03.12.2018 | 
Հասարակություն
«STARTUP BOOST WEEKEND VOL3». ՆՈՐԱՐԱԿԱՆ ԳԱՂԱՓԱՐՆԵՐԻ ԳԵՆԵՐԱՑՈՒՄ
«STARTUP BOOST WEEKEND VOL3». ՆՈՐԱՐԱԿԱՆ ԳԱՂԱՓԱՐՆԵՐԻ ԳԵՆԵՐԱՑՈՒՄ
Հայաստանի ազգային պոլիտեխնիկական համալսարանում դեկտեմբերի 1-ին և 2-ին տեղի ունեցավ երրորդ «Startup Boost Weekend Vol3» միջոցառումը:

«Startup Boost Weekend Vol3»-ը 48-ժամյա միջոցառում է, որը միտված է ուսանողների մոտ խթանել ձեռնարկատիրական մտածելակերպի տարածումը:

Նախաձեռնության գործընկերն էին Երևանի պետական համալսարանը, ինչպես նաև Հայաստանի ազգային պոլիտեխնիկական, Հայաստանի ամերիկյան, Հայ-ռուսական և Հայաստանում ֆրանսիական համալսարանները:



Միջոցառման երկու օրերի ընթացքում մասնակիցներն աշխատեցին միասին, կազմավորեցին թիմեր, գեներացրին գաղափարներ և փորձեցին իրականացնել դրանք «Startup» մշակույթին ինտեգրման միջոցով: Մասնակիցները հանդիպեցին և աշխատեցին փորձառու մենթորների, ձեռներեցների և ներդրողների հետ:

120 մասնակիցները նախաձեռնության հետ համագործակցող համալսարանների ուսանողներն էին: ԵՊՀ ուսանողների ներգրավվածությունն այս ծրագրին, ինչպես նաև միջոցառման կազմակերպչական աշխատանքներին աջակցել էր ԵՊՀ ձեռներեցության զարգացման կենտրոնը:
ԵՊՀ պրոռեկտոր Ռուբեն Մարկոսյանը, կարևորելով ուսանողների ստարտափ նախաձեռնությունները, միջոցառման արդյունքների ամփոփման ժամանակ նշեց. «Միջոցառման գրանցած արդյունքներն ընտրված աշխատանքային ձևաչափի արդյունավետության խոսուն վկաներն են, ինչը հիմք է հանդիսանում ԵՊՀ-ի կողմից ծրագրին շարունակական մասնակցություն ապահովելուն: Ուրախությամբ պետք է ավելացնեմ, որ համագործակցող կողմերի հետ ձեռքբերված պայմանավորվածության համաձայն՝ հաջորդ անգամ ծրագիրը կհյուրընկալվի Մայր բուհում»:

«Startup Boost Weekend vol3» ծրագրի հաղթող ճանաչվեց «Eventer» թիմը՝ ստանալով գրքերի փաթեթ և 600 ԱՄՆ դոլարի չափով դրամաշնորհ: Երկրորդ տեղը զբաղեցրեց «Eyez» թիմը՝ արժանանալով «ANEL» ինժեներական լաբորատորիայում ինկուբացիա անցնելու հնարավորություն, գրքերի փաթեթ և 400 ԱՄՆ դոլարի չափով դրամաշնորհ: Երրորդ տեղ զբաղեցրած «PromoCar» թիմը ստացավ գրքերի փաթեթ:

Այլ նորություններ
«ԵԹԵ ԱՍՏԾՈ ԿԱՄՔՈՎ ՈՂՋ ԵՆՔ ՄՆԱՑԵԼ, ԱՊԱ ՊԵՏՔ Է ՄԱՐԴՈՒՆ ՎԱՅԵԼ ԱՊՐԵՆՔ». ՀՀ ԶՈՒ ՍՊԱ, ՄԱՅՈՐ ՍԱՐԳԻՍ ՍՏԵՓԱՆՅԱՆ
ԵՊՀ գիտխորհրդի նիստերի դահլիճում ԵՊՀ ՈՒԽ մարտական պատրաստության ակումբի ներկայացուցիչներն այսօր հանդիպեցին ՀՀ ԶՈՒ սպա, մայոր Սարգիս Ստեփանյանի հետ:
ԵՊՀ-Ն ՀՅՈՒՐԸՆԿԱԼԵԼ Է ՀԱՅՏՆԻ ԱՌԱԾԱԲԱՆ ԽՈՒԼԻԱ ՍԵՎԻԼԻԱ ՄՈՒՆՅՈՍԻՆ
ԵՊՀ եվրոպական լեզուների և հաղորդակցության ֆակուլտետի ռոմանական բանասիրության ամբիոնն ապրիլի 23-ից 25-ը հյուրընկալել է Մադրիդի Կոմպլուտենսեի համալսարանի պրոֆեսոր, թարգմանիչ, հայտնի առածաբան Խուլիա Սևիլիա Մունյոսին: