23.02.2018 | 
Քաղաքականություն
ԱՊԱԳԱ ԴԻՄՈՐԴՆԵՐԸ ԱՅՑԵԼԵՑԻՆ ՖԻԶԻԿԱՅԻ ՖԱԿՈՒԼՏԵՏ
ԱՊԱԳԱ ԴԻՄՈՐԴՆԵՐԸ ԱՅՑԵԼԵՑԻՆ ՖԻԶԻԿԱՅԻ ՖԱԿՈՒԼՏԵՏ
Այսօր Երևանի h. 148, հ. 195, հ. 189, հ. 65, Ա. Շահինյանի անվան ֆիզմաթ և Ստեփանակերտի հ. 11 ավագ դպրոցների աշակերտները հյուրընկալվել էին ԵՊՀ ֆիզիկայի ֆակուլտետում:

Մինչհամալսարանական կրթության վարչության նախաձեռնությամբ Մայր բուհ այցելած աշակերտներին ֆակուլտետում դիմավորեցին դեկան Ռոլանդ Ավագյանը և դեկանի տեղակալ Լևոն Ասլանյանը:

 

«Մենք պետք է գերենք դիմորդներին ֆիզիկայի գեղեցկությամբ: Ամենաբնականը և դիտարժանը օպտիկան է, այդ իսկ պատճառով ֆակուլտետի կառուցվածքից հետո աշակերտներին դա ենք ներկայացնում, պատմում ենք մի շարք հետաքրքիր երևույթների մասին, ցուցադրում այն ամենը, ինչ հնարավոր է»,- նշեց Լևոն Ասլանյանը:

 

Օպտիկայի ամբիոնի դասախոս Արթուր Կիրակոսյանն էլ աշակերտներին ցուցադրեց ֆակուլտետի սարքավորումների մի մասը, պատասխանեց նրանց հետաքրքրող հարցերին:

 

Ստեփանակերտի ավագ դպրոցի աշակերտ Ստեփան Համբարձումյանը հետաքրքրվում է ֆիզիկայի ոլորտով և ցանկանում է ուսումը շարունակել Երևանում. «Ծանոթացա նոր սարքավորումների հետ: Այստեղ տեսա այն, ինչ դպրոցում չէինք անում: Հանդիպումը հետաքրքիր էր, տեղեկատվությունը՝ նոր»:

Այլ նորություններ
«ԴՈՒՔ ԱԴԱՄԱՆԴԵ ՍԻՐՏ ՈՒՆԵՔ». ՄԱԿ-Ի ԳԼԽԱՎՈՐ ՔԱՐՏՈՒՂԱՐԻ ՀԱՏՈՒԿ ԽՈՐՀՐԴԱԿԱՆ ԱԴԱՄԱ ԴԻԵՆԳ
ԵՊՀ գիտխորհրդի նիստերի դահլիճում դասախոսությամբ հանդես եկավ ՄԱԿ-ի գլխավոր քարտուղարի ցեղասպանության կանխարգելման հարցերով հատուկ խորհրդական Ադամա Դիենգը:
ԴՊՐՈՑԱԿԱՆՆԵՐԸ ԵՊՀ-ՈՒՄ ԾԱՆՈԹԱՑԱՆ ԱՆՉԱՓԱՀԱՍՆԵՐԻ` ՀՀ ՍԱՀՄԱՆԱԴՐՈՒԹՅԱՄԲ ԵՐԱՇԽԱՎՈՐՎԱԾ ԻՐԱՎՈՒՆՔՆԵՐԻՆ
ԵՊՀ մինչհամալսարանական կրթության վարչության կողմից իրականացվող «Մասնագիտական կողմնորոշման օր» ծրագրի շրջանակում այսօր Երևանի N 170 ավագ դպրոցի 11-րդ դասարանի աշակերտները Մայր բուհի կրթական ծրագրերին ծանոթանալու նպատակով այցելեցին ԵՊՀ իրավագիտության և միջազգային հարաբերությունների ֆակուլտետներ: