14.12.2018 | 
Ուսանողական
«ԱՐԻ ՄՐՑԵՆՔ». ԹԱՏՐՈՆԻ ՕՐ ԵՊՀ-ՈՒՄ
«ԱՐԻ ՄՐՑԵՆՔ». ԹԱՏՐՈՆԻ ՕՐ ԵՊՀ-ՈՒՄ
«Արի մրցենք» առաջնության շրջանակում ԵՊՀ ՈւԽ մշակույթի հանձնաժողովն այսօր կազմակերպել էր թատրոնի միջֆակուլտետային մրցույթ։

Թատրոնի փուլին մասնակցեցին 17 ֆակուլտետի ուսանողները: Մրցույթում մասնակիցները ասմունքեցին և հանդես եկան տարաբնույթ թատերական ներկայացումներով:

 

«Մեր նպատակն է համալսարանական առօրյան մշակութային դարձնել», - ասաց ԵՊՀ ՈՒԽ նախագահի տեղակալ Աննա Գարեգինյանը և հավելեց, որ այս առաջնության շրջանակում ցանկանում են բացահայտել համալսարանի տարբեր ֆակուլտետների տաղանդավոր ուսանողներին:

 

Նրա խոսքով, ավանդական բնույթ կրող այս մրցույթին այս տարի ավելի շատ ուսանողներ են մասնակցում, որոնք հետագայում դառնում են միջհամալսարանական տարբեր միջոցառումների և համերգների մասնակիցները:

 

 

«Մրցույթն առիթ է, որ համալսարանի տաղանդավոր ուսանողները հնարավորություն ունենան ինքնաարտահայտվելու: Թեմաների ընտրության հարցում ուսանողներն ազատ են: Իսկ ֆակուլտետների միջև ծավալվում է առողջ մրցակցություն»,- ասաց նա:

 

Թատրոնի միջֆակուլտետային մրցույթի ժյուրիի կազմում այսօր ընդգրկված էին բեմադրող ռեժիսոր Հայկ Աֆրիկյանը, ասմունքող Նարեկ Մարգարյանը, ԵՊՀ ՈՒԽ նախագահի տեղակալ Աննա Գարեգինյանը:

 

 

ԵՊՀ ՈՒԽ նախագահի տեղակալը նշեց, որ թատրոնի միջֆակուլտետային մրցույթում ժյուրին դիտարկելու է բեմական խոսքը և դերասանական հմտությունները:  

 

Թատրոնի մրցույթի արդյունքները պարզ կդառնան դեկտեմբերի 20-ին՝ «Արի մրցենք» առաջնության մրցանակաբաշխության ժամանակ:

 

Նշենք, որ մյուս տարի նախատեսվում է անցկացնել միջհամալսարանական «Արի մրցենք» առաջնությունը:

 

 Նադեժդա Տեր-Աբրահամյան

Այլ նորություններ
«ԵՊՀ-ՈՒՄ Է ԳՈՐԾՈՒՄ ԻՐԱՆԱԳԻՏՈՒԹՅԱՆ ԼԱՎԱԳՈՒՅՆ ԴՊՐՈՑՆԵՐԻՑ ՄԵԿԸ». ԵՊՀ ՇՐՋԱՆԱՎԱՐՏ ՇՈՒՇԱՆ ԱԶԱՏՅԱՆ
ԵՊՀ արևելագիտության ֆակուլտետի իրանագիտության բաժնի շրջանավարտ Շուշան Ազատյանը վերջերս ավարտել է Թեհրանի Շահիդ Բեհեշթի համալսարանի ասպիրանտուրան (PhD)՝ ստանալով լեզվաբանության դոկտորի աստիճան: Նա վստահեցնում է, որ իրանագիտության լավագույն դպրոցներից մեկը գործում է ԵՊՀ-ում, և հենց ԵՊՀ-ն է նպաստել իր կրթության շարունակականությանը: Մայր բուհի շրջանավարտի հետ զրուցել ենք Թեհրանում ունեցած իր փորձառության և հետագա անելիքների մասին:
«ԵՊՀ-Ն ԻՆՁ ԸՆՁԵՌԵԼ Է ՈՉ ՄԻԱՅՆ ԳԻՏԵԼԻՔՆԵՐ, ԱՅԼԵՎ ԱՐՏԵՐԿՐԻ ՀԵՂԻՆԱԿԱՎՈՐ ԲՈՒՀԵՐԻՑ ՄԵԿՈՒՄ ՍՈՎՈՐԵԼՈՒ ՀՆԱՐԱՎՈՐՈՒԹՅՈՒՆ». ՖԻԶԻԿԱՅԻ ՖԱԿՈՒԼՏԵՏԻ ՇՐՋԱՆԱՎԱՐՏ ՎԱՀԱԳՆ ՄՈՒՐԱԴՅԱՆ
Համալսարանական Վահագն Մուրադյանը ԵՊՀ ֆիզիկայի ֆակուլտետում ձեռք է բերել ոչ միայն մասնագիտական հիմնարար գիտելիքներ և վերլուծական մտածողություն, որոնք նրան հնարավորություն են ընձեռել սովորելու արտերկրի հեղինակավոր բուհերից մեկում, այլև ուսանողական տարիների անփոխարինելի հուշեր և ընկերներ: