25.06.2019 | 
Հասարակություն
ՔԻՄԻԱՅԻ ՖԱԿՈՒԼՏԵՏԸ ՀԱՆԴԻՍԱՎՈՐ ՃԱՆԱՊԱՐՀԵՑ ԻՐ ՇՐՋԱՆԱՎԱՐՏՆԵՐԻՆ
ՔԻՄԻԱՅԻ ՖԱԿՈՒԼՏԵՏԸ ՀԱՆԴԻՍԱՎՈՐ ՃԱՆԱՊԱՐՀԵՑ ԻՐ ՇՐՋԱՆԱՎԱՐՏՆԵՐԻՆ
ԵՊՀ քիմիայի ֆակուլտետում այսօր տեղի ունեցավ մագիստրատուրայի և բակալավրիատի շրջանավարտների դիպլոմների հանձնման հանդիսավոր արարողությունը:

Դիպլոմների հանձնման հանդիսավոր արարողությունը կազմակերպել էին ֆակուլտետի ղեկավարությունը, ՈՒԽ-ն և ՈՒԳԸ-ն:

 

ԵՊՀ քիմիայի ֆակուլտետի դեկանի տեղակալ Արմեն Գալստյանը, շնորհավորելով շրջանավարտներին, հույս հայտնեց, որ նրանք լավ հիշողություններ են հավաքել այս տարիների ընթացքում, և որ բարձր կպահեն ֆակուլտետի անունը ցանկացած միջավայրում:

 

 

Շրջանավարտներին շնորհավորեց նաև ֆակուլտետի ՈՒԳԸ նախագահ Շուշաննա Վարդանյանը՝ խորհրդանշական համարելով այն, որ ուսանողները դիպլոմները ստանում են այն տարում, երբ նշվում է ԵՊՀ հիմնադրման 100-ամյակը. «Կարծում եմ՝ դա պարտավորեցնող է: Հուսով եմ՝ դուք նշանակալի ներդրում կունենաք ձեր մասնագիտության մեջ»:

 

Քիմիայի ֆակուլտետի դեկան Տարիել Ղոչիկյանը շրջանավարտներին մաղթեց հաջողություններ և հույս հայտնեց, որ այս տարիների ընթացքում ձեռք բերած գիտելիքները կօգնեն կյանքի հետագա փուլերում հեշտությամբ հաղթահարել բոլոր խոչընդոտները:

 

 

Ֆակուլտետի շրջանավարտ Հովհաննես Ադոնցն ուսանողների անունից  շնորհակալություն հայտնեց բոլոր դասախոսներին և վարչական աշխատակիցներին՝ կրթելու և աջակցելու համար:

 

Շնորհավորական խոսքերի ավարտին շրջանավարտները հանդիսավոր ստացան իրենց դիպլոմները:

 

 

Քնար Միսակյան

Այլ նորություններ
«ՄԱՅՐԵՆԻՆ ՄԵՐ ԱԶԳԱՅԻՆ ԻՆՔՆՈՒԹՅՈՒՆՆ Է, ՄԵՐ ԱՆՁՆԱԳԻՐԸ». ՀԱՄԱԼՍԱՐԱՆԱԿԱՆՆԵՐԸ  ԵՎ «ՇԻՐԱԿԱՑՈՒ ՃԵՄԱՐԱՆԻ» ՍԱՆԵՐԸ  ՏՈՆՈՒՄ ԵՆ ՄԱՅՐԵՆԻԻ  ՕՐԸ
ԵՊՀ մշակույթի կենտրոնի և «Շիրակացու ճեմարան» միջազգային գիտակրթական համալիրի համատեղ ջանքերով այսօր տեղի է ունեցել Մայրենի լեզվի օրվան նվիրված «Մայրենի լեզու, Մայր ճեմարան, Մայր համալսարան» խորագիրը կրող միջոցառումը:
«ԱՅՍ ՕՐԸ ՀՐԱՇԱԼԻ ԱՌԻԹ ՊԵՏՔ Է ԴԱՌՆԱ, ՈՐ ՄԵՐ ԵՐԻՏԱՍԱՐԴՈՒԹՅՈՒՆԸ ՀԱՍԿԱՆԱ՝ ԳՐԱԿԱՆ  ՀԱՅԵՐԵՆՈՎ, ԳԵՂԵՑԻԿ ՀԱՅԵՐԵՆՈՎ ՈՒ ՀԱՅԿԱԿԱՆ ՀԱՅԵՐԵՆՈՎ ԽՈՍԵԼԸ ՆՈՐԱՈՃ Է». ԱՅՍՕՐ ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐՆ Է
Մայրենի լեզվի միջազգային օրն ընդունվել է ՅՈՒՆԵՍԿՕ-ի գլխավոր համաժողովի 30-րդ նստաշրջանի որոշումով 1999 թվականի նոյեմբերին, և 2000 թվականից սկսած՝ փետրվարի 21-ը նշվում է որպես մայրենի լեզուների իրավունքների ճանաչման և գործածության աջակցման օր։ Մայրենի լեզվի միջազգային օրը 2005 թվականից նշվում է նաև Հայաստանում: