13.05.2019 | 
Հասարակություն
ԵՊՀ «ՎԱՐԴԱՆԱՆՔ» ԱԿՈՒՄԲԸ ՆՇԵԼ Է ԵՌԱՏՈՆԸ
ԵՊՀ «ՎԱՐԴԱՆԱՆՔ» ԱԿՈՒՄԲԸ ՆՇԵԼ Է ԵՌԱՏՈՆԸ
ԵՊՀ «Վարդանանք» ռազմահայրենասիրական դաստիարակության ակումբը մայիսի 8-ին մայիսյան եռատոնին նվիրված միջոցառումներով հանդես է եկել Ավետիք Իսահակյանի տուն-թանգարանում և ՀՀ ՊՆ Վազգեն Սարգսյանի անվան ռազմական համալսարանում։

Ավետիք Իսահակյանի տուն-թանգարանում միջոցառման մասնակից վարդանաքցիներն անդրադարձել են եռատոնի երեք հաղթական իրադարձություններին՝ նշելով, որ մայիսի 9-ը լուսավոր ապագայի կերտման խորհրդանիշ է։ Միջոցառման ընթացքում հնչել են հաղթանակը գովերգող, հերոսներին ու նրանց սխրանքները հավերժացնող բանաստեղծություններ, երգեր։

 

Վարդանանք ակումբի անդամներն անդրադարձ են կատարել Ապրիլյան քառօրյա պատերազմի հերոսներին: Ի դեպ, միջոցառման հրավիրյալների թվում էին Անդրանիկ Զոհրաբյանի ծնողները, Աղասի Ասատրյանի ու Հենրիկ Ղահրամանյանի մայրերը։ Հանդիսատեսի շարքերում էին նաև Հայաստանի ազգային հերոս Թաթուլ Կրպեյանի քույր, «Վարդանանք»-ի փոխնախագահ Ռուզաննա Կրպեյանը, Արցախյան ազատամարտի հերոս Վարդան Բախշյանի քույր Աննա Բախշյանը, որն իր եզրափակիչ խոսքում պատմեց Արցախյան պատերազմից, խոսեց իր եղբորից՝ Վարդան Բախշյանից, սերունդներին հղեց իր հայրենասիրական կոչը, իսկ Քառօրյայի հերոսների ծնողներին մաղթեց համբերություն։

 

Իրենց ելույթներով հանդես եկան նաև Ավ. Իսահակյանի տուն- թանգարանի տնօրեն Անժելա Խորենյանն ու «Վարդանանք» ակումբի նախագահ Սաթենիկ Աբրահամյանը, որոնք փառք տվեցին բոլոր հերոս նահատակներին ու շնորհավորեցին հաղթանակի օրվա կապակցությամբ։

 

 

Միջոցառման մասնակիցները և հյուրերը թանգարանից հետո այցելել են Վազգեն Սարգսյանի անվան ռազմական համալսարան, որտեղ նրանց սպասում էին ապագա սպաները։ Վարդանանքցիների ելույթի ժամանակ նրանց միացել է նաև «Վան» ազգագրական երգի-պարի համույթը։

 

Միջոցառման ավարտին հայկական  «Յարխուշտայի» հնչյունների ներքո «Վան» համույթին միացան նաև կուրսանտներն ու հյուրերը։

Այլ նորություններ
«ՄԱՅՐԵՆԻՆ ՄԵՐ ԱԶԳԱՅԻՆ ԻՆՔՆՈՒԹՅՈՒՆՆ Է, ՄԵՐ ԱՆՁՆԱԳԻՐԸ». ՀԱՄԱԼՍԱՐԱՆԱԿԱՆՆԵՐԸ  ԵՎ «ՇԻՐԱԿԱՑՈՒ ՃԵՄԱՐԱՆԻ» ՍԱՆԵՐԸ  ՏՈՆՈՒՄ ԵՆ ՄԱՅՐԵՆԻԻ  ՕՐԸ
ԵՊՀ մշակույթի կենտրոնի և «Շիրակացու ճեմարան» միջազգային գիտակրթական համալիրի համատեղ ջանքերով այսօր տեղի է ունեցել Մայրենի լեզվի օրվան նվիրված «Մայրենի լեզու, Մայր ճեմարան, Մայր համալսարան» խորագիրը կրող միջոցառումը:
«ԱՅՍ ՕՐԸ ՀՐԱՇԱԼԻ ԱՌԻԹ ՊԵՏՔ Է ԴԱՌՆԱ, ՈՐ ՄԵՐ ԵՐԻՏԱՍԱՐԴՈՒԹՅՈՒՆԸ ՀԱՍԿԱՆԱ՝ ԳՐԱԿԱՆ  ՀԱՅԵՐԵՆՈՎ, ԳԵՂԵՑԻԿ ՀԱՅԵՐԵՆՈՎ ՈՒ ՀԱՅԿԱԿԱՆ ՀԱՅԵՐԵՆՈՎ ԽՈՍԵԼԸ ՆՈՐԱՈՃ Է». ԱՅՍՕՐ ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐՆ Է
Մայրենի լեզվի միջազգային օրն ընդունվել է ՅՈՒՆԵՍԿՕ-ի գլխավոր համաժողովի 30-րդ նստաշրջանի որոշումով 1999 թվականի նոյեմբերին, և 2000 թվականից սկսած՝ փետրվարի 21-ը նշվում է որպես մայրենի լեզուների իրավունքների ճանաչման և գործածության աջակցման օր։ Մայրենի լեզվի միջազգային օրը 2005 թվականից նշվում է նաև Հայաստանում: