14.12.2010 | 
Ուսանողական, Հասարակություն
ՊԱՀԱՆՋՎՈՒՄ ԵՆ ԱՇԽԱՏԱԿԻՑՆԵՐ
ՊԱՀԱՆՋՎՈՒՄ ԵՆ ԱՇԽԱՏԱԿԻՑՆԵՐ
ՀՀ էկոնոմիկայի նախարարությունում ԵՊՀ շրջանավարտները կարող են աշխատել Եվրամիության ծրագրերում:

«Գործատու-ուսանող» ծրագրի շրջանակում այսօր հերթական հանդիպումն էր կազմակերպել ԵՊՀ շրջանավարտների եւ կարիերայի կենտրոնը: ՀՀ էկոնոմիկայի նախարարության ներկայացուցիչների հետ հանդիպմանը ներկա էին տարբեր ֆակուլտետների բակալավրիատի եւ մագիստրատուրայի ուսանողներ: Ռուբեն Սարուխանյանը, ով այսօր Էկոնոմիկայի նախարարության ծրագրերի կառավարման գործակալության պետն է, նույնպես ԵՊՀ շրջանավարտ է: Միջազգային հարաբերությունների ֆակուլտետի նախկին ուսանողն այսօր ինքն էր աշխատանք առաջարկում համալսարանականների նոր սերնդին:

 

Ըստ Ռուբեն Սարուխանյանի` իրենց առջեւ խնդիր է դրված մինչեւ տարեվերջ հավաքել այն աշխատանքային խմբի կորիզը, որը զբաղվելու է Եվրամիության մի շարք ծրագրերի ներդրմամբ եւ դրանց առաջխաղացմամբ Հայաստանի Հանրապետության տարբեր գերատեսչություններում: Ապագա աշխատակիցներն ունենալու են քաղաքացիական ծառայողի կարգավիճակ: «Ճիշտ է, աշխատավարձի չափն աստղաբաշխական թվեր չեն, բայց այս աշխատանքի առանձնահատկությունն այն է, որ դուք միաժամանակ ձեռք եք բերում ե՛ւ պետական համակարգում աշխատելու փորձ, ե՛ւ եվրահամայնքների հետ աշխատանքի հմտություններ»,- ընդգծեց Ռուբեն Սարուխանյանը:

 

Թափուր աշխատատեղերի թիվը մոտ մեկ տասնյակ է: Դիմել կարող են միայն բակալավրիատի կամ մագիստրատուրայի շրջանավարտները: Մասնագիտությունների սահմանափակումներ չկան` իրավագետներ, լեզվաբաններ, քաղաքագետներ, տնտեսագետներ… Ամենակարեւոր պարտադիր պայմանն անգլերենի իմացությունն է: Ցանկացողները հնարավորինս շուտ պետք է իրենց ինքնակենսագրությունն ու հետաքրքրության նամակը ԵՊՀ շրջանավարտների եւ կարիերայի կենտրոնի օգնությամբ ներկայացնեն նախարարություն, որից հետո նրանք կհրավիրվեն հարցազրույցի ու հաջողության դեպքում կանցնեն աշխատանքի:

Այլ նորություններ
ԵՊՀ ՊԱՏՎԻՐԱԿՈՒԹՅՈՒՆՆ ԱՅՑԵԼԵՑ ԱՄԷ ԴԵՍՊԱՆՈՒԹՅՈՒՆ
ԵՊՀ զարգացման ու նորարությունների գծով պրոռեկտոր Միքայել Հովհաննիսյանը, արաբագիտության ամբիոնի վարիչ Հայկ Քոչարյանը, նույն ամբիոնի դասախոս Վահե Հակոբյանը պատվիրակվել էին Երևանում ԱՄԷ դեսպանություն` իրենց ցավակցությունը հայտնելու լուսահոգի շեյխ Խալիֆա իբն Զայեդ ալ-Նահյանի մահվան կապակցությամբ։
ԵՊՀ-ՈՒՄ ԱՆՑԿԱՑՎԵՑ «ԳԻՏԱՀԵՆ ՍՏԱՐՏԱՓՆԵՐԸ ՀԱՅԱՍՏԱՆՈՒՄ» ԽՈՐԱԳՐՈՎ ՍԵՄԻՆԱՐ
ԵՊՀ «ISTC» կենտրոնում տեղի ունացած «Գիտահեն ստարտափները Հայաստանում» խորագրով սեմինարի նպատակն էր ներկայացնել ստարտափների զարգացման փուլերը, ժամանակակից տեխնոլոգիական մարտահրավերները: