25.11.2019 | 
Կրթություն
ԱՐՏԱԼՍԱՐԱՆԱՅԻՆ ԴԱՍ ‹‹ՄԵՆԵՋՄԵՆԹ›› ԱՌԱՐԿԱՅԻՑ
ԱՐՏԱԼՍԱՐԱՆԱՅԻՆ ԴԱՍ  ‹‹ՄԵՆԵՋՄԵՆԹ››  ԱՌԱՐԿԱՅԻՑ
Տնտեսագիտության և կառավարման ֆակուլտետի 4-րդ կուրսի ուսանողներն այսօր այցելել են ‹‹Մեգերյան կարպետ›› ԲԲԸ:

ԵՊՀ կառավարման և գործարարության ամբիոնը նախաձեռնում է արտալսարանային դասեր, որոնք, տեսական գիտելիքներից բացի, նաև գործնական հմտություններ ձեռքբերելու հնարավորություն են տալիս ուսանողներին:

Մեզ հետ զրույցում ԵՊՀ կառավարման և գործարարության ամբիոնի վարիչի տեղակալ, նախաձեռնության կազմակերպիչ Աննա Հակոբջանյանն ասաց, որ այցի նպատակն է ուսանողներին ծանոթացնել ընկերության գործունեությանը, արտադրական գործընթացին, ինչպես նաև շրջայց կատարել թանգարանում և մասնակցել «Մենեջմենթ» առարկայից արտալսարանային դասի:



Տնտեսագիտության և կառավարման ֆակուլտետի ավարտական կուրսի ուսանողները ‹‹Մեգերյան կարպետ›› ԲԲԸ-ի թանգարան այցելության ընթացքում ծանոթացան կազմակերպության գործունեությանն ու պատմությանը, ներկերի ստացման տեխնոլոգիաներին, ինչպես նաև տեղեկացան, որ դրանց ստացման տեխնոլոգիաներից 2-ն առևտրային գաղտնիք են, որոնցով ընկերությունը մրցակցային առավելություն ունի աշխարհում։



Շրջայցի վերջում ուսանողները հանդիպեցին ‹‹Մեգերյան կարպետ›› ԲԲԸ-ի գործադիր տնօրեն Լեոնիդ Անդրեասյանի հետ, որն անցկացրեց ինտերակտիվ դաս «Մենեջմենթ» թեմայով։ Վերջինս խոսեց ապրանքատեսակի իրացման շուկաների, ընկերության գործունեության կազմակերպման առանձնահատկությունների, անձնակազմի կառավարման ու մրցակցային առավելությունների մասին։



«Ես և ուսանողները տպավորված ենք։ Սա պատմամշակութային բավականին արժեքավոր այց էր»,- մեզ հետ զրույցում նշեց Ա.Հակոբջանյանը։

 

Մարինա Առաքելյան

Այլ նորություններ
ՎԻՐՏՈՒԱԼ ՇՐՋԱՅՑ ՀԱՅԱՍՏԱՆԻ ՊԱՏՄՈՒԹՅԱՆ ԹԱՆԳԱՐԱՆՈՒՄ
ԵՊՀ պատմության ֆակուլտետի ուսանողական գիտական ընկերության և Հայաստանի պատմության թանգարանի համատեղ նախաձեռնությամբ օգոստոսի 3-ին տեղի ունեցավ վիրտուալ շրջայց Հայաստանի պատմության թանգարանում։ Էքսկուրսիան անցկացրեց թանգարանի էքսկուրսիոն բաժնի վարիչ Լիլիթ Հովհաննիսյանը:
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում: