22.10.2018 | 
Հասարակություն
«ՀԱՂԹԱՆԱԿԻ ԿԱՄԱՎՈՐԱԿԱՆՆԵՐԸ». ԼԱՎԱԳՈՒՅՆՆԵՐԸ ԿԱՐՈՂ ԵՆ ՆԵՐԿԱՅԱՑՆԵԼ ՀԱՅԱՍՏԱՆԸ ՄՈՍԿՎԱՅՈՒՄ
«ՀԱՂԹԱՆԱԿԻ ԿԱՄԱՎՈՐԱԿԱՆՆԵՐԸ». ԼԱՎԱԳՈՒՅՆՆԵՐԸ ԿԱՐՈՂ ԵՆ ՆԵՐԿԱՅԱՑՆԵԼ ՀԱՅԱՍՏԱՆԸ ՄՈՍԿՎԱՅՈՒՄ
ԵՊՀ ռուսական կենտրոնում այսօր տեղի ունեցավ «Հաղթանակի կամավորականները» խորագրով ծրագրի ներկայացումը:

1941-1945 թվականների Հայրենական մեծ պատերազմի 75-ամյակի կապակցությամբ կազմակերպվող միջոցառումների շրջանակում Համառուսական կամավորական շարժումը նախաձեռնել է ստեղծել կամավորական խումբ:

ԵՊՀ ռուս բանասիրության ֆակուլտետի ասպիրանտ, Ռուսական կենտրոնի ակտիվիստ Աննա Խիզանցյանը պարզաբանեց, որ նախագծի նպատակն է տարբեր երկրներում կազմավորել կամավորական ջոկատներ, որոնք պետք է օգնեն 1941-1945 թվականների Հայրենական մեծ պատերազմի հաղթանակի 75-ամյակին նվիրված միջոցառումների կազմակերպմանը:



Տեսապատկերի միջոցով ուսանողների համար ցուցադրվեցին այն ուղղությունները, որտեղ կամավորականները պետք է ծավալեն իրենց գործունեությունը. օգնություն վետերաններին, հուշարձանների բարելավում, «Միասնական գործողությունների օրեր» ձևաչափով միջազգային ակցիաների անցկացում («Գեորգևյան ժապավեն», «Հիշողության մոմ» և այլն), աջակցություն Հաղթանակի շքերթների կազմակերպման և այլ իրադարձությունների ժամանակ:



«Հաղթանակի օրվա» գլխավոր իրադարձությունների ժամանակ տարբեր պետությունների 200 լավագույն կամավորականներն իրենց երկիրը ներկայացնելու են Մոսկվայում:

 

Մարինե Առաքելյան

Այլ նորություններ
ԳԻՏԱԿԱՆ ՆՈՐ ՀՈԴՎԱԾՆԵՐԸ՝ ԱՐԴԵՆ ՏՊԱԳԻՐ․ ԼՈՒՅՍ ԵՆ ՏԵՍԵԼ ԵՊՀ ՈՒԳԸ ԳԻՏԱԿԱՆ ՀՈԴՎԱԾՆԵՐԻ ԺՈՂՈՎԱԾՈՒԻ ՆՈՐ ՀԱՏՈՐՆԵՐԸ
Լույս են տեսել «ԵՊՀ ՈՒԳԸ գիտական հոդվածների ժողովածու» երիտասարդական գիտական պարբերականի Բնական և ֆիզիկամաթեմատիկական գիտությունների 1.1 (31), Հումանիտար և հասարակական գիտությունների 1.2 (32) համարները։
ՄԱՐԴՈՒ ԻՐԱՎՈՒՆՔՆԵՐ ԵՎ ԵՎՐՈՊԱԿԱՆ ԻՐԱՎՈՒՆՔ․ ԱՇՆԱՆԱՅԻՆ ԴՊՐՈՑՆԵՐ ԻՐԱՎԱԳԵՏՆԵՐԻ ՀԱՄԱՐ
ԵՊՀ իրավագիտության ֆակուլտետի և Միջազգային իրավական համագործակցության գերմանական հիմնադրամի (IRZ) հետ համատեղ կազմակերպվել և մեկնարկել է իրավունքի աշնանային դպրոցների շարք, որին մասնակցում են ինչպես ԵՊՀ, այնպես էլ այլ բուհերի ուսանողներ։