22.12.2017 | 
Հասարակություն
ՆԱԽԿԻՆ ՈՒԳԸ-ԱԿԱՆՆԵՐԸ ՊԱՐԳԵՎԱՏՐՎԵՑԻՆ
ՆԱԽԿԻՆ ՈՒԳԸ-ԱԿԱՆՆԵՐԸ ՊԱՐԳԵՎԱՏՐՎԵՑԻՆ
Դեկտեմբերի 21-ին կայացած գիտխորհրդի տարեվերջյան նիստի ընթացքում մի շարք համալսարանականներ արժանացան պարգևների և շնորհակալագրերի:

ՀՀ կրթության և գիտության նախարարության կողմից նախկին և ներկայիս առավել ակտիվ ՈՒԳԸ նախագահներին ու անդամներին ուսանողական կառույցի 70-ամյակի կապակցությամբ մեդալներ, պատվոգրեր ու շնորհակալագրեր հանձնեց փոխնախարար Վահրամ Մկրտչյանը:

 

«Հարկ է նշել, որ Մայր բուհն այն կազմակերպված թիմն է, որը օրակարգ է ձևավորում ինչպես քաղաքական, այնպես էլ գիտական հարթակում: Շնորհակալ ենք, որ շարունակում եք պատշաճ կերպով իրագործել ձեր առաքելությունը՝ ի նպաստ մեր պետության և ժողովրդի»,- ասաց փոխնախարարը:

 

Վահրամ Մկրտչյանը ԵՊՀ ուսանողական գիտական ընկերության կայացման և զարգացման գործում մեծ ավանդ ունենալու համար և ՈՒԳԸ հիմնադրման 70-ամյակի կապակցությամբ ՀՀ ԿԳՆ բարձրագույն պարգևով՝ ոսկե հուշամեդալով պարգևատրեց ՈՒԳԸ նախկին նախագահներ ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանին, գրադարանի տնօրեն Եզնիկ Միրզոյանին ու Տնտեսագիտության և կառավարման ֆակուլտետի կառավարման և գործարարության ամբիոնի վարիչ Կառլեն Խաչատրյանին:

 

 

 

Պատվոգրերի արժանացան նաև ՈՒԳԸ նախկին նախագահ, ԵՊՀ հոգաբարձուների խորհրդի քարտուղար, Պատմության ֆակուլտետի դասախոս Միքայել Մալխասյանը, Միջազգային հարաբերությունների ֆակուլտետի ասպիրանտ, ՈՒԳԸ ներկայիս նախագահ Մհեր Հակոբյանը:

 

Շնորհակալագրերով պարգևատրվեցին Աշխարհագրության և երկրաբանության ֆակուլտետի դասախոս Գոռ Ալեքսանյանը, Ռոմանագերմանական բանասիրության ֆակուլտետի մագիստրանտ, ՈՒԳԸ փոխնախագահ Մարիամ Մարտիրոսյանը, ինչպես նաև Իրավագիտության ֆակուլտետի մագիստրանտ, ֆակուլտետի ՈՒԳԸ նախագահ Տիգրան Դադունցը:

 

Այլ նորություններ
«ԿԱՐՈՂ ԵՆ ԱՐԴՅՈ՞Ք ՊԵՏԱԿԱՆ ԻՆՍՏԻՏՈՒՏՆԵՐԸ ԿԱՆԽՈՐՈՇԵԼ ՏՆՏԵՍԱԿԱՆ ԱՃԸ». ՊԱՐԶԱԲԱՆՈՒՄ Է ԵՊՀ ՏՆՏԵՍԱԳԻՏՈՒԹՅԱՆ ԹԵԿՆԱԾՈՒ, ԴՈՑԵՆՏ ԿԱՌԼԵՆ ԽԱՉԱՏՐՅԱՆԸ
ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ, տնտեսագիտության թեկնածու, դոցենտ Կառլեն Խաչատրյանի ներկայացրած «Պետության ինստիտուտների կայացվածությունը ` որպես տնտեսական աճի ապահովման հիմնական գործոն» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
«ՀԱՂՈՐԴԱԿՑՈՒԹՅԱՆ ՄԵՋ ԱՆՄԵՂՈՒԹՅՈՒՆ ՉԿԱ». ՃԱՌԱԳԻՐ ՎԱԶՐԻԿ ԲԱԶԻԼ
Այսօր ԵՊՀ ժուռնալիստիկայի ֆակուլտետի հյուրն էր հայազգի գերմանաբնակ հրապարակախոս, հաղորդակցության և հանրային կապերի մասնագետ, գերմանախոս երկրների ճառագիրների ասոցիացիայի նախկին նախագահ, փիլիսոփայության դոկտոր Վազրիկ Բազիլը: