27.11.2018 | 
Մշակույթ
«ՍՊԵՂԱՆԻ» ԵՐԳՉԱԽՈՒՄԲԸ՝ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
«ՍՊԵՂԱՆԻ» ԵՐԳՉԱԽՈՒՄԲԸ՝  ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
ԵՊՀ հիմնադրման 100-ամյակին ընդառաջ ՀՀ մշակույթի նախարարության աջակցությամբ այսօր ԵՊՀ մշակույթի կենտրոնում կայացավ «Սպեղանի» երգչախմբի համերգը:

Արդի խմբերգային զարգացման գործում իր կարևոր ներդրումն ունեցող «Սպեղանի» երգչախումբը շարունակում է իրականացնել նոր ծրագրեր և մտահղացումներ, նպաստել ազգային խմբերգային արվեստի զարգացմանն ու տարածմանը:

 

Երգչախմբի անվանումը խորհուրդ ունի. 1996 թվականին նորաստեղծ երգչախումբը, ի հիշատակ Արցախյան պատերազմի նահատակների, անվանվեց «Սպեղանի»:

 

Երգչախումբը մեծ համբավ և ճանաչում ունի համաշխարհային երաժշտական հասարակայնության շրջանում, համերգներով շրջագայել է Հայաստանում, Արցախում, Ռուսաստանում, Լիբանանում, Իտալիայում, Գերմանիայում, Ավստրիայում, Շվեյցարիայում, Լիտվայում՝ մասնակցելով բազմաթիվ միջազգային փառատոնների և արժանանալով առաջին մրցանակների:

 

Երգչախմբի հիմնադիրը, գեղարվեստական ղեկավարն ու խմբավարը մանկավարժ, ՀՀ մշակույթի վաստակավոր գործիչ Սարինե Ավթանդիլյանն է:

 

Միջոցառմանը ներկա էին ՀՀ երրորդ նախագահի կինը՝ Ռիտա Սարգսյանը, ԵՊՀ գիտական քարտուղար Մենուա Սողոմոնյանը, Ռոմանագերմանական բանասիրության ֆակուլտետի փոխդեկան Գևորգ Բարսեղյանը, Մշակույթի կենտրոնի տնօրեն Կարինե Դավթյանը, Ֆիզիկայի ֆակուլտետի ֆիզիկայի գիտահետազոտական ինստիտուտի փոխտնօրեն Աննա Քոթանջյանը, պրոֆեսորադասախոսական կազմի ներկայացուցիչներ և ուսանողներ:

 

Երգչախմբի կատարմամբ  հնչեցին  Ջիովաննի Պալեստրինայի «Sub tuum praesidium», Ռոբերտ Շումանի «Der Wassermann», Հեկտոր Բեռլիոզի «Veni Creator», Ֆրանսիս Պուլենկի «La petite fille sage»  համաշխարհային ճանաչում ունեցող կատարումները:

 

Անմասն չմնացին նաև հայ երգարվեստի գոհարները: Հնչեցին Կոմիտասի «Այ տղա մեր գեղեցի», «Մերիկ ջան հալալ», Երվանդ Երկանյանի «Ծագումն հրաշալի» կատարումները:

 

 

 

 

Այլ նորություններ
ՀԱՄԱԼՍԱՐԱՆԻ ՀԻՄՆԱԴՐՄԱՆ 100-ԱՄՅԱԿԻՆ ԸՆԴԱՌԱՋ ԵՊՀ ՊԱՏՄՈՒԹՅԱՆ ԹԱՆԳԱՐԱՆԸ ՀԱՄԱԼՐՎԵԼ Է ՆՈՐ ՆՄՈՒՇՆԵՐՈՎ
ԵՊՀ պատմության թանգարանը Հայաստանի Հանրապետությունում գործող բուհական ամենամեծ և իր ցուցանմուշներով ամենահարուստ թանգարանն է: Համալսարանի հիմնադրման 100-ամյակին ընդառաջ թանգարանը համալրվել է համալսարանին վերաբերող բազմաթիվ նյութերով (լուսանկարներ, անձնական իրեր, արժեքավոր փաստաթղթեր, ԵՊՀ դասախոսների հուշեր, կերպարվեստի գործեր, ԵՊՀ երախտավորների դիմանկարներ, ընծայագրերով գրքեր): Այդ մասին ysu.am-ին տեղեկացրեց ԵՊՀ պատմության թանգարանի տնօրեն Հեղինե Գասպարյանը:
«ՆՐԱՆՔ ՉՎԵՐԱԴԱՐՁԱՆ». ՀԱՅՏՆԻ ԳՐՈՂՆԵՐԻ ԱՌԵՂԾՎԱԾԱՅԻՆ ԱՆՀԵՏԱՑՈՒՄՆԵՐԸ
Ֆրանսուա Վիոն պոետի մասին շատերը գիտեն։ Իր անբարո վարքի համար նա 1463 թվականին վտարվել է Փարիզից, ինչից հետո ուշ միջնադարի ամենամեծ բանաստեղծի մասին ոչ մի հստակ տեղեկություն չի եղել։ Հայտնի է միայն, որ Վիոնը մահացել է 1491 թվականից ոչ ուշ, երբ տպագրվեց նրա ստեղծագործությունների առաջին հատորը: