27.06.2018 | 
Քաղաքականություն
ԵՊՀ ՂԵԿԱՎԱՐՈՒԹՅՈՒՆԸ ՀԱՆԴԻՊԵՑ ՍԱՆԿՏ ՊԵՏԵՐԲՈՒՐԳԻ ԳԻՏՈՒԹՅԱՆ ԵՎ ԲԱՐՁՐԱԳՈՒՅՆ ԿՐԹՈՒԹՅԱՆ ՀԱՆՁՆԱԺՈՂՈՎԻ ԱՆԴԱՄՆԵՐԻՆ
ԵՊՀ ՂԵԿԱՎԱՐՈՒԹՅՈՒՆԸ ՀԱՆԴԻՊԵՑ ՍԱՆԿՏ ՊԵՏԵՐԲՈՒՐԳԻ ԳԻՏՈՒԹՅԱՆ ԵՎ ԲԱՐՁՐԱԳՈՒՅՆ ԿՐԹՈՒԹՅԱՆ ՀԱՆՁՆԱԺՈՂՈՎԻ ԱՆԴԱՄՆԵՐԻՆ
Այսօր ռեկտոր Արամ Սիմոնյանն իր աշխատասենյակում ընդունեց Ռուսաստանից ժամանած պատվիրակությանը, որը գլխավորում էր Սանկտ Պետերբուրգի գիտության և բարձրագույն կրթության հանձնաժողովի նախագահի առաջին տեղակալ Իրինա Գանուսը:

Հանդիպմանը ներկա էին նաև ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանն ու Գիտական քաղաքականության և միջազգային համագործակցության գծով պրոռեկտոր Գեղամ Գևորգյանը:

 

Արամ Սիմոնյանը ռուս գործընկերներին նախ ներկայացրեց ԵՊՀ պատմությունը, ուսումնական և գիտահետազոտական գործընթացների առանձնահատկությունները, անդրադարձավ նաև միջազգային համագործակցությանը՝ հատկապես կարևորելով ռուսական համալսարանների և գիտական կենտրոնների հետ փոխգործակցությունը:

 

«Մենք բաց ենք համագործակցության համար: Վստահ եմ, որ արդյունավետ և ակտիվ փոխգործակցությունը թույլ կտա ոչ միայն վերականգնելու երբեմնի պայմանավորվածությունները, այլև ծավալելու մի շարք ուղղություններով նոր համագործակցություն, ուստի ուրախ ենք ողջունելու ձեզ Մայր բուհում»,- նշեց ԵՊՀ ռեկտորը:

 

Ա. Սիմոնյանը հավելեց, որ ԵՊՀ-ն ակտիվ գործունեություն է ծավալում բուհը խոշոր գիտահետազոտական կենտրոն դարձնելու ուղղությամբ, իսկ այդ գործընթացի կարևոր բաղադրիչներից մեկն էլ հենց արտասահմանյան բուհերի հետ համագործակցությունն է:

Իրինա Գանուսը ներկայացրեց Սանկտ Պետերբուրգի մի շարք առաջատար բուհերի, գիտահետազոտական կենտրոնների և բարձագույն դպրոցների հիմնական ուղղվածությունները և ընդգծեց, որ իրենց համար մեծ պատիվ է այցելել հետխորհրդային տարածաշրջանում հայտնի և ներկայումս էլ մեծ հեղինակություն վայելող Երևանի պետական համալսարան՝ հույս հայտնելով, որ հետագա համագործակցությունը կլինի արդյունավետ ու հեռանկարային:

 

«Վստահ ենք, որ ԵՊՀ-ն այն բուհն է, որից վերցնելու և սովորելու շատ բան ունենք: Ուրախ ենք, որ փոխադարձ հետաքրքրություն ենք ցուցաբերում, ինչն էլ հեռանկարային գործընկերություն ծավալելու լավագույն նախադրյալն է»,- նշեց տիկին Գանուսը:

 

Կողմերը մի շարք պայմանավորվածություններ ձեռք բերեցին առաջիկա հանդիպումների, համատեղ ծրագրերի և մի շարք միջոցառումների մասնակցության վերաբերյալ, որից հետո հուշանվերներ փոխանակեցին:

Այլ նորություններ
ՀԱՄԱԼՍԱՐԱՆԱԿԱՆՆԵՐՆ ԱՅՑԵԼԵԼ ԵՆ ԱԶԳԱՅԻՆ ՀԵՐՈՍ ԹԱԹՈՒԼ ԿՐՊԵՅԱՆԻ ՀԱՅՐԵՆԻ ԳՅՈՒՂ
«Դասը վարում են համալսարանականները» ծրագրի շրջանակում ԵՊՀ մինչհամալսարանական կրթության վարչությունը կազմակերպել էր այցելություն Արագածոտնի մարզի Թաթուլ գյուղի միջնակարգ դպրոց, ինչպես նաև Հայաստանի Ազգային հերոս, ԵՊՀ զոհված ուսանող-ազատամարտիկ Թաթուլ Կրպեյանի տուն-թանգարան:
ԵՊՀ-ՈՒՄ ՆՇՎԵՑ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ 50-ԱՄՅԱԿԸ
ԵՊՀ արևելագիտության ֆակուլտետը նշում է հիմնադրման 50-ամյակը, ինչի առթիվ նոյեմբերի 9-10-ը կազմակերպում է Հայկական արևելագիտական առաջին միջազգային կոնգրեսը (ACOS’18):