07.05.2019 | 
Ուսանողական
ԵՊՀ ՈՒՍԱՆՈՂՆԵՐԸ՝ «ԱՊԱՀՈՎԱԳՐԱԿԱՆ ԻՐԱՎՈՒՆՔԻ» ԴԱՏԱԽԱՂ-ՄՐՑՈՒՅԹԻ ՀԱՂԹՈՂՆԵՐ
ԵՊՀ ՈՒՍԱՆՈՂՆԵՐԸ՝ «ԱՊԱՀՈՎԱԳՐԱԿԱՆ ԻՐԱՎՈՒՆՔԻ» ԴԱՏԱԽԱՂ-ՄՐՑՈՒՅԹԻ  ՀԱՂԹՈՂՆԵՐ
ԵՊՀ իրավագիտության ֆակուլտետի ուսանողներն ապրիլի 27-ից 28-ը մասնակցել են Ֆինանսական համակարգի հաշտարարի գրասենյակի կողմից կազմակերպված «Ապահովագրական իրավունքի» դատախաղ-մրցույթին, որտեղ զբաղեցրել են առաջին հորիզոնականը:

Դատախաղ-մրցույթն անց է կացվել «Էլիտ Պլազա» բիզնես-կենտրոնում:

Ժյուրիի կազմում եղել են Ֆինանսական համակարգի հաշտարարի գրասենյակի ներկայացուցիչներ և դասախոսներ ՀՀ տարբեր բուհերից:

 

ԵՊՀ իրավագիտության ֆակուլտետի ուսանողներից բաղկացած թիմի կազմում հանդես են եկել ֆակուլտետի բակալավրիատի երրորդ կուրսի ուսանողներ:

 

Դատախաղ-մրցույթի քննարկման առանցքում ապահովագրական իրավունքի խնդիրներն էին:

Ըստ թիմի ավագ Մարիա Պետրոսյանի՝ թեմայի ընտրությունը պայմանավորված էր դրա՝ ոչ ուսումնասիրված լինելով:

Նա նշեց, որ դատախաղ-մրցույթին մասնակցել են համակուրսեցիներով. «Պայքարին մասնակցում էինք մտերիմներով»,-կատակեց Մարիամը:

Թիմի անդամներից Զավեն Վարդումյանը դատախաղի ընթացքում աչքի է ընկել խոսքի արտահայտչականությամբ և հաստատականությամբ՝ ստանալով լավագույն բանախոսի կոչում: 

 

Մարիամի բնորոշմամբ, թիմն առանձնանում էր ոչ միայն համախմբվածությամբ, այլև պրոֆեսիոնալիզմով. «Նախկինում մենք մասնակցել ենք տարբեր դատախաղերի՝ ձեռք բերելով թե՛ փորձ, թե՛ նոր գիտելիքներ»:


Անգին Խաչատրյան

Այլ նորություններ
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ
«Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։
ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ ԱՆՑԿԱՑՎԵՑ ԲԱՆԱՎԵՃԻ ՄԱՍՆԱԳԻՏԱԿԱՆ ԱԿՈՒՄԲԻ ԱՌԱՋՆՈՒԹՅԱՆ ԵԶՐԱՓԱԿԻՉ ՓՈՒԼԸ
Այսօր ԵՊՀ եվրոպական հետազոտությունների կենտրոնում կայացավ միջազգային հարաբերությունների ֆակուլտետի ՈՒԽ բանավեճի մասնագիտական ակումբի առաջնության եզրափակիչ փուլը, որի ընթացքում մրցեցին «Silent Killers» և «За СССР» թիմերը: Ժյուրիի գնահատականների արդյունքում բանավեճի մասնագիտական ակումբի առաջնության մեծ գավաթը նվաճեց «Silent Killers» թիմը: