07.03.2018 | 
Կրթություն
ՈՒՍԱՆՈՂՆԵՐԸ ՀՄՏԱՆՈՒՄ ԵՆ ԳՈՐԾՈՂ ԼԱԲՈՐԱՏՈՐԻԱՆԵՐՈՒՄ
ՈՒՍԱՆՈՂՆԵՐԸ ՀՄՏԱՆՈՒՄ ԵՆ ԳՈՐԾՈՂ ԼԱԲՈՐԱՏՈՐԻԱՆԵՐՈՒՄ
Այսօր ԵՊՀ քիմիայի և կենսաբանության ֆակուլտետների մի խումբ ուսանողներ և շրջանավարտներ այցելեցին «Էֆ-Դի-Էյ լաբորատորիա» ՍՊԸ:

Այցելությունը կազմակերպվել էր ԵՊՀ շրջանավարտների և կարիերայի կենտրոնի ու «Էֆ-Դի-Էյ լաբորատորիա» ՍՊԸ-ի համագործակցության շրջանակում:

 

«Էֆ-Դի-Էյ լաբորատորիա» ՍՊԸ-ի տնօրեն Լևոն Հակոբյանը, ողջունելով ուսանողներին, կարևորեց նրանց ներկայությունը և խոսեց լաբորատորիայի պատմությունից, գործունեության հիմնական ուղղություններից:

 

 

«Էֆ-Դի-Էյ լաբորատորիա»-ն փորձարկման լաբորատոր համալիր է, որում ներառված են 4 լաբորատորիաներ՝ սննդի որակի և անվտանգության փորձարկման, դեղերի որակի և կենսահամարժեքության, ծխախոտի փորձարկման և մանրէաբանական:

Դեղերի որակի և կենսահամարժեքության լաբորատորիայի ղեկավար, քիմ. գիտ. դոկտոր Սերգեյ Հայրապետյանը համալսարանականներին ներկայացրեց ընկերության կողմից իրականացվող «Քրոմատագրաֆիայի հիմունքներ» խորագրով  վերապատրաստման դասընթացը, ԲԱՀՔ-ը (բարձրարդյունավետ հեղուկային քրոմատագրաֆիա), դրա կարևորությունը և կիրառելիությունը:

 

Այցի շրջանակում մասնակիցները ծանոթացան ՀՀ-ում առաջին միջազգային հավատարմագրում ունեցող «Էֆ-Դի-Էյ լաբորատորիա» ՍՊԸ-ի արդի և գերհզոր սարքավորումներին և ստացան իրենց հուզող հարցերի պատասխանները:

 

 

Ի դեպ, ուսանողները ներկայացել էին CV-ներով, որոնք փոխանցեցին ընկերության մարդկային ռեսուրսների կառավարման (ՄՌԿ) մասնագետներին՝ հետագա թափուր հաստիքների համալրման նպատակով որպես պոտենցիալ թեկնածու դիտարկվելու համար:

 

 

Այլ նորություններ
ԵՊՀ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ ԿԻՐԱՌՎՈՒՄ ԵՆ ՈՒՍՈՒՄՆԱՌՈՒԹՅԱՆ ԺԱՄԱՆԱԿԱԿԻՑ ՄԻՋՈՑՆԵՐ
Երևանի պետական համալսարանում «Moodle» էլեկտրոնային ուսուցման համակարգի ներդրման առաջին քայլերն արվել են ՏՏ կրթական և հետազոտական կենտրոնի կողմից դեռևս 2008 թվականին: Առաջին առցանց դասընթացները կենտրոնի աշխատակիցների կողմից հարթակում տեղադրվել են դեռևս 2009-2010 թվականներին:
ՄԻՋԱԶԳԱՅԻՆ ԾՐԱԳՐԵՐ ԵՎ ԱՐԴՅՈՒՆԱՎԵՏ ՀԱՄԱԳՈՐԾԱԿՑՈՒԹՅՈՒՆՆԵՐ. ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՆ ԱՄՓՈՓՈՒՄ Է ԱՆՑԱԾ ՏԱՐԻՆ
Վերջին մեկ տարվա ընթացքում ԵՊՀ իրավագիտության ֆակուլտետն ակտիվացրել է իր գործունեությունն ինչպես միջազգայնացման ոլորտում, այնպես էլ արդյունավետ համագործակցություն ծավալել միջազգային կառույցների և արտերկրի գիտական հաստատությունների հետ: Այդ գործունեության շրջանակում իրականացրած աշխատանքների մասին զրուցել ենք ֆակուլտետի դեկան Գագիկ Ղազինյանի հետ: