13.10.2017 | 
Ուսանողական
ԵՊՀ ՈՒՍԱՆՈՂՆԵՐԻ ՀՅՈՒՐԸ ՎԱՀԱՆ ԱՐԾՐՈՒՆԻՆ ԷՐ
ԵՊՀ ՈՒՍԱՆՈՂՆԵՐԻ ՀՅՈՒՐԸ ՎԱՀԱՆ ԱՐԾՐՈՒՆԻՆ ԷՐ
Այսօր ԵՊՀ մշակույթի կենտրոնի դահլիճում հյուրընկալվել էր կոմպոզիտոր Վահան Արծրունին:

Հանդիպում-քննարկումը կազմակերպվել էր ԵՊՀ ուսանողական խորհրդի մշակույթի  հանձնաժողովի կողմից: Ներկա էին ԵՊՀ տարբեր ֆակուլտետների ուսանողներ:

 

«Մայրաքաղաքի օրվան ընդառաջ ուզում էինք ընտրել և հյուրընկալել այնպիսի մարդու, ով կկարողանար ներկայացնել երևանցու կերպարը: Երաժշտական տեսանկյունից նա անձամբ և՛ ստեղծագործում է, և՛ երգում: Այդ իսկ պատճառով հետաքրքրություն կար ուսանողների շրջանում Վահան Արծրունու կերպարի հետ կապված»,- նշեց ԵՊՀ ՈՒԽ մշակույթի հանձնաժողովի քարտուղար Գոհար Ավագյանը:

 

Կոմպոզիտորին ուղղված հարցերը հիմնականում առնչվում էին երաժշտությանը և երգարվեստին: Ուսանողները ցանկություն հայտնեցին բացահայտել Վահան Արծրունուն նաև գրականության մեջ: Ուսանողներից մեկի այն հարցին, թե որ գրքերն են պատկանում պարտադիր ընթերցանության ցանկին, կոմպոզիտորը պատասխանեց՝ Գաբրիել Գարսիա Մարկեսի «100 տարվա մենություն» և Ֆրիդրիխ Նիցշեի «Այսպես խոսեց զրադաշտը» գրքերը:

 

«Երրորդն արդեն ոչ թե մի գիրք է, այլ մի ողջ գրապահարան: Այդտեղ կան արդեն Չեխով, Տոլստոյ, Հրաչիկ Թամրազյան, Ռազմիկ Դավոյան, Հրանտ Մաթևոսյան… այսինքն՝ այն ամենը, ինչով պայմանավորված է իմ հետաքրքրությունը գրականության մեջ»,- ասաց Վահան Արծրունին և հավելեց, որ եթե հնարավորոթյուն ունենար վերընթերցելու որևէ գիրք, ապա կընտրեր Ավետարանը:

 

Միջոցառման ընթացքում ամփոփվեց նաև «Պատմում է Երևանը» էսսեների մրցույթը: Լավագույն երեք աշխատանքների հեղինակները և «Ամենատարբերվող ձեռագիր» անվանակարգում ընտրված մասնակիցը պարգևատրվեցին գրքերով և պատվոգրերով: Հանդիպման ավարտին ցուցադրվեց նաև ՀՀ անկախությանը նվիրված տեսահոլովակ, որի հեղինակները ԵՊՀ ՈՒԽ մշակույթի հանձնաժողովի անդամներն են:

 

Հավելենք, որ Վահան Արծրունու հետ հաջորդ համագործակցությունը նախատեսվում է իրականացնել համերգային ծրագրով:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: