20.12.2021 | 
Հասարակություն
«ՀԱՄԱԼՍԱՐԱՆԱԿԱՆ ՕՐ» «ՔՎԱՆՏ» ՎԱՐԺԱՐԱՆՈՒՄ. ԵՊՀ ԴԱՍԱԽՈՍՆԵՐՆ ԱՇԱԿԵՐՏՆԵՐԻ ՀԱՄԱՐ ՀԱՆԴԵՍ ԵՆ ԵԿԵԼ ԴԱՍԱԽՈՍՈՒԹՅՈՒՆՆԵՐՈՎ
«ՀԱՄԱԼՍԱՐԱՆԱԿԱՆ ՕՐ» «ՔՎԱՆՏ» ՎԱՐԺԱՐԱՆՈՒՄ. ԵՊՀ ԴԱՍԱԽՈՍՆԵՐՆ ԱՇԱԿԵՐՏՆԵՐԻ ՀԱՄԱՐ ՀԱՆԴԵՍ ԵՆ ԵԿԵԼ ԴԱՍԱԽՈՍՈՒԹՅՈՒՆՆԵՐՈՎ
ԵՊՀ մինչհամալսարանական կրթության վարչության և «Քվանտ» վարժարանի տնօրենության համատեղ նախաձեռնությամբ աշակերտների համար կազմակերպվել է «Համալսարանական օր», որի շրջանակում թեմատիկ դասախոսություններով են հանդես եկել ԵՊՀ պրոֆեսորադասախոսական կազմի ներկայացուցիչներ:

«Քվանտ» վարժարանի հումանիտար և ֆիզիկամաթեմատիկական հոսքերի աշակերտների համար դասախոսություններով են հանդես եկել Պատմության ֆակուլտետի դեկան Էդիկ Մինասյանը, Ֆիզիկայի ֆակուլտետի օպտիկայի ամբիոնի դոցենտ Իշխան Հարությունյանը, Մաթեմատիկայի և մեխանիկայի ֆակուլտետի մեխանիկայի ամբիոնի դոցենտ Սմբատ Շահինյանը, Աշխարհագրության և երկրաբանության ֆակուլտետի սերվիսի ամբիոնի վարիչ Սեյրան Սուվարյանը և Պատմության ֆակուլտետի հայոց պատմության ամբիոնի դոցենտ Միքայել Մալխասյանը:

 

 

Է. Մինասյանն աշակերտներին ներկայացրել է Արցախյան առաջին պատերազմի տարեգրությունը` առանձնակի շեշտելով հաղթական ռազմական գործողությունները, Ի. Հարությունյանը, Ս. Շահինյանը, Ս. Սուվարյանն ու Մ. Մալխասյանը ներկայացրել են իրենց ֆակուլտետները, դրանց կառուցվածքն ու գործունեությունը, պատասխանել աշակերտների հարցերին ու հանդես եկել թեմատիկ դասախոսություններով:

 

ԵՊՀ դասախոսները շեշտել են, որ «Քվանտ» վարժարանից մի քանի տասնյակ դիմորդներ ընդունվել են իրենց ֆակուլտետներ, որոնցից մի քանիսն էլ նույնիսկ համալրել են պրոֆեսորադասախոսական կազմի շարքերը։

 

 

Ի դեպ, 2013-2019 թթ. Ի. Հարությունյանը, Ս. Շահինյանը, Ս. Սուվարյանը և Մ. Մալխասյանը համալսարանական ծրագրերով հատուկ դասընթացներ են վարել վարժարանում:

 

Այլ նորություններ
ԵՊՀ-ՈՒՄ ԱՄՓՈՓՎԵՑԻՆ «Ի՞ՆՉ Է ՄՏԱԾՈՒՄ ՍՓՅՈՒՌՔԸ 21-ՐԴ ԴԱՐՈՒՄ» ԹԵՄԱՅՈՎ ՀԵՏԱԶՈՏՈՒԹՅՈՒՆՆԵՐԻ ԱՐԴՅՈՒՆՔՆԵՐԸ
Ինովացիոն լուծումների և տեխնոլոգիաների կենտրոնում (ISTC) տեղի ունեցած միջոցառման ժամանակ ծավալվեցին Հայկական սփյուռքին առնչվող առանցքային թեմաների վերաբերյալ քննարկումներ։
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆՈՒՄ ԿԱՅԱՑԱՎ «ՏԻԵԶԵՐՔ ԵՎ ՆԵՐՇՆՉԱՆՔ» ԽՈՐԱԳՐՈՎ ՊԱՆԵԼԱՅԻՆ ՔՆՆԱՐԿՈՒՄԸ
«ԵՊՀ-Սթարմուս Նոբելյան շաբաթ» միջոցառման շրջանակում կազմակերպված քննարկման բանախոսներն էին ԵՊՀ շրջանավարտ, Starmus VI փառատոնի համահիմնադիր, աստղաֆիզիկոս Գարիկ Իսրայելյանը, գրող Դեյվիդ Ջոն Էյքրը և հայազգի առաջին տիեզերագնաց Ջիմ Բաղյանը։ ԵՊՀ ռեկտոր Հովհաննես Հովհաննիսյանը Գ. Իսրայելյանին հանձնեց ԵՊՀ ոսկե մեդալ: