18.12.2017 | 
Ուսանողական
ԹԵՅԱՍԵՐ ՈՒՍԱՆՈՂՆԵՐԸ ՄԱՍՆԱԿՑԵՑԻՆ «TIME FOR TEA» ԾՐԱԳՐԻՆ
ԹԵՅԱՍԵՐ ՈՒՍԱՆՈՂՆԵՐԸ ՄԱՍՆԱԿՑԵՑԻՆ «TIME FOR TEA» ԾՐԱԳՐԻՆ
Դեկտեմբերի 15-ին «The Loft» ժամանցի և զարգացման կենտրոնում ԵՊՀ ուսանողները մասնակցեցին Թեյի միջազգային օրվան նվիրված միջոցառմանը:

Միջոցառման ընթացքում ամփոփվեցին «Time for Tea» ոչ ֆորմալ կրթական-սոցիալական ծրագրի արդյունքները: Ծրագիրը հիմնադրվել է «Momentum World» կազմակերպության կողմից։

 

ԵՊՀ ռոմանագերմանական բանասիրության ֆակուլտետի անգլերեն լեզվի թիվ 2 ամբիոնի դոցենտ, բան. գիտ. թեկնածու Լիանա Բարսեղյանի նախաձեռնությամբ Տնտեսագիտության և կառավարման, մաթեմատիկայի և մեխանիկայի ֆակուլտետների 20 ուսանողներ կարողացան մասնակցել այդ ծրագրին, որի նպատակն է թեյի միջոցով խթանել ակտիվ քաղաքացիությունն ու միջմշակութային հաղորդակցությունը։

 

 

Ծրագրի շրջանակում ուսանողները թեյի օգնությամբ բարձրաձայնեցին բազմաթիվ լոկալ և գլոբալ հիմնախնդիրներ, կատարեցին նաև թիմային աշխատանք, ծավալվեցին քննարկումներ թեմայի վերաբերյալ: Այնուհետև նրանք ընտրեցին իրենց հուզող ամենակարևոր հիմնահարցը, որոշեցին, թե ում են ցանկանում հղել իրենց ուղերձը՝ երիտասարդների ձայնը ավելի լսելի և ազդեցիկ դարձնելու համար։ Ուսանողները պատրաստելու են նաև թեյի հետաքրքիր փաթեթավորմամբ տուփ, որով էլ ուղարկվելու են իրենց ուղերձը ընտրված անհատին կամ կազմակերպությանը։

 

 

Աշխատանքի արդյունքները տեսա և ֆոտոշարքի միջոցով ուղարկվելու են Լոնդոն, որտեղ ապրիլին՝ ծրագրի 3-րդ փուլի ընթացքում, դրանք կներկայացնի Լիանա Բարսեղյանը:

 

«Թեյը աշխարհում ամենատարածված երկրորդ ըմպելիքն է։ Այն միավորում է հարազատներին և ընկերներին, ժամանակ է տալիս մտածելու և ստեղծագործելու»,- նշում է Լիանա Բարսեղյանը և հավելում, որ ոչ ֆորմալ կրթությունը տրամադրում է այն բարենպաստ միջավայրը, որտեղ երիտասարդները կարողանում են ինքնաարտահայտվել, բացահայտում են իրենց կարողություններն ու ունակությունները, զարգացնում են նոր հմտություններ։

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: