14.04.2017 | 
Ուսանողական
ԱՅՍՕՐ ՏՈՆ Է ԲՈԼՈՐ ԺԱՄԱՆԱԿՆԵՐԻ ՈՒՍԽՈՐՀՐԴԱԿԱՆՆԵՐԻ ՀԱՄԱՐ
ԱՅՍՕՐ ՏՈՆ Է ԲՈԼՈՐ ԺԱՄԱՆԱԿՆԵՐԻ ՈՒՍԽՈՐՀՐԴԱԿԱՆՆԵՐԻ ՀԱՄԱՐ
Տոնական օրն այսօր ավարտվեց ԵՊՀ ՈՒԽ ծննդյան օրվան նվիրված համերգ-մրցանակաբաշխությամբ:

ԵՊՀ ուսանողական խորհուրդն արդեն 23 տարեկան է: Ուսանողական կառույցի հիմնադրման օրը հանդիսավորությամբ նշելու համար կազմակերպված տոնակատարությունների շարքում ամենահանդիսավորը համերգ-մրցանակաբաշխությունն էր, որին ներկա էին ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, մի շարք ստորաբաժանումների ղեկավարներ, բոլոր ժամանակների ուսխորհրդականներ և ուսանողներ:

 

ԵՊՀ պրոռեկտորը, ողջույնի իր խոսքում շնորհավորելով բոլորին տոնի կապակցությամբ, հպարտությամբ հիշեց, որ 23 տարի առաջ ինքը նույնպես եղել է հիմնադիր համագումարի պատվիրակ և ուսանողական կառույցի ստեղծման մասնակից:

 

«Անկեղծ ասած, այն ժամանակ լավ չէի գիտակցում պահի լրջությունը և չէի էլ կարող պատկերացնել, որ մի օր հնարավորություն կտրվի որպես պրոռեկտոր շնորհավորելու այս կարևորագույն կառույցի բոլոր անդամներին: Տարբեր սերունդներ տարբեր ձևով են ձևակերպել Ուսանողական խորհրդի էությունը, և ես համոզված եմ, որ ներկայիս կազմը նորովի և էլ ավելի հետաքրքիր ձևերով կպատասխանի բոլոր մարտահրավերներին»,- ասաց Ռուբեն Մարկոսյանը:

 

ԵՊՀ ՈՒԽ նախագահ Արմեն Խաչիկյանը նույնպես շնորհավորեց բոլոր ժամանակների ուսխորհրդականներին և փաստեց, որ այս 23 տարիների ընթացքում ՈՒԽ-ն ձեռք է բերել պատկառելի հարգանք և հեղինակություն. «Մենք կփորձենք հավուր պատշաճի շարունակել նախորդ սերունդների գործը և ունենալ այնպիսի ուսանողական կառույց, որը բոլոր ուսանողների համար կդառնա հարթակ՝ ինքնադրսևորվելու, ինքնաարտահայտվելու և հաջողության հասնելու համար»:

 

 

Համերգ-մրցանակաբաշխության ընթացքում ամփոփվեցին նաև «Երգող համալսարանական-2017», «Պարող համալսարանական-2017» և «Ասմունքող համալսարանական-2017» մրցույթների արդյունքները: Ստորև ներկայացնում ենք այդ մրցույթներում մրցանակային տեղեր գրաված ուսանողների անունները.

 

«Ասմունքողհամալսարանական-2017»-իհաղթողներ՝


Հռիփսիմե Մանուկյան - 1-ին հորիզոնական
Նոռա Հայրապետյան - 2-րդ հորիզոնական
Թամարա Սաղաթելյան -2-րդ հորիզոնական
Սուրեն Թադևոսյան - 3-րդ հորիզոնական
Սիլվի Տիգրանյան - 3-րդ հորիզոնական
Սանասար Գրիգորյան - «Հանդիսատեսի համակրանք» մրցանակ

 

«Պարողհամալսարանական-2017»-ի ազատ ոճի հաղթողներ՝


Զեմֆիրա Եգանյան - 1-ին հորիզոնական
Կելլի Կուլիկովա - 2-րդ հորիզոնական
Նարե Դովլաթյան - 2-րդ հորիզոնական
Մարի Վարդանյան - 3-րդ հորիզոնական
Անուշ Արսենյան - 3-րդ հորիզոնական
Սոնա Գրիգորյան - «Հանդիսատեսի համակրանք» մրցանակ

 

«Պարողհամալսարանական-2017»-ի ժողովրդական ոճի հաղթողներ՝


Անի Պողոսյան - 1-ին հորիզոնական
Սոնա Գրիգորյան - 2-րդ հորիզոնական
Ասյա Թադևոսյան - 2-րդ հորիզոնական
Սյուզի Նազարյան - 3-րդ հորիզոնական
Հասմիկ Գրիգորյան - 3-րդ հորիզոնական
Մերի Գևորգյան - «Հանդիսատեսի համակրանք» մրցանակ

 

«Երգողհամալսարանական-2017»-ի ազատ ոճի հաղթողներ՝


Անահիտ Հակոբյան - 1-ին հորիզոնական
Աղավնի Խաչիկյան - 2-րդ հորիզոնական
Լիա Հայկյանց - 2-րդ հորիզոնական
Անի Գորազյան - 3-րդ հորիզոնական
Գալինա Կարապետյան - 3-րդ հորիզոնական
Գևորգ Արշակյան - «Հանդիսատեսի համակրանք» մրցանակ

 

«Երգողհամալսարանական-2017»-ի ազգային ոճի հաղթողներ՝


Գագիկ Մաշինյան - 1-ին հորիզոնական
Լիանա Պողոսյան - 2-րդ հորիզոնական
Անի Սիսակյան - 2-րդ հորիզոնական
Մարիամ Մելքոնյան - 3-րդ հորիզոնական
Լիլիթ Ալթունյան - 3-րդ հորիզոնական
Նարե Վարդումյան - «Հանդիսատեսի համակրանք» մրցանակ

 

 

Տեղեկացնենք, որ հաղթողների մրցանակները հանձնեցին տվյալ մրցույթների ժյուրիի անդամները, ովքեր էլ արժանացան շնորհակալագրերի:

 

Միջոցառման ընթացքում վերոնշյալ մրցույթների մասնակիցները հանդես եկան երգի, պարի և ասմունքի կատարումներով:

Այլ նորություններ
ԵՊՀ ՖՐԱՆԿՈՖՈՆՆԵՐԻ ԱԿՈՒՄԲՆ ԱՅՍՕՐՎԱՆԻՑ ՊԱՇՏՈՆԱՊԵՍ Է ԳՈՐԾԵԼՈՒ
Այսօր ԵՊՀ Չարենցի անվան դահլիճում տեղի ոնեցավ միջոցառում, որը նվիրված էր ԵՊՀ ֆրանկոֆոնների ակումբի պաշտոնական բացմանը:
«ՄԵՐ ՀԱՍԱՐԱԿՈՒԹՅԱՆ ԱՄԵՆԱՄԵԾ ԹԵՐՈՒԹՅՈՒՆՆԵՐԻՑ ԵՆ ԵՐԻՏԱՍԱՐԴՈՒԹՅԱՆ ԱՆԿԱԶՄԱԿԵՐՊՎԱԾՈՒԹՅՈՒՆԸ ԵՎ ՀԵՂԻՆԱԿԱՎՈՐ  ԼԻԴԵՐՆԵՐԻ ԲԱՑԱԿԱՅՈՒԹՅՈՒՆԸ». ԵՊՀ ՌԵԿՏՈՐ ԱՐԱՄ ՍԻՄՈՆՅԱՆԸ ՀԱՆԴԻՊԵՑ ՈՒՍԱՆՈՂՆԵՐԻ ՀԵՏ
ՈւԽ նախագահության, ՈՒԳԸ ղեկավար կազմի, ինչպես նաև ուսանողական այլ հանձնաժողովների ներկայացուցիչների հետ պարբերաբար կազմակերպվող հանդիպումների հիմնական նպատակն է համալսարանի ղեկավարի հետ քննարկել ուսանողությանն անհանգստացնող խնդիրները, ներկայացնել առաջարկներ ու տալ համապատասխան լուծումներ: