլում հնչեցին Էդմոնդ Մակարյանի «Մայր համալսարան», Տիգրան Գրիգորյանի «Ւմ ու քո համալսարան», «Երևանի պետական համալսարան», Արեգնազ Մարտիրոսյանի «Ես երգում եմ», Գայանե Թադևոսյանի «Հոգուս օրրան համալսարան» և Աննա Զաքարյանի «Նվիրվում է Մայր բուհին» երգերը:

 

Ժյուրիի որոշմամբ՝ ԵՊՀ-ին նվիրված երիտասարդական երգի մրցույթում երրորդ պատվավոր տեղը զբաղեցրեց Գայանե Թադևոսյանը, երկրորդ տեղը՝ Աննա Զաքարյանը, իսկ առաջին պատվավոր հորիզոնականը զբաղեցրեց Էդմոնդ Մակարյանը:

 

Ի դեպ, եզրափակիչ փուլում Էդմոնդ Մակարյանի հեղինակած երգը կատարեց հայտնի երգչուհի Անահիտ Շահբազյանը:

 

 

Էդմոնդ Մակարյանն իր խոսքում նշեց, որ չնայած ինքը չի ավարտել ԵՊՀ-ն, բայց ինչպես իր, այնպես էլ յուրաքանչյուր հայի համար այն կարևոր արժեք է:

 

Կարինե Դավթյանն էլ բոլոր մասնակիցներին տեղեկացրեց, որ հաղթողների և խրախուսական պարգևների արժանացած մասնակիցների պարգևատրման հանդիսավոր արարողությունը տեղի կունենա հաջորդ շաբաթվա ընթացքում:

 

Այլ նորություններ
ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ՏՈՆԵՑԻՆ «ՄԱՍԼԵՆԻՑԱ»-Ն
ԵՊՀ ռուս բանասիրության ֆակուլտետի ուսանողական խորհուրդն այսօր կազմակերպել էր ռուսական ազգային «Մասլենիցա»-ն, որն ավետում է ձմռան ավարտն ու գարնան սկիզբը։
ԹԱԼԻՇԱԿԱՆ ԵՐԱԺՇՏՈՒԹՅՈՒՆ՝ ԵՊՀ ԻՐԱՆԱԳԻՏՈՒԹՅԱՆ ԱՄԲԻՈՆՈՒՄ
ԵՊՀ իրանագիտության ամբիոնում այսօր տեղի ունեցավ թալիշ երաժշտագետ, ազգագրագետ, մտավորական, «Քադուս» երաժշտական համույթի ղեկավար Արմին Ֆարիդիի «Հայացք Իրանում թալիշական ազգագրական երաժշտությանը» թեմայով դասախոսությունը: