08.12.2017 | 
Հասարակություն
ՈՒՍԱՆՈՂՆԵՐՆ ԱՅՑԵԼԵՑԻՆ ԵՐԵՎԱՆԻ ԱՐԱՐԱՏ ԿՈՆՅԱԿԻ-ԳԻՆՈՒ-ՕՂՈՒ ԿՈՄԲԻՆԱՏ
ՈՒՍԱՆՈՂՆԵՐՆ ԱՅՑԵԼԵՑԻՆ ԵՐԵՎԱՆԻ ԱՐԱՐԱՏ ԿՈՆՅԱԿԻ-ԳԻՆՈՒ-ՕՂՈՒ ԿՈՄԲԻՆԱՏ
ԵՊՀ տնտեսագիտության և կառավարման ֆակուլտետի ուսանողները շարունակում են այցերի շարքը տարբեր կազմակերպություններ:

ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի բակալավրիատի 4-րդ կուրսի ուսանողները «Մարքեթինգ» առարկայի նյութն առավել լավ յուրացնելու նպատակով այսօր այցելեցին Երևանի Արարատ կոնյակի-գինու-օղու կոմբինատ:

 

Այցի շրջանակում ուսանողները շրջեցին ձեռնարկությունում, ծանոթացան կոմբինատի պատմությանը, արտադրական և տեխնոլոգիական գործընթացներին: Համալսարանականները հետևեցին շշալցման, թորման, փաթեթավորման աշխատանքներին, այցելեցին նաև կոմբինատի թանգարան:

 

«Այս այցելությունը երրորդն է: Մենք շարունակելու ենք այցելությունների այս շարքը: Ուսանողներին առաջարկվում է նաև ավարտական աշխատանքները և մագիստրոսական թեզերը կատարել տվյալ կազմակերպության օրինակով: Կազմակերպվում են նաև թեմատիկ քննարկումներ»,- նշեց ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչի տեղակալ Աննա Հակոբջանյանը:

 

 

Երևանի Արարատ կոնյակի-գինու-օղու կոմբինատի գիտական կենտրոնում համալսարանականները հանդիպեցին նաև առաջատար մասնագետների և ֆունկցիոնալ ստորաբաժանումների ղեկավարների հետ: Այս անգամ սեմինար-քննարկման ընթացքում ուսանողների հարցերին պատասխանեցին Երևանի Արարատ կոնյակի-գինու-օղու կոմբինատի գլխավոր տնօրեն Մարինե Հարությունյանը, գլխավոր տեխնոլոգ Տիգրան Խաչատրյանը և լաբորատորիայի վարիչ Շուշաննա  Հարությունյանը:

 

Քննարկվեցին նաև կոմբինատի աշխատանքների կազմակերպման, ինչպես նաև մարքեթինգային աշխատանքների առանձնահատկությունները, արտաքին շուկաների և միջնորդավորված կազմակերպությունների հետ համագործակցությունները:

Այլ նորություններ
ՍԵՊՏԵՄԲԵՐԻՑ ԳՈՐԾԵԼՈՒ Է ՍՆՆԴԻ ՆՈՐ ԿԵՏ. «ԱՐՏ ԼԱՆՉԸ» ԳԱԼԻՍ Է ԵՊՀ
ԵՊՀ-ի և «Արտ Լանչ» ընկերության համագործակցության շրջանակում Ֆիզիկայի ֆակուլտետի մասնաշենքում կբացվի նոր ճաշարան, որը կգործի սեպտեմբերի 1-ից:
ՊԱՏԵՐԱԶՄ, ԲՈՒԺՈՒՄ, ԲՌՆՑՔԱՄԱՐՏԻ ԵՎ ՏԱՌԱՃԱՆԱՉՈՒԹՅԱՆ ԱԿՈՒՄԲԵՐ՝ ԵՎՐՈՊԱՅՈՒՄ, ԵՊՀ. Լ. ԱՌՈՒՍՏԱՄՅԱՆԸ՝ ԻՐ ԱՆՑԱԾ ՃԱՆԱՊԱՐՀԻ ՄԱՍԻՆ
ԵՊՀ անվտանգության պետ Լյովա Առուստամյանի անցած ճանապարհի մասին քչերը գիտեն: Նրա ուղին սկսվում է պատերազմի դաշտից և հասնում է մինչև համալսարանում կարգ ու կանոնի պահպանում: Մեզ հետ զրույցում նա պատմեց իր անցած դժվարին ճանապարհի և համալսարանում սիրելի դարձած աշխատանքի մասին: