28.11.2018 | 
Կրթություն
«ՄԱՐԿՈՍ ՏՈՒԼԻՈՍ ՑԻՑԵՐՈՆՆ ԸՆԴԴԵՄ ԼՈՒԿԻՈՍ ՍԵՐԳԻՈՍ ԿԱՏԻԼԻՆԱՅԻ». ԴԱՏԱԽԱՂ ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
«ՄԱՐԿՈՍ ՏՈՒԼԻՈՍ ՑԻՑԵՐՈՆՆ ԸՆԴԴԵՄ ԼՈՒԿԻՈՍ ՍԵՐԳԻՈՍ ԿԱՏԻԼԻՆԱՅԻ». ԴԱՏԱԽԱՂ ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի պետության և իրավունքի տեսության ու պատմության ամբիոնի և ՈՒԽ-ի համատեղ նախաձեռնությամբ այսօր տեղի ունեցավ դատախաղ՝ նախատեսված առաջին կուրսեցիների համար:

Դատախաղը կազմակերպվել էր «Արտասահմանյան երկրների պետության և իրավունքի պատմություն» դասընթացի շրջանակում: Ինչպես մեզ հետ զրույցում փաստեց Պետության և իրավունքի տեսության ու պատմության ամբիոնի ասիստենտ և դասախոս Կարեն Ամիրյանը, դատախաղի հիմնական նպատակն էր ուսանողների մոտ զարգացնել իրավական մտածողություն,  իրավական ճիշտ դատողություն և տրամաբանական խոսք կառուցելու հմտություններ:

 

«Բոլորս էլ գիտենք, որ իրավաբանները հանդես են գալիս հանրային խոսքով, դրա համար էլ մենք փորձում ենք հենց առաջին կուրսից ուսանողների մոտ գործնականում զարգացնել ճիշտ և գրագետ խոսք կառուցելու հմտությունները»,- ասաց Կարեն Ամիրյանը:

 

Ըստ բեմադրության՝ ուսանողները մասնակցում էին Հին Հռոմի սենատի դատավարությանը, որտեղ Մարկոս Տուլիոս Ցիցերոնը հանդես էր գալիս ընդդեմ Լուկիոս Սերգիոս Կատիլինայի: Սենատը բաժանվել էր երկու հիմնական խմբի. մի մասը կարծում էր, որ մեղադրյալին պետք է պատասխանատվության ենթարկել, իսկ մյուս մասը գտնում էր, որ պետք է արդարացնել կամ գոնե առավել մեղմ պատժի արժանացնել: Ի վերջո, սենատը որոշեց Կատիլինային մահապատժի չենթարկել, այլ՝ ցմահ ազատազրկման:

 

Կարեն Ամիրյանը փաստեց, որ ուսանողներին նախապես տրամադրված իրավիճակն իրական փաստերի վրա է հիմնված՝ գեղարվեստական և իրավական երանգների խտացմամբ, որ ուսանողներին ավելի հետաքրքիր լինի:

 

Իրավագիտության ֆակուլտետի 3-րդ կուրսի ուսանողուհի, ՈՒԽ իրավական հանձնաժողովի փոխնախագահ Կարոլինա Հարությունյանը մեզ հետ զրույցում ասաց, որ սա արդեն իր կողմից կազմակերպված 7-րդ դատախաղն էր: Ըստ նրա՝ դրանք օգնում են ուսանողներին տեսական գիտելիքները կիրառել գործնականում և նոր գիտելիքներ ձեռք բերել:

 

Կարոլինա Հարությունյանը վստահեցրեց, որ այս միջոցառումները կարող են հիմք հանդիսանալ հետագայում համապետական և միջազգային դատախաղերին մասնակցելու համար:

 

Քնար Միսակյան

 

Այլ նորություններ
«ՀԱՋՈՂՈՒԹՅԱՆ ՀԱՍՆԵԼՈՒ ՀԱՄԱՐ ՇԱՏ ԿԱՐԵՎՈՐ Է ԻՆՔՆԻՐԱՑՄԱՆ ՃԻՇՏ ՈԼՈՐՏ ԳՏՆԵԼԸ». «ԼԱՎԱԳՈՒՅՆ ՈՒՍԱՆՈՂ» ՀԱՆՐԱՊԵՏԱԿԱՆ ՄՐՑՈՒՅԹԻ ՄՐՑԱՆԱԿԱԿԻՐ ԴԱՎԻԹ ԱՔԵԼՅԱՆ
Փիլիսոփայության և հոգեբանության ֆակուլտետի փիլիսոփայության բաժնի 4-րդ կուրսի ուսանող Դավիթ Աքելյանը «Հանրապետության լավագույն ուսանող-2018» մրցույթում բակալավրի կրթական ծրագրով հումանիտար գիտությունների ոլորտում զբաղեցրել է առաջին տեղը: ՀՀ ԿԳ նախարարի կողմից նա պարգևատրվել է հավաստագրով և միանվագ անվանական կրթաթոշակով:
ՏԵՂԵԿԱՏՎԱԿԱՆ ՊԱՏԵՐԱԶՄԻ ՀՆԱՐՔՆԵՐԸ ԵՎ ՏԱՐԱԾՎԱԾ ՄԻՖԵՐԸ. ՈՒՍԱՆՈՂՆԵՐԻ ՀՅՈՒՐԸ ԿԱՐԵՆ ՎՐԹԱՆԵՍՅԱՆՆ ԷՐ
ԵՊՀ գիտական խորհրդի նիստերի դահլիճում այսօր տեղի ունեցավ «Պատերազմի դասեր. տեղեկատվական պատերազմ» խորագրով հանդիպում մեդիա փորձագետ, հայ-ադրբեջանական հակամարտության քարոզչական հարցերի մասնագետ, «Razm.info» կայքի համակարգող Կարեն Վրթանեսյանի հետ: