28.08.2017 | 
Ուսանողական
ՈՒՍԱՆՈՂԱԿԱՆ ԽՈՐՀՈՒՐԴԸ ԺՊԻՏ ՊԱՐԳԵՎԵՑ ԵՐԵԽԱՆԵՐԻՆ
ՈՒՍԱՆՈՂԱԿԱՆ ԽՈՐՀՈՒՐԴԸ ԺՊԻՏ ՊԱՐԳԵՎԵՑ ԵՐԵԽԱՆԵՐԻՆ
ԵՊՀ ուսանողական խորհուրդը կրկին Տավուշի մարզում էր։

Այս անգամ նպատակակետը Բերդ քաղաքի մշակույթի տունն էր, որտեղ ուսխորհրդականները հանդիպեցին ՀՕՖ-ի «Աղքատության կանխարգելումը Տավուշի մարզում» ծրագրի շահառու սահմանամերձ բնակավայրերի աղքատ ընտանիքների երեխաների հետ։

 

ԵՊՀ միջազգային հարաբերությունների ֆակուլտետի ուսանողական խորհրդի և Բանավեճի ակումբի կողմից կազմակերպված համատեղ այցը 2013 թ.-ից մեկնարկած և արդեն ամենամյա դարձած «Օգնիր երազել» սոցիալական ծրագրի շրջանակում երրորդն էր։

 

«Մեր այցի նպատակը բարոյական աջակցություն ցույց տալն է։ Մենք այն վեր ենք դասում նյութական աջակցությունից և մեր այցով ցույց տալիս, որ համալսարանի ուսանողները միշտ կանգնած են իրենց կրտսեր ընկերների կողքին»,- նշեց ԵՊՀ միջազգային հարաբերությունների ֆակուլտետի ՈՒԽ նախագահ և Բանավեճի ակումբի ղեկավար Նվեր Կիրակոսյանը։

 

 

ՈՒԽ անդամները, երեխաների հետ կազմելով թիմեր, ինտելեկտուալ ու սպորտային խաղերի միջոցով փորձեցին իրենց ուժերը։ Միջոցառման ամբողջ ընթացքում երեխաների դեմքից չէր պակասում մանկական անկեղծ ժպիտը, ինչն էլ, ուսխորհրդականների խոսքերով, իրենց այցի մեծագույն ձեռքբերումն էր։ Հրաժեշտից առաջ համալսարանականները, փոքրիկների հետ լուսանկարվելով և պարելով, ամփոփեցին օրը` նորից հանդիպելու ակնկալիքով։

 

 

 

Այլ նորություններ
«ՖԻԶԻԿՈՍ» ԿԱՏՈՒՆ, ՈՐՆ ԱՊՐՈՒՄ Է ԵՊՀ-ՈՒՄ
Մոլեկուլային ֆիզիկայի ամբիոնի դասախոս, ֆիզմաթ. գիտ. թեկնածու, պրոֆեսոր Վլադիմիր Ֆեոդորի Մորոզովն իր աշխատասենյակում պահում է տասնմեկամյա Մաթիլդա կատվին: Կատվի անունը «Փոքրիկը և Կառլսոնը» մուլտֆիլմից է: Ըստ Մորոզովի՝ Մաթիլդան ֆիզիկայից ավելի շատ գիտելիքներ ունի, քան որոշ ուսանողներ:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՄԱԳԻՍՏՐԱՏՈՒՐԱՅԻ ՇՐՋԱՆԱՎԱՐՏՆԵՐԻՑ 24-Ը ՍՏԱՑԱՆ ԳԵՐԱԶԱՆՑՈՒԹՅԱՆ ԴԻՊԼՈՄ
Այսօր ԵՊՀ իրավագիտության ֆակուլտետի դատական նիստերի դահլիճում տեղի ունեցավ 2017-2018 ուստարվա մագիստրատուրայի շրջանավարտների դիպլոմների հանձնման հանդիսավոր արարողությունը: Նշենք, որ այս տարի 51 շրջանավարտից 24-ը ստացան գերազանցության դիպլոմ: