01.09.2017 | 
Հասարակություն
«ԼԱՎ ՄԱՍՆԱԳԵՏ ԴԱՌՆԱԼՈՒ ՀԱՄԱՐ ՆԱԽԵՎԱՌԱՋ ՊԵՏՔ Է ՍԻՐԵԼ ՀԱՅՐԵՆԻՔԸ». ԷԴՎԱՐԴ ՆԱԼԲԱՆԴՅԱՆ
«ԼԱՎ ՄԱՍՆԱԳԵՏ ԴԱՌՆԱԼՈՒ ՀԱՄԱՐ ՆԱԽԵՎԱՌԱՋ ՊԵՏՔ Է ՍԻՐԵԼ ՀԱՅՐԵՆԻՔԸ». ԷԴՎԱՐԴ ՆԱԼԲԱՆԴՅԱՆ
ԵՊՀ միջազգային հարաբերությունների ֆակուլտետի ուսանողների հյուրն էր ՀՀ արտաքին գործերի նախարար Էդվարդ Նալբանդյանը:

Այսօր, ավանդույթի համաձայն, նորաթուխ և բարձր կուրսերի համալսարանականների հետ հանդիպեց ՀՀ արտաքին գործերի նախարար Էդվարդ Նալբանդյանը, որ ողջույնի խոսքում շեշտեց, որ երիտասարդների հետ հանդիպումները կարևոր ու անհրաժեշտ է համարում:

 

Հանդիպմանը ներկա էին նաև ԵՊՀ ռեկտոր Արամ Սիմոնյանն ու Միջազգային հարաբերությունների ֆակուլտետի դեկան Գեղամ Պետրոսյանը:

 

«Շնորհավորում եմ բոլոր ուսանողներին, մասնավորապես առաջին կուրսեցիներին նոր ուսումնական տարվա կապակցությամբ: Բոլորին մաղթում եմ ձեռքբերումներով ու հաջողություններով լի տարի»,- ասաց ռեկտորը և ուսանողներին հորդորեց նախարարի հետ հանդիպման ընթացքում առավել ակտիվ լինել:

 

Էդվարդ Նալբանդյանը երկարաշունչ դասախոսության փոխարեն նախընտրեց պատասխանել ուսանողներին հուզող հարցերին:

 

Երիտասարդների հնչեցրած հարցերը հիմնականում վերաբերում էին արցախյան հակամարտությանը, բանակցային գործընթացին, միջազգային ատյաններում իրականացվող դիվանագիտական գործընթացներին և, իհարկե, լավ մասնագետ դառնալու գաղտնիքներին:

 

 

«Լավ դիվանագետ և ընդհանրապես լավ մասնագետ դառնալու համար նախևառաջ պետք է սիրել հայրենիքը, հակառակ դեպքում դատապարտված ես ձախողման: Հենց հայրենիքիդ ու ժողովրդիդ հանդեպ տածած սիրուց ու պատասխանատվությունից է սկսում լավ դիվանագետ դառնալու ճանապարհը»,- ընդգծեց նախարարը:

 

Անդրադառնալով հայ-ադրբեջանական դիվանագիտական հարաբերություններին ու արցախյան հակամարտությանը՝ Էդվարդ Նալբանդյանը մանրամասնեց գործընթացային  ներկա փուլը, անդրադարձավ միջազգային կառույցների հետ տարվող աշխատանքներն ու վերջիններիս ազդեցությանը հակամարտությունը բանակցային ճանապարհով հարթելու գործընթացին: 

Այլ նորություններ
ՎԵՐՆԱԽԱՎԻ ԵՐԵԽԱՆԵՐԸ ՊԵՏՔ Է ԾԱՌԱՅԵՆ. ԱՅԴ ԴԵՊՔՈՒՄ ՀԱՎԱՍԱՐՈՒԹՅՈՒՆԸ ԿԴԻՏԱՐԿՎԻ ԻԲՐԵՎ ՀԱՄԵՐԱՇԽՈՒԹՅՈՒՆ. ԵՊՀ ԴԱՍԱԽՈՍ ՏԻԳՐԱՆ ՀԱԿՈԲՅԱՆ
Այս տարի ԵՊՀ-ն դիմորդներին հատկացնում է 339 անվճար տեղ, որից 38-ը վերջին երեք տարվա ընթացքում զորացրված դիմորդներինն է: Ըստ այդմ` անվճար համակարգի 10%-ը հատկացվում է բանակից զորացրվածներին: Բացի այդ, այն դիմորդները, ովքեր որոշակի ժամկետում իրականացրել են մարտական հերթապահություն, և որոնց առաջադիմությունը գերազանցել է 10 միավորը բակալավրիատում և 14 միավորը` մագիստրատուրայում, կունենան ուսման վարձի 30%-ի չափով զեղչի հնարավորություն:
ՉԻՆԱՐԵՆՈՎ ԼԱՎԱԳՈՒՅՆ ՃԱՌԸ ԵՊՀ ՈՒՍԱՆՈՂՈՒՀՈՒՆՆ ԷՐ
Մայիսի 11-ին տեղի է ունեցել արդեն 5-րդ անգամ անցկացվող ամենամյա «Չինարենի կամուրջ» մրցույթը, որտեղ ԵՊՀ միջազգային հարաբերությունների ֆակուլտետի 2-րդ կուրսի ուսանողուհի Մանե Գասպարյանը հաղթող է ճանաչվել «Լավագույն ճառ» անվանակարգում: