23.01.2019 | 
Հասարակություն
ՉԻՆԱՍՏԱՆՈՒՄ ՀԱՅՏՆԱԲԵՐԵԼ ԵՆ ԱՇԽԱՐՀԻ ԱՄԵՆԱԽՈՐ ԿԱՊՈՒՅՏ ԽՈՌՈՉԸ
ՉԻՆԱՍՏԱՆՈՒՄ ՀԱՅՏՆԱԲԵՐԵԼ ԵՆ ԱՇԽԱՐՀԻ ԱՄԵՆԱԽՈՐ ԿԱՊՈՒՅՏ ԽՈՌՈՉԸ
Մասնագետները փաստում են, որ բնական ջրհորի խորությունը կազմում է ավելի քան 300 մետր:

Չինաստանի շրջակա միջավայրի օվկիանոսային կանխատեսման պետական կենտրոնը հրապարակել է կապույտ խողովակի տվյալները, որը հայտնաբերվել է Սանշա քաղաքի տարածքում: Մասնագետները հաստատել են, որ այդ վիթխարի ջրհորի խորությունն ավելի քան 300 մետր է: Ի դեպ, նախկինում հայտնաբերված ամենախոր կապույտ խողովակի խորությունը կազմում էր 200 մետր:

 

Նոր հայտնաբերված կապույտ խողովակը պաշտոնապես ստացել է Յունլե աշխարհագրական անվանումը, որը թարգմանաբար նշանակում է «հավերժական ուրախություն»: Դրա մակերևույթի տրամագիծը հասնում է 130 մետրի:

 

Գիտնականները վստահեցնում են, որ այդ տեկտոնական ձագարն ունի ուղղահայաց թեքում, և չնայած դեպի օվկիանոս ելքի բացակայությանը՝ այնտեղ ապրում են ծովային ձկների ու կենդանիների ավելի քան քսան տեսակներ:

 

«Կապույտ խոռոչը գիտական, պատմական և մշակութային մեծ արժեք է»,- մեկնաբանում են Օվկիանոսային կանխատեսման պետական կենտրոնում:

 

Սանշայի քաղաքապետ Սյաո Ցզեի խոսքով, իշխանությունները հատուկ ուշադրություն են դարձնում Յունլեի էկոլոգիական պահպանությանը: «Այնտեղ անցկացվում են գիտահետազոտական աշխատանքներ: Մենք մի շարք միջոցառումներ ենք իրականացնում՝ ուղղված բնության այդ արժեքի պահպանմանը»:

 

Կապույտ խոռոչները ջրով լցված ձագարներ են, որոնք ձևավորվում են լեռնային ընդերքի քայքայման արդյունքում: Որպես կանոն, նմանօրինակ քարանձավները բավականին հայտնի են սուզալողորդների շրջանում: Իրենց խորության շնորհիվ դրանք ինտենսիվորեն կլանում են արևի ճառագայթները և հետևաբար ունենում են մուգ կապույտ գույն:

 

  Քնար Միսակյան

Այլ նորություններ
ԵՊՀ ՃՇԳՐԻՏ ԵՎ ԲՆԱԳԻՏԱԿԱՆ ՄԱՍՆԱԳԻՏՈՒԹՅՈՒՆՆԵՐԻ ԳԾՈՎ ՊՐՈՌԵԿՏՈՐ ՆՇԱՆԱԿՎԵԼ ՌԱՖԱՅԵԼ ԲԱՐԽՈՒԴԱՐՅԱՆԸ
ԵՊՀ ռեկտորի ժամանակավոր պաշտոնակատար Գեղամ Գևորգյանի հրամանով «Երևանի պետական համալսարան» հիմնադրամի ճշգրիտ և բնագիտական մասնագիտությունների գծով պրոռեկտոր է նշանակվել ՀՀ ԳԱԱ մաթեմատիկայի ինստիտուտի նախկին տնօրեն, ԵՊՀ ասիստենտ Ռաֆայել Բարխուդարյանը:
ԵՊՀ ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅԱՆ ԵՎ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԳԾՈՎ ՊՐՈՌԵԿՏՈՐ Է ՆՇԱՆԱԿՎԵԼ ԱՐԹՈՒՐ ԻՍՐԱՅԵԼՅԱՆԸ
ԵՊՀ ռեկտորի ժամանակավոր պաշտոնակատար Գեղամ Գևորգյանի հրամանով «Երևանի պետական համալսարան» հիմնադրամի միջազգային համագործակցության և հասարակայնության հետ կապերի գծով պրոռեկտոր է նշանակվել ԵՊՀ դիվանագիտական ծառայության և մասնագիտական հաղորդակցման ամբիոնի դոցենտ Արթուր Իսրայելյանը: