19.10.2018 | 
Ուսանողական
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԸ՝ ՖՈՒՏԲՈԼԻ ՄԻՋՖԱԿՈՒԼՏԵՏԱՅԻՆ ԱՌԱՋՆՈՒԹՅԱՆ ՀԱՂԹՈՂ
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԸ՝ ՖՈՒՏԲՈԼԻ ՄԻՋՖԱԿՈՒԼՏԵՏԱՅԻՆ ԱՌԱՋՆՈՒԹՅԱՆ ՀԱՂԹՈՂ
Այսօր ավարտվեց Ֆուտբոլի միջֆակուլտետային առաջնությունը: Թեժ պայքարից հետո չեմպիոնական գավաթը շահեց Իրավագիտության ֆակուլտետի ֆուտբոլային թիմը:

Հիշեցնենք, որ ԵՊՀ ուսանողների հետ տարվող աշխատանքների կենտրոնի, ԵՊՀ ՈՒԽ սպորտի հանձնաժողովի ու Ֆիզիկական դաստիարակության և սպորտի ամբիոնի նախաձեռնությամբ կազմակերպված Ֆուտբոլի միջֆակուլտետային առաջնությունը մեկնարկել էր սեպտեմբերի 25-ին:

Եզրափակչում մրցում էին Միջազգային հարաբերությունների, Մաթեմատիկայի և մեխանիկայի, Բանասիրության և Իրավագիտության ֆակուլտետների թիմերը, իսկ եզրափակչից առաջ մրցեցին Միջազգային հարաբերությունների ու Մաթեմատիկայի և մեխանիկայի ֆակուլտետների թիմերը:

 

Ֆուտբոլային թիմերը ցույց տվեցին դիտարժան և հետաքրքիր խաղ: Խաղի ելքը որոշվեց տուգանային հարվածներով. երրորդ տեղը զբաղեցրեց Միջազգային հարաբերությունների ֆակուլտետի թիմը:

 

Այդ թիմի դարպասապահ Դավիթ Թորոսյանը մեզ հետ զրույցում նշեց, որ իրենց թիմին բնորոշ նվիրվածությունը որոշեց խաղի ելքը:

Եզրափակչում մրցեցին Բանասիրության և Իրավագիտության ֆակուլտետների ուսանողները: Առաջին խաղակեսն ավարտվեց ոչ-ոքի, որից հետո բանասերներն առաջին գնդակն ուղարկեցին հակառակորդի դարպաս: Թիմային խաղն ընթացավ լարված պայքարում:

 

Խաղի ճակատագիրը որոշվեց 2-րդ խաղակեսում, քանի որ առաջինն ամփոփվեց ոչ-ոքի հաշվով: Ի վերջո, 2:1 հաշվով հաղթող ճանաչվեց Իրավագիտության ֆակուլտետի թիմը:

 

Հաղթող թիմին շնորհավորեցին երկրպագուները, ուսանողները, շուտով նրանց  միացավ և հաղթանակը շնորհավորեց նաև Իրավագիտության ֆակուլտետի դեկան Գագիկ Ղազինյանը:

 

Գավաթն ու մեդալները թիմերին հանձնեցին Ռոմանագերմանական բանասիրության ֆակուլտետի դեկան Սամվել Աբրահամյանը, Ուսանողական խորհրդի նախագահ Դավիթ Ափոյանը և Ֆիզիկական դաստիարակության և սպորտի ամբիոնի մարզական ակումբի նախագահ Հենրիկ Թումանյանը:

 

Չեմպիոնական գավաթը ստացած թիմը հպարտությամբ բարձրացրեց այն:


 
Անգին Խաչատրյան

 

Այլ նորություններ
«ՀՐԱՏԱՊ ԱՐՁԱԳԱՆՔԸ ԺԱՄԱՆԱԿԱԿԻՑ ԳՐԱԿԱՆՈՒԹՅԱՆ ԽՆԴԻՐՆԵՐԻՆ ՀՂԻ Է ՎՐԻՊՈՒՄՆԵՐՈՎ». ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍՏԱՑԱՆ ՀԱՅ ԺԱՄԱՆԱԿԱԿԻՑ ԳՐԱԿԱՆՈՒԹՅԱՆ ԳՐՔԵՐ
«Գիրք նվիրելու» օրվա կապակցությամբ ԵՊՀ հայ բանասիրության ֆակուլտետի 40-50 ուսանող այսօր ստացավ ժամանակակից հայ գրողների գրքեր:
ՈՒՍԱՆՈՂԱԿԱՆ ՀԱՐՑՈՒՄՆԵՐԸ՝ ՈՐՊԵՍ ՀԵՏԱԴԱՐՁ ԿԱՊԻ ՄԻՋՈՑ, ՆՊԱՍՏՈՒՄ ԵՆ ԲՈՒՀԻ ԶԱՐԳԱՑՄԱՆԸ, ԱՌԱՋԸՆԹԱՑԻՆ ԵՎ ԽՆԴԻՐՆԵՐԻ ԼՈՒԾՄԱՆԸ
Դասավանդման որակի և արդյունավետության վերաբերյալ ուսանողական հարցումների համակարգը՝ որպես ուսանողների կողմից դասախոսական կազմի գիտամանկավարժական գործունեության և բարոյահոգեբանական հատկանիշների գնահատման մեխանիզմ, նպաստում է ԵՊՀ դասախոսական հանրության շրջանում նոր դիրքորոշումների ձևավորմանը, ինչպես նաև դասավանդման և կազմակերպչական գործընթացների բարելավմանը: