27.10.2018 | 
Ուսանողական
ՄԻՆՉ ԳՐԱԴԱՐԱՆԻ ՏՈՄՍԵՐԻ ՏՐԱՄԱԴՐՈՒՄՆ՝ ԱՌԱՋԻՆԿՈՒՐՍԵՑԻՆԵՐԻՆ ԿՕԳՆԵՆ ԵՊՀ ՈՒԽ ԱՆԴԱՄՆԵՐԸ
ՄԻՆՉ ԳՐԱԴԱՐԱՆԻ ՏՈՄՍԵՐԻ ՏՐԱՄԱԴՐՈՒՄՆ՝ ԱՌԱՋԻՆԿՈՒՐՍԵՑԻՆԵՐԻՆ ԿՕԳՆԵՆ ԵՊՀ ՈՒԽ ԱՆԴԱՄՆԵՐԸ
Վերջին օրերին առաջինկուրսեցիները հաճախ են դժգոհում, որ գրադարանի քարտերն ուշանում են:

Նշենք, որ համալսարանում գործում է ԵՊՀ ուսանողի և Սարգիս և Մարի Իզմիրլյանների անվան գրադարանի ընթերցողի միասնական տոմսը (ուսանողական տոմս):

Հաշվի առնելով մոտեցող ընթացիկ քննությունները՝ տոմսը չլինելու պատճառով առաջինկուրսեցիները չեն կարողանում օգտվել գրադարանից և պարապել:

Ինչպես հայտնի է, այս ուստարի առաջինկուրսեցիներին նախատեսվում է տրամադրել միասնական քարտ, որը լինելու է «Արարատ բանկ»-ի հաշվեհամարով քարտ և ծառայելու է որպես գրադարանի ընթերցողի քարտ և ուսանողական տոմս:

Այս հարցի շուրջ մենք զրուցեցինք ԵՊՀ ուսանողական խորհրդի փոխնախագահ Դավիթ Մաթևոսյանի հետ:

«Խնդրի մասին բարձրաձայնել են բակալավրիատի առաջին կուրսի ուսանողները, ինչպես նաև այն ուսխորհրդականները, որոնք իրենց քարտերով գրքեր են վերցրել և տրամադրել են առաջինկուրսեցիներին»,- ասաց Դավիթը:

Նա նշեց, որ այս մասին խոսել են ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանի և գլխավոր հաշվապահ Ռաֆիկ Գրիգորյանի հետ, ինչպես նաև կապ են հաստատել «Արարատ բանկ»-ի պլաստիկ քարտերով գործառնությունների վարչության պետ Հայկ Հարությունյանի հետ:

Այս հարցի վերաբերյալ ԵՊՀ ՈՒԽ ֆեյսբուքյան էջում հայտարարություն է տեղադրվել, որը ներկայացնում ենք ստորև.

««Արարատ բանկ»-ի համապատասխան ստորաբաժանումից տեղեկացանք, որ այս շաբաթվա ընթացքում ԵՊՀ կենտրոնական մասնաշենքի «Արարատ բանկ»-ի մասնաճյուղ են բերվելու բոլոր քարտերը, որոնք վերցնելու համար անհրաժեշտ է անձնագրով այցելել վերոնշյալ մասնաճյուղ: Ձեր սպասարկումը լինելու է գործարքային սպասարկումից դուրս: Մասնաճյուղ մոտենալու և քարտը վերցնելու համար ձեզ նախապես կզանգահարեն»:

Մինչև քարտերի տրամադրումը ԵՊՀ ՈՒԽ-ն հորդորում է դիմել ֆակուլտետային Ուսանողական խորհրդին, որը պատրաստակամ է աջակցելու անհրաժեշտ գրականությունը ձեռք բերելու հարցում:

Այլ նորություններ
ԵՊՀ ՈՐՈՇ ՈՒՍԱՆՈՂՆԵՐ ՆՈՐ ՏԱՐԻՆ ԴԻՄԱՎՈՐԵՑԻՆ ԱՐՏԵՐԿՐՈՒՄ
Երևանի պետական համալսարանն աշխարհի տարբեր բուհերի հետ ունեցած համագործակցության շնորհիվ իր ուսանողներին հնարավորություն է տալիս սովորելու արտերկրում։ Այս տարի նրանցից շատերն ականատես եղան տոնական հրաշքին տնից ու Հայաստանից հեռու։
ysu.am-ը զրուցել է արտերկրի բուհերում սովորող հայ ուսանողների հետ, իմացել, թե ինչպես նշեցին տարեմուտը։
ԻՆՉՊԵՍ ԵՆ ՏՈՆԵԼՈՒ ՆՈՐ ՏԱՐԻՆ ԵՊՀ-ՈՒՄ ՍՈՎՈՐՈՂ ԱՐՏԱՍԱՀՄԱՆՑԻ ՈՒՍԱՆՈՂՆԵՐԸ
Երկրի մշակույթին ծանոթանալու լավագույն ձևը նրա տոներին մասնակցելն է։ Ինչպես հայտնի է, ԵՊՀ-ն համագործակցում է աշխարհի տարբեր բուհերի հետ ու հնարավորություն տալիս արտասահմանցի ուսանողներին ուսանելու այստեղ։ Այս տարի նրանք հնարավորություն ունեն ականատես լինելու տոնական հրաշքին հենց Երևանում։ ysu.am-ը զրուցել է արտասահմանցի ուսանողների հետ, պարզել, թե ինչ կարծիք ունեն նրանք Հայաստանի տոնական մթնոլորտի մասին և թե ինչպես են պատրաստվում նշել Նոր տարին։