14.07.2017 | 
Ուսանողական
ՈՒՍԱՆՈՂԱԿԱՆ ԲԱՆԱԿՈՒՄԻ ՄԱՍՆԱԿԻՑՆԵՐՆ ԱՐԴԵՆ ԱՐՑԱԽՈՒՄ ԵՆ
ՈՒՍԱՆՈՂԱԿԱՆ ԲԱՆԱԿՈՒՄԻ ՄԱՍՆԱԿԻՑՆԵՐՆ ԱՐԴԵՆ ԱՐՑԱԽՈՒՄ ԵՆ
Հուլիսի 12-18-ը Արցախի Հանրապետությունում 160 ուսանողներ Համահայկական ուսանողական ռազմական բանակումի շրջանակում կապրեն զինվորական առօրյայով:

Արցախի Հադրութի շրջանի Տող գյուղում արդեն 4-րդ անգամ մեկնարկել է ուսանողական բանակումը: Ի տարբերություն նախորդ տարիներին անցկացված բանակումների՝ այս տարի այն համախմբել է նաև ՀՀ այլ բուհերի, ինչպես նաև Արցախի ու Ջավախքի ուսանողներին: Համահայկական ուսանողական ռազմական բանակումի 9 ջոկատները, որոնք խորհրդանշում են Արցախի 9 պաշտպանական շրջանները, մեկ շաբաթ իրենց ուժերն են փորձելու ինտելեկտուալ, մշակութային ու մարզական մրցույթներում, մասնակցելու են ռազմագիտական պարապմունքների ու դասախոսությունների:

 

Արցախում ուսանողներն ապրում են զինվորական վրաններում, քնում են զինվորական մահճակալների վրա: Առօրյան ևս զինվորական է. առավոտը սկսվում է մարմնամարզությամբ և ավարտվում անվանականչով:

 

 

Ուսանողների հետ տարվող աշխատանքների կենտրոնի տնօրեն Վահագն Վարագյանի խոսքով՝ ծրագիրն ունի երկու կարևոր նշանակություն. «Մասնակիցները լինելու են զորամասում, անցնելու են մարտական պատրաստվածություն և երկրորդ՝ ապրելով զինվորական առօրյայով՝ հասկանալու են, թե մեր զինվորները մեր հայրենիքի պաշտպանության համար ինչպիսի ջանքեր են ներդնում»:

 

Առաջին օրը ուսանողներն այցելեցին Հադրութի շրջանի զորամասերից մեկը, որտեղ 9 ջոկերն իրենց ուժերը փորձեցին պարանի ձգում և ծանրաձողի հրում վարժություններում: Առավելագույն արդյունք գրանցեց ու հաղթող ճանաչվեց 1-ին ՊՇ ջոկատը:


Զորամաս այցելությունից հետո մասնակիցներն ուխտագնացության մեկնեցին դեպի Արցախի ամենահին, բայց մինչ օրս կանգուն մնացած կառույցներից մեկը՝ Ամարաս վանական համալիր: Այնուհետև հնարավորություն ունեցան տեսնելու 2033 տարեկան հայտնի Տնջրի ծառը: Օրվա ընթացքում ուսանողների հետ հանդիպեց Արցախի Հանրապետության նախագահի խորհրդական, անվտանգության հարցերով փորձագետ Տիգրան Աբրահամյանը, ով խոսեց տարածաշրջանի ռազմաքաղաքական հիմնախնդիրների մասին:


Առջևում նոր դասախոսություններ են, կրակային պատրաստության դասեր, ազգագրական պարերի ուսուցում ու արշավներ: Ուսանողները առաջիկա օրերին կլինեն Մելիք-Եգանյանների ապարանքում, կբարձրանան Դիզափայտ լեռը՝ ուխտագնացության դեպի Սուրբ Կատարո վանք:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: