30.07.2018 | 
Կրթություն
5 ՄԱԳԻՍՏՐՈՍԱԿԱՆ ԾՐԱԳԻՐ, ՈՐ ԽՈՐՀՈՒՐԴ Է ՏԱԼԻՍ ՎԱՐԴԱՆ ՈՍԿԱՆՅԱՆԸ
5 ՄԱԳԻՍՏՐՈՍԱԿԱՆ ԾՐԱԳԻՐ, ՈՐ ԽՈՐՀՈՒՐԴ Է ՏԱԼԻՍ ՎԱՐԴԱՆ ՈՍԿԱՆՅԱՆԸ
«Կան մի շարք մասնագիտություններ, որ սպասարկում են ՀՀ համար կենսական նշանակություն ունեցող բազմաթիվ ոլորտներ»:

«Իրանական պատմաբանասիրություն»

«Հայաստանի Հանրապետությունն Իրանի և իրանալեզու այլ պետական միավորների (Աֆղանստան, Տաջիկստան, չճանաչված Հրվ. Օսիա) և պետականազուրկ ժողովուրդների (եզդիներ, քրդեր, թալիշներ, թաթեր, զազաներ և այլն) հետ ունի բազմակողմ հարաբերություններ, և այս մագիստրոսական ծրագրի նշանակությունը շատ կարևոր է, քանի որ այն իր մեջ ներառում է ՀՀ համար կենսական նշանակություն ունեցող բազմաթիվ իրանագիտական ոլորտներ»:



«Կիրառական արաբագիտություն»

«Կարևոր է «Կիրառական արաբագիտություն» մագիստրոսական ծրագիրը՝ հաշվի առնելով ՀՀ և Արաբական երկրների միջև կապերի և հարաբերությունների առկայությունը թե՛ պատմական և թե՛ ժամանակակից կտրվածքով, ինչպես նաև ՀՀ համար կենսական նշանակություն ունեցող մի շարք ոլորտներ սպասարկելու իմաստով»։

«Թյուրքական պատմաբանասիրություն»


«ՀՀ հարևան երկու խնդրահարույց թյուրքալեզու պետությունների՝ Ադրբեջանի և Թուրքիայի հետ ռազմավարական նշանակություն ունեցող ուսումնասիրության տեսանկյունից, ինչպես նաև Կենտրոնական Ասիայի թյուրքալեզու երկրների միջև հարաբերություններ ձևավորելու առումով «Թյուրքական պատմաբանասիրություն» մագիստրոսական ծրագիրը կարևոր դերակատարում ունի»:

«Տարածաշրջանային քաղաքականություն»

«Հայաստանի համար լուրջ հետաքրքրություն են ներկայացնում մերձավորարևելյան և կովկասյան տարածաշրջաններում ընթացող քաղաքական գործընթացները: Դրանք հասկանալու և վերլուծելու համար խորհուրդ կտամ «Տարածաշրջանային քաղաքականություն» մագիստրոսական ծրագիրը»:

«Էկոլոգիա և կենսառեսուրսների կառավարում»


«Մեր երկրի առջև ծառացել են մի շարք բնապահպանական մարտահրավերներ, որոնք հաղթահարելու համար հմուտ մասնագետներ են անհրաժեշտ: Բացի դրանից՝ բարձրացել է բնապահպանական ոլորտի շուրջ հասարակական հետաքրքրության մակարդակը»:

 

Մարի Ռաֆյան

Այլ նորություններ
ՎԻՐՏՈՒԱԼ ՇՐՋԱՅՑ ՀԱՅԱՍՏԱՆԻ ՊԱՏՄՈՒԹՅԱՆ ԹԱՆԳԱՐԱՆՈՒՄ
ԵՊՀ պատմության ֆակուլտետի ուսանողական գիտական ընկերության և Հայաստանի պատմության թանգարանի համատեղ նախաձեռնությամբ օգոստոսի 3-ին տեղի ունեցավ վիրտուալ շրջայց Հայաստանի պատմության թանգարանում։ Էքսկուրսիան անցկացրեց թանգարանի էքսկուրսիոն բաժնի վարիչ Լիլիթ Հովհաննիսյանը:
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում: