06.12.2017 | 
Ուսանողական
ԱՎԱՐՏՎԵՑ «Ի՞ՆՉ, ՈՐՏԵ՞Ղ, Ե՞ՐԲ» ԽԱՂԻ ՄԻՋԲՈՒՀԱԿԱՆ ԱՌԱՋՆՈՒԹՅՈՒՆԸ
ԱՎԱՐՏՎԵՑ «Ի՞ՆՉ, ՈՐՏԵ՞Ղ, Ե՞ՐԲ» ԽԱՂԻ ՄԻՋԲՈՒՀԱԿԱՆ ԱՌԱՋՆՈՒԹՅՈՒՆԸ
Այսօր ԵՊՀ Պալեանների անվան դահլիճում տեղի ունեցավ «Ի՞նչ, որտե՞ղ, ե՞րբ» ինտելեկտուալ խաղի միջբուհական առաջնության եզրափակիչ փուլը:

ԵՊՀ ՈՒԽ գիտակրթական հանձնաժողովի կողմից կազմակերպված խաղին մասնակցում էին թիմեր ԵՊՀ-ից, Մ. Հերացու անվան պետական բժշկական համալսարանից, Վ. Բրյուսովի անվան լեզվահասարակագիտական համալսարանից, Հայ-ռուսական (Սլավոնական) համալսարանից և այլ բուհերից:

 

Ողջույնի խոսքով հանդես եկավ ԵՊՀ ուսանողական խորհրդի գիտակրթական հանձնաժողովի նախագահ Ամալյա Սողոմոնյանը, ով մասնակիցներին մաղթեց հետաքրքիր և դիտարժան խաղ:

Ինտելեկտուալ խաղը վարում էր սպորտային «Ի՞նչ, որտե՞ղ, ե՞րբ» խաղի ասոցիացիայի նախագահ Տիգրան Քոչարյանը:

 

«ՈՒԽ գիտակրթական հանձնաժողովը պարբերաբար է կազմակերպում ներֆակուլտետային ու միջֆակուլտետային խաղեր: Այս անգամ, սակայն, առաջնությունը բաց էր, այսինքն՝ խաղը կազմակերպել էինք ոչ միայն ԵՊՀ  ուսանողների, այլև մյուս բուհերի համար: Միջբուհական առաջնության եզրափակչին հայտագրված 50 թիմերից մասնակցում էին լավագույն 10-ը»,- մեզ հետ զրույցում ասաց Ամալյա Սողոմոնյանը:

 

Առաջին հորիզոնականը զբաղեցրեց ԵՊՀ «Anonymous» թիմը, երկրորդը՝ «ЕВР»-ը, իսկ երրորդ հորիզոնականը՝ «Քաոս»-ը: Թիմերը խրախուսվեցին գրքերով, հավաստագրերով և խաղի խորհրդանիշ փայտե «բուերով»: «Լավագույն խաղացող» անվանակարգում հաղթող ճանաչվեց Հայ-ռուսական (Սլավոնական) համալսարանի ուսանող Արսեն Ահարոնյանը:

 

Այլ նորություններ
«ՖԻԶԻԿՈՍ» ԿԱՏՈՒՆ, ՈՐՆ ԱՊՐՈՒՄ Է ԵՊՀ-ՈՒՄ
Մոլեկուլային ֆիզիկայի ամբիոնի դասախոս, ֆիզմաթ. գիտ. թեկնածու, պրոֆեսոր Վլադիմիր Ֆեոդորի Մորոզովն իր աշխատասենյակում պահում է տասնմեկամյա Մաթիլդա կատվին: Կատվի անունը «Փոքրիկը և Կառլսոնը» մուլտֆիլմից է: Ըստ Մորոզովի՝ Մաթիլդան ֆիզիկայից ավելի շատ գիտելիքներ ունի, քան որոշ ուսանողներ:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՄԱԳԻՍՏՐԱՏՈՒՐԱՅԻ ՇՐՋԱՆԱՎԱՐՏՆԵՐԻՑ 24-Ը ՍՏԱՑԱՆ ԳԵՐԱԶԱՆՑՈՒԹՅԱՆ ԴԻՊԼՈՄ
Այսօր ԵՊՀ իրավագիտության ֆակուլտետի դատական նիստերի դահլիճում տեղի ունեցավ 2017-2018 ուստարվա մագիստրատուրայի շրջանավարտների դիպլոմների հանձնման հանդիսավոր արարողությունը: Նշենք, որ այս տարի 51 շրջանավարտից 24-ը ստացան գերազանցության դիպլոմ: