29.11.2007 | 
Կրթություն
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԴԵՐԸ ԿԱՐԵՎՈՐՎՈՒՄ Է
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԴԵՐԸ ԿԱՐԵՎՈՐՎՈՒՄ Է
«Իրավական դաշտում մասնագետների պատրաստման հարցում Իրավագիտության ֆակուլտետի հեղինակությունն ու ազդեցությունը, անկասկած, մեծանում է»,- ասում է Գագիկ Ղազինյանը:

Այսօր ԵՊՀ իրավագիտության ֆակուլտետի պրոֆեսորադասախոսական կազմը կազմակերպել էր ֆակուլտետի` Պետության եւ իրավունքի տեսության ու պատմության, Քաղաքացիական իրավունքի, Քրեական իրավունքի ամբիոնների կազմավորման 70-ամյակին նվիրված գիտաժողով: Միջոցառումը նախատեսված էր միայն դասախոսական կազմի եւ ասպիրատների համար, սակայն դահլիճում ներկա էին նաեւ ուսանողներ:

«Ֆակուլտետի կազմավորման միտքը նախարարների խորհրդի մոտ ծագել է դեռեւս առաջին հանրապետության օրոք` 1920թ.-ին, սակայն քաղաքական հայտնի դեպքերի պատճառով մտահաղացումը չիրականացվեց: Ֆակուլտետը հիմնվեց միայն 1933-34 ուսումնական տարում: 1999թ.-ին մեզ մոտ ուսանում էին միայն 770 ուսանող, իսկ այօսր ֆակուլտետն ունի մոտ 1300 ուսանող: Այս փաստը, անշուշտ, վկայում է Իրավագիտության ֆակուլտետի բարձր վարկանիշի մասին »,- իր բացման խոսքում նշեց Իրավագիտության ֆակուլտետի դեկան, պրոֆեսոր Գագիկ Ղազինյանը:

Այնուհետեւ երեք ամբիոնների դասախոսներն ու ասպիրանտները զեկույցներ կարդացին ոլորտի հիմնահարցերի վերաբերյալ: Գիտաժողովի արդյունքները կհրապարակվեն առանձին ժողովածուով: Դեկանի հավաստմամբ` այն բոլոր զեկույցները, որոնք ինչ-ինչ պատճառներով տեղ չեն գտել գիտաժողովի օրակարգում, անպայման կներառվեն ժողովածուի կազմում:

Այլ նորություններ
ԵՊՀ ՖԻԶԻԿԱՅԻ ՖԱԿՈՒԼՏԵՏԸ ՇԱՐՈՒՆԱԿՈՒՄ Է ԸՆԴԼԱՅՆԵԼ ՀԱՄԱԳՈՐԾԱԿՑՈՒԹՅՈՒՆՆԵՐԻ ՇՐՋԱՆԱԿԸ
ԵՊՀ ֆիզիկայի ֆակուլտետում Տվենտեի համալսարանի պրոֆեսոր, Մոսկվայի ֆիզիկատեխնիկական ինստիտուտի լաբորատորիայի ղեկավար Ալեքսանդր Գոլուբովն անցկացրեց «Քվանտային տոպոլոգիայի ֆենոմենը գերհաղորդական համակարգում» թեմայով սեմինար:
ՏԱՐԻՆ ՉԱՐԵՆՑՅԱՆ Է. ԵՊՀ ՈՒՍԱՆՈՂՆԵՐԸ ԿԱՐԴՈՒՄ ԵՆ ՊՈԵՏԻ ԵՐԿԵՐԻ ՌՈՒՍԵՐԵՆ ԹԱՐԳՄԱՆՈՒԹՅՈՒՆՆԵՐԸ
ԵՊՀ ռուս բանասիրության ֆակուլտետում տեղի ունեցավ «Եղիշե Չարենցը ռուս պոետների թարգմանություններում» խորագրով միջոցառում՝ նվիրված մեծ գրողի 125-ամյակին: