27.02.2018 | 
Կրթություն
ԿՐԹԱԹՈՇԱԿԱՅԻՆ ՀԱՏՈՒԿ ԾՐԱԳԻՐ ՄԱՐԶԱԲՆԱԿ ՈՒՍԱՆՈՂՆԵՐԻ ՀԱՄԱՐ
ԿՐԹԱԹՈՇԱԿԱՅԻՆ ՀԱՏՈՒԿ ԾՐԱԳԻՐ ՄԱՐԶԱԲՆԱԿ ՈՒՍԱՆՈՂՆԵՐԻ ՀԱՄԱՐ
Այսօր ԵՊՀ-ում տեղի ունեցավ հանդիպում «ԱՄՔՈՐ Հայաստան» բարեգործական հիմնադրամի ներկայացուցիչների հետ:

ԵՊՀ շրջանավարտների և կարիերայի կենտրոնի նախաձեռնությամբ կազմակերպված հանդիպմանը մասնակցում էին Տնտեսագիտության և կառավարման ֆակուլտետի 4-րդ կուրսի ուսանողները: Հանդիպմանը ներկա էին նաև Տնտեսագիտության և կառավարման ֆակուլտետի դեկան Հայկ Սարգսյանն ու դեկանի տեղակալ Կարեն Եղոյանը:

 

Ուսանողներին ներկայացվեց «Աջակցություն ուսմանը՝ ապագայի ներդրում» կրթաթոշակային ծրագիրը, որը նախատեսված է ԵՊՀ սոցիոլոգիայի, Տնտեսագիտության և կառավարման ֆակուլտետների բակալավրիատի մարզաբնակ այն ուսանողների համար, ովքեր ցանկանում են շարունակել ուսումը ԵՊՀ մագիստրատուրայում և ունեն բարձր առաջադիմություն:

 

Նշենք նաև, որ ծրագրի շրջանակում բոլոր թեկնածուները կմասնակցեն համապատասխան մասնագիտական դասընթացների, որոնց ավարտին կներկայացնեն համայնքային զարգացման ծրագրեր: Ներկայացված ծրագրերի արդյունքում էլ կընտրվեն մագիստրատուրայի 2 տարվա ուսման վճարի փոխհատուցում ստացող մասնակիցները:

 

Հիշեցնենք, որ ծրագրի իրականացման համար փետրվարի 2-ին ԵՊՀ-ի և «ԱՄՔՈՐ Հայաստան» բարեգործական հիմնադրամի միջև կնքվել էր համագործակցության հուշագիր:

 

Ծրագրի մանրամասներին կարող եք ծանոթանալ այս հղումով՝ www.ysu.am/careercenter/hy/1418661221:

Այլ նորություններ
«ՄԱՐԴՈՒ ԻՐԱՎՈՒՆՔՆԵՐԻ ԱԶԳԱՅԻՆ ՀԱՍՏԱՏՈՒԹՅՈՒՆՆԵՐԻ ՀԶՈՐՈՒԹՅԱՆ ԱՍՏԻՃԱՆԸ ԽՈՍՈՒՄ Է ԱՅԴ ԵՐԿՐՈՒՄ ԺՈՂՈՎՐԴԱՎԱՐՈՒԹՅԱՆ ԵՎ ՕՐԵՆՔԻ ԳԵՐԱԿԱՅՈՒԹՅԱՆ ՄԱԿԱՐԴԱԿԻ ՄԱՍԻՆ»․ ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԵՊՀ-ՈՒՄ
Երևանի պետական համալսարանի գիտխորհրդի նիստերի դահլիճում այսօր տեղի է ունեցել «Մարդու իրավունքներ և սոցիալական աշխատանք» թեմայով դասախոսություն-քննարկում, որը կազմակերպել էր Սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնը՝ ի դեմս Լիանա Մկրտչյանի։
ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՈՒՀԻՆ ԱՐԱԲԵՐԵՆԻ ՀԱՄԱՌՈՒՍԱՍՏԱՆՅԱՆ 3-ՐԴ ՄԻՋԱԶԳԱՅԻՆ ՕԼԻՄՊԻԱԴԱՅՈՒՄ ԶԲԱՂԵՑՐԵԼ Է 2-ՐԴ ՏԵՂԸ
Հոկտեմբերի 31-ից նոյեմբերի 1-ն ընկած ժամանակահատվածում Կազանի դաշնային համալսարանի կողմից կազմակերպվել է արաբերենի համառուսաստանյան 3-րդ միջազգային օլիմպիադան, որին մասնակցել են ավելի քան 120 ուսանողներ Ռուսաստանի տարբեր քաղաքների համալսարաններից (Մոսկվա, Սանկտ Պետերբուրգ, Կազան, Սիմֆերոպոլ, Ուֆա), ինչպես նաև ներկայացուցիչներ Բելառուսից, Հայաստանից, Ուկրաինայից, Տաջիկստանից, Ղրղզստանից և Ղազախստանից։