04.12.2017 | 
Քաղաքականություն
ՇԱՐՈՒՆԱԿՎՈՒՄ ԵՆ ԱՇԱԿԵՐՏՆԵՐԻ ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆՆ ՈՒՂՂՎԱԾ ԱՅՑԵՐԸ
ՇԱՐՈՒՆԱԿՎՈՒՄ ԵՆ ԱՇԱԿԵՐՏՆԵՐԻ ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆՆ ՈՒՂՂՎԱԾ ԱՅՑԵՐԸ
ԵՊՀ մինչհամալսարանական կրթության վարչությունը շարունակում է կազմակերպել ավագ դպրոցների աշակերտների այցերը դեպի Մայր բուհ, ինչպես նաև բուհի դասախոսների դասախոսությունները ավագ դպրոցներում:

Նոյեմբերի 24-ին Իրավագիտության ֆակուլտետի դատական նիստերի դահլիճում հյուրընկալվել էին Երևանի համար 94 ավագ դպրոցի աշակերտները:

 

Բաց դասը վարում էր Եվրոպական և միջազգային իրավունքի ամբիոնի դասախոս, իրավ. գիտ. թեկնածու Քնարիկ Վարդանյանը, ով նաև ԵՊՀ իրավաբանական կլինիկայի տնօրենն է:

 

Նա աշակերտներին ծանոթացրեց կլինիկայի գործունեությանը և նշեց, որ այդտեղ ուսանողները կարողանում են իրենց տեսական գիտելիքները կիրառել գործնականում, ինչը նպաստում է մասնագիտական հմտությունների ամրապնդմանը:

 

 

Համար 94 ավագ դպրոցի աշակերտները ցանկություն էին հայտնել դասախոսություն լսել «Միջազգային իրավունք. փախստականների իրավունք» թեմայով:

 

Քնարիկ Վարդանյանը աշակերտներին ներկայացրեց փախստականների և տեղահանված անձանց միջազգային իրավական և ներպետական պաշտպանության ոլորտի հիմնախնդիրները, պատմությունը:

 

Հանդիպումն անցավ ինտերակտիվ ձևաչափով. աշակերներն իրենց հետաքրքրող հարցերն ուղղում էին բանախոսին: Նրանցից մեկը ցանկանում էր իմանալ ապաստանի և ապաստարանի տարբերությունը: Համար 94 դպրոցի սաները հնարավորություն ունեցան հայտնելու իրենց կարծիքները այդ հարցի վերաբերյալ:

 

«Երբևէ պետք չէ շփոթել կամ նույնացնել այդ երկու հասկացությունները: Ապաստարանը տարածք է, որտեղ թաքնվում ենք, օրինակ՝ անձրևից, իսկ ապաստանը պաշտպանություն է, որը տրվում է անձին տվյալ երկրի կողմից պաշտպանություն չունենալու համար»,- ասաց Քնարիկ Վարդանյանը:

 

Աշակերտները դիտեցին նաև վավերագրական ֆիլմ փախստականների գծով առաջին գերագույն հանձնակատար Ֆրիտյոֆ Նանսենի վերաբերյալ:

 

Նոյեմբերի 24-ին Երևանի համար 103 ավագ դպրոց էր այցելել ԵՊՀ մաթեմատիկայի և մեխանիկայի ֆակուլտետի դասախոս Կարեն Սահակյանը: Նա այնտեղ հանդես է եկել «Հատույթների կառուցում» թեմայով ակնարկային դասախոսությամբ:

 

Նոյեմբերի 30-ին էլ մասնագիտական կողմնորոշման նպատակով Երևանի համար 142 ավագ դպրոցի 10-11-րդ դասարանների շուրջ 30 աշակերտներին հյուրընկալել էր ԵՊՀ ռադիոֆիզիկայի ֆակուլտետը:

 

Ֆակուլտետի դեկան Խաչատուր Ներկարարյանը ողջունեց աշակերտներին, ծանոթացրեց Ռադիոֆիզիկայի ֆակուլտետի գործունեությունը և ներկայացրեց այն ոլորտները, որոնք առնչվում են ռադիոֆիզիկային:

 

Աշակերտները նաև շրջեցին ֆակուլտետի լաբորատորիաներով և կատարեցին որոշ փորձեր, որոնք նախատեսված էին ուսումնական ծրագրով:

Այլ նորություններ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ԿՈՉԸ  ՄԻՋԱԶԳԱՅԻՆ ԳՈՐԾԸՆԿԵՐՆԵՐԻՆ ԼԱՉԻՆԻ ՄԻՋԱՆՑՔԻ ԱՐԳԵԼԱՓԱԿՄԱՆ ՀԵՏԵՎԱՆՔՈՎ ՍՏԵՂԾՎԱԾ ԻՐԱՎԻՃԱԿԻ ՎԵՐԱԲԵՐՅԱԼ
Դեկտեմբերի 12-ի առավոտից Ադրբեջանի մի խումբ քաղաքացիներ, ներկայանալով որպես բնապահպանական ակտիվիստներ, արգելափակել են բնականոն ու անարգել տեղաշարժը Գորիս–Ստեփանակերտ ճանապարհին (Լաչինի միջանցք), որն այսօր Լեռնային Ղարաբաղն արտաքին աշխարհին կապող միակ ճանապարհն է։ Բացի դրանից՝ այս օրերի ընթացքում Ադրբեջանը ձմռան սաստիկ ցրտի պայմաններում արցախցիներին 75 ժամ թողել էր առանց գազի:
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԿԱԶՄԱԿԵՐՊԵԼ ԷՐ ՊԱՆԵԼԱՅԻՆ ՔՆՆԱՐԿՈՒՄ
Քննարկման հրավիրյալ բանախոսներն էին պ.գ.դ., պրոֆեսոր Ռուբեն Մելքոնյանը, տնտ. գիտ. թեկն., դոցենտ Կառլեն Խաչատրյանը և իրավ. գիտ. թեկն. Լևոն Գևորգյանը: