13.03.2018 | 
Ուսանողական
«ԱՅՑԻ ՆՊԱՏԱԿԸ ՍԱՀՄԱՆԻՆ ԿԱՆԳՆԱԾ ԶԻՆՎՈՐԻ ԵՎ ԵՐԻՏԱՍԱՐԴՈՒԹՅԱՆ ԱՄՈՒՐ ԿԱՊԻ ՍՏԵՂԾՈՒՄՆ Է». ՎԱՀԱԳՆ ՎԱՐԱԳՅԱՆ
«ԱՅՑԻ ՆՊԱՏԱԿԸ ՍԱՀՄԱՆԻՆ ԿԱՆԳՆԱԾ ԶԻՆՎՈՐԻ ԵՎ ԵՐԻՏԱՍԱՐԴՈՒԹՅԱՆ ԱՄՈՒՐ ԿԱՊԻ ՍՏԵՂԾՈՒՄՆ Է». ՎԱՀԱԳՆ ՎԱՐԱԳՅԱՆ
Մարտի 10-12-ը ԵՊՀ ուսանողների հետ տարվող աշխատանքների կենտրոնը կազմակերպել էր այցելություն Արցախի Հանրապետություն՝ նվիրված Մարտակերտի շրջանի ազատագրման 25-ամյակին:

Այցելությանը մասնակցել են բուհի ուսանողական բոլոր կառույցների՝ Ուսանողական խորհրդի, Ուսանողական գիտական ընկերության, Ավագների խորհրդի, Բնապահպանական ակումբի ակտիվ ներկայացուցիչները:

 

«Արցախյան այցերը համալսարանականներիս համար արդեն գեղեցիկ ավանդույթ են դարձել, որոնց շրջանակում իրականացված տարաբնույթ ծրագրերի նպատակն ազատագրված հայրենիքի, սահմանին կանգնած զինվորի և երիտասարդության  ամուր կապի ստեղծումն ու պահպանումն է»,- նշեց Ուսանողների հետ տարվող աշխատանքների կենտրոնի տնօրեն Վահագն Վարագյանը:  

 

Ծրագրի շրջանակում ուսանողները ճանաչողական այցով եղել են Դադիվանքում, Գանձասարում, Ամարասում ու Տիգրանակերտում, այնուհետև այցելել Արցախի հյուսիսում գտնվող և ռազմավարական նշանակության դիրքեր պահպանող «Եղնիկներ» զորամաս, որը նույնպես նշում էր իր հիմնադրման 25-ամյակը:

 

Ուսանողական խորհրդի մշակույթի հանձնաժողովը երիտասարդների թիկունքը պաշտպանող զինվորների համար պատրաստել էին հոբելյանական  միջոցառում՝ համեմված ազգային երգ ու պարով:

 

Վերադարձի ճանապարհին Բերձորում համալսարանականները հիմնեցին Արցախյան շարժման 30-ամյակին նվիրված պուրակ:

 

 

«Ծառատունկի միջոցով մենք փորձում ենք ավելի ամրացնել մեր կապերը  հայրենիքի մի հատվածի՝ Արցախի հետ: Արմատներ թողնելով այստեղ՝ վստահ ենք, որ վաղը դրա պտուղները վայելելու ենք միասին»,- ասաց ՈՒԽ նախագահ Դավիթ Ափոյանը:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: