05.10.2010 | 
Կրթություն
ԲԻՈԷԹԻԿԱՆ ՀՈԳՈՒՄ Է ՄԱՐԴՈՒ ԱՐԺԱՆԱՊԱՏՎՈՒԹՅԱՆ ՄԱՍԻՆ
ԲԻՈԷԹԻԿԱՆ ՀՈԳՈՒՄ Է ՄԱՐԴՈՒ ԱՐԺԱՆԱՊԱՏՎՈՒԹՅԱՆ ՄԱՍԻՆ
Արտասահմանյան մասնագետների օգնությամբ հայերը փորձում են Հայաստանում բիոէթիկան զարգացնել:

Այսօր ԵՊՀ-ում մեկնարկեց «Բիոէթիկական կրթությունը Հայաստանի բարձրագույն ուսումնական հաստատություններում. պրոբլեմներ եւ հեռանկարներ» թեմայով երկօրյա տարածաշրջանային սեմինարը: Կազմակերպիչներն էին Բիոէթիկայի ազգային կենտրոնը, Հայաստանում ՅՈՒՆԵՍԿՕ-ի ազգային հանձնաժողովը եւ ԵՊՀ-ն: «Մեկ տարի առաջ Եվրոպայի խորհուրդը նշեց Բիոէթիկայի մասին կոնվենցիայի ընդունման 10-ամյակը: Այդ 10 տարիների ընթացքում միջազգային այլ` բավականին լուրջ փաստաթղթեր էլ են ընդունվել: Իսկ 5 տարի առաջ ՅՈՒՆԵՍԿՕ-ի գլխավոր ասամբլեայի կողմից ընդունվեց «Մարդու իրավունքների եւ բիոէթիկայի համընդհանուր հռչակագիրը»»,- բացման խոսքում նշեց Բիոէթիկայի ազգային կենտրոնի նախագահ Իգոր Մադոյանը: Այս տարի լրանում է նաեւ Բիոէթիկայի ազգային կենտրոնի եւ ԵՊՀ-ի համագործակցության 5-ամյակը: Պարոն Մադոյանի խոսքերով` ԵՊՀ-ն մեր երկրի առաջատար բուհն է, որտեղ բավականին բարձր մակարդակի վրա ուսումնասիրվում են բիոէթիկայի խնդիրների հետ կապված մասնագիտություններ, ինչպիսիք են կենսաբանությունը, իրավագիտությունը, ժուռնալիստիկան, սոցիոլոգիան, հոգեբանությունը եւ այլն: Երկու օրերի ընթացքում Ռուսաստանից ու Բելառուսից ժամանած եւ տեղացի մասնագետները կփորձեն վերլուծել հայաստանյան իրավիճակը եւ խնդիրների լուծման մեխանիզմներ մշակել: «Դժվար է ուսուցման գործընթացը պատկերացնել առանց գիտափորձերի եւ պրակտիկ պարապմունքների:

 

Կարծում եմ, որ մեզանում կա բիոէթիկական մտածողության, ինչպես նաեւ մասնագետների պակաս: Այդ ամենը սերտորեն կապված է էկոգոլիական գիտելիքների հետ, որոնք պակասում են աճող սերնդին: Սակայն ցավալի է, որ այդ բացը երբեմն զգացվում է նաեւ գիտնականների շրջանում»,- ասում է ԵՊՀ կենսաբանության ֆակուլտետի դեկան Էմիլ Գեւորգյանը: Իսկ իբրեւ օրինակ` ներկայացրեց վերջերս իրենց ֆակուլտետում հյուրընկալված կենդանաբանների աշխատաոճը: Նրանք այստեղ գիտափորձեր էին կատարել մողեսների վրա եւ ավարտելուց հետո, առանց զլանալու, հասել էին Տավուշի մարզ` մողեսներին իրենց միջավայր բաց թողնելու համար: Սեմինարի արդյունքների ամփոփումը տեղի կունենա վաղը Պալեանների անվան դահլիճում:

Այլ նորություններ
«ՊԱՏՄՈՒԹՅՈՒՆԸ ՊԵՏՔ Է ՄՆԱ ՍԵՐՈՒՆԴՆԵՐԻՆ». ՀԱՆՐԱԳԻՏԱՐԱՆ՝ ՆՎԻՐՎԱԾ ԱՐՑԱԽՅԱՆ ԵՐԿՐՈՐԴ ՊԱՏԵՐԱԶՄԻ ԶՈՀԵՐԻՆ
Երևանի պետական համալսարանի պատմության ֆակուլտետի դեկան Էդիկ Մինասյանը նախաձեռնել է Արցախյան երկրորդ պատերազմում զոհվածների մասին «Հերոսապատում» հանրագիտարանային շարքի ստեղծումը։ Աշխատության մեջ ներկայացվելու են պատերազմի մասնակիցների կատարած սխրանքները, կենսագրությունը, լուսանկարները, նրանց մասին հուշերն ու պատմությունները։
ՄԵԴԻԱ ՀԱՐՑԵՐԸ ԿԱՐԳԱՎՈՐՈՂ ԻՐԱՎՈՒՆՔ. ԱՇՆԱՆԱՅԻՆ ԴՊՐՈՑ ԵՊՀ-ՈՒՄ
ԵՊՀ իրավագիտության ֆակուլտետի և Միջազգային իրավական համագործակցության գերմանական հիմնադրամի (IRZ) հետ համատեղ կազմակերպվել և այսօր ԵՊՀ գիտխորհրդի նիստերի դահլիճում մեկնարկել է «Մեդիա հարցերը կարգավորող իրավունք» թեմայով աշնանային հնգօրյա դպրոցը: