27.03.2018 | 
Մշակույթ
ԱՅՍՕՐ ԹԱՏՐՈՆԻ ՄԻՋԱԶԳԱՅԻՆ ՕՐՆ Է
ԱՅՍՕՐ ԹԱՏՐՈՆԻ ՄԻՋԱԶԳԱՅԻՆ ՕՐՆ Է
Թատրոնի միջազգային օրվա կապակցությամբ Երևանի պետական համալսարանի գլխավոր մասնաշենքի բակում և Հանրապետության հրապարակում տեղի ունեցավ ֆլեշմոբ:

Միջոցառման  նախաձեռնողը ԵՊՀ մշակույթի կենտրոնն էր: «Համալսարանական» թատրոն-ստուդիայի սաները ներկայացնում էին համաշխարհային թատերական ներկայացումներից հայտնի դրվագներ: Այնուհետև տեղի ունեցան մշակութային այցելություններ Գրականության և արվեստի թանգարան և Կոմիտասի անվան պանթեոն:

 

1961 թվականին տեղի ունեցած 9-րդ կոնգրեսի ժամանակ  Թատրոնի միջազգային ինստիտուտը (International Theatre Institute, ITI)   հաստատել է Թատրոնի միջազգային օրը տոնելու գաղափարը:

 

Մարտի 27-ը կարևոր օր դարձավ թե՛ Թատրոնի միջազգային ինստիտուտի, թե՛ թատերական համայնքների համար: Թատրոնի օրը նշելն ազգերի միջև ընկերության և խաղաղության ամրապնդման, ինչպես նաև աշխարհի բոլոր թատերական համույթների համագործակցության ընդլայնման լավ առիթ է:

 

Ի դեպ, Թատրոնի համաշխարհային օրվան նվիրված առաջին ուղերձը 1962 թվականին գրել է ֆրանսիացի գրող և նկարիչ Ժան Կոկտոն: 

 

Այլ նորություններ
ՄՇԱԿՈՒՅԹՆԵՐԻ ՀԱՂՈՐԴԱԿՑՈՒԹՅԱՆ ՓԱՅԼՈՒՆ ՕՐԻՆԱԿ ԵՊՀ-ՈՒՄ. ԱՇԱԿԵՐՏՆԵՐԸ ՀԱՆԴԵՍ ԵԿԱՆ ՖՐԱՆՍԻԱԿԱՆ ԵՐԳԵՐՈՎ ՈՒ ԱՍՄՈՒՆՔՈՎ
Այսօր ԵՊՀ Չարենցի անվան դահլիճում տեղի ունեցավ Մայր բուհում անցկացվող Ֆրանկոֆոնիայի օրերի շրջանակում մշակութային միջոցառում, որի ընթացքում հանրապետության մի քանի դպրոցների աշակերտներ հանդես եկան ֆրանսիական երգերով և ասմունքեցին ֆրանսիացի ժամանակակից գրողների բանաստեղծությունները:
«Ս. ԶԱՏԿԻՆ ՄԻՇՏ ԲԱԽՏ ԵՆ ԲԱԺԱՆՈՒՄ, ԵՎ ՈՎ ՑԵՐԵԿԸ ՔՆԻ, ԿԶՐԿՎԻ ԻՐ ԲԱԺԻՆ ԲԱԽՏԻՑ». ՀԱՐՑԱԶՐՈՒՅՑ ԵՊՀ ՊՐՈՖԵՍՈՐ ՍԱՄՎԵԼ ՄԿՐՏՉՅԱՆԻ ՀԵՏ
Այս տարի Հայ առաքելական եկեղեցին Ս. Զատիկը` Քրիստոսի հրաշափառ Հարության տոնը, կնշի ապրիլի 1-ին: Ի թիվս այլ Տաղավար տոների՝ (Պայծառակերպության տոն կամ Վարդավառ, Սբ. Աստվածածնի ննջման և վերափոխման տոն, Խաչվերաց) Ս. Զատիկը նույնպես շարժական տոն է և միշտ նշվում է գարնանային գիշերահավասարից հետո՝ լուսնի լրմանը հաջորդող առաջին կիրակի օրը: Ըստ այդմ, այն տեղաշարժվում է մարտի 22-ից ապրիլի 25-ն ընկած ժամանակահատվածում: