03.05.2017 | 
Կրթություն
ՈՒՍԱՆՈՂՆԵՐԸ ԾԱՆՈԹԱՆՈՒՄ ԵՆ ԲԻԶՆԵՍ ՄՏԱԾԵԼԱԿԵՐՊԻՆ
ՈՒՍԱՆՈՂՆԵՐԸ ԾԱՆՈԹԱՆՈՒՄ ԵՆ ԲԻԶՆԵՍ ՄՏԱԾԵԼԱԿԵՐՊԻՆ
Այսօր ԵՊՀ «Հովհաննես Ադամյան» սրահում տեղի ունեցավ «Նորարարություն և ձեռներեցություն» խորագրով վեբինար:

ԵՊՀ շրջանավարտների և կարիերայի կենտրոնի կողմից կազմակերպված հերթական առցանց սեմինարն իրականացվեց դեռևս ապրիլին մեկնարկած «Առաջնորդություն. ինչպե՞ս հասնել դրան» ընդհանուր խորագիրը կրող ծրագրի շրջանակում:

 

Կազմակերպիչները նշեցին, որ առցանց սեմինարի նպատակն էր նորարարությունների վերաբերյալ ուսանողների իրազեկվածության մակարդակի բարձրացումը, զարգացման միտումների ու շուկայի ներկայացումը, ինչպես նաև մասնակիցների շրջանում բիզնես մտածելակերպի ու գործելաոճի ձևավորումը:

 

Վեբինարը Նյու Յորքից վարում էին բիզնեսի, ֆինանսների և կառավարման միջազգային փորձագետ, ամերիկյան «Accenture» ընկերության գործադիր տնօրեն Էմմա Առաքելյանը, նույն ընկերության բիզնես և տեղեկատվական տեխնոլոգիաների խորհրդատու Հայկ Խանամիրյանը, ինչպես նաև «Ernst & Young» ընկերության հաճախորդների հետ տարվող աշխատանքների կառավարիչ Աննա Բեննեթը:

 

Բանախոսները նախ խոսեցին նորարար մոտեցումների կարևորության ու անհրաժեշտության մասին՝ ընդգծելով, որ աշխարհը և մարդկանց պահանջները բավականին արագ են փոխվում, ուստի պետք է քայլել տեխնոլոգիական և սոցիալ-մշակութային գլոբալ զարգացումներին համահունչ:

 

Անդրադառնալով երիտասարդների բիզնես մտածելակերպի ու գործելաոճի ձևավորմանը՝ բանախոսները մի շարք պրակտիկ խորհուրդներ տվեցին վեբինարի մասնակիցներին, ինչպես նաև ներկայացրին ստարտափ ծրագրերի մասին պատմող մի շարք օգտակար հղումներ:

Տեսապատկերների միջոցով ներկայացվեցին նաև համաշխարհային տեխնոլոգիական գլոբալ զարգացումների միտումները և դրանց դրսևորումները տարբեր բնագավառներում:

 

Առցանց միացումից հետո մասնակիցները հնարավորություն ստացան լսելու նաև դահլիճում ներկա դասընթացավար ձեռներեցներին, նրանցից ստանալու իրենց հետաքրքրող հարցերի պատասխանները:

Այլ նորություններ
ԹՈՒՐՔ ՊԱՏՄԱԲԱՆ ԹԱՆԵՐ ԱՔՉԱՄ. «ԹՈՒՐՔԻԱՅՈՒՄ ԺԽՏՈՂԱԿԱՆՈՒԹՅԱՆ ՔԱՂԱՔԱԿԱՆՈՒԹՅՈՒՆԸ ՊԵՏՈՒԹՅԱՆ ԿՈՂՄԻՑ Է ՍՆՈՒՑՎՈՒՄ»
Այսօր Մայր բուհի գիտխորհրդի նիստերի դահլիճում ԱՄՆ Մասաչուսեթսի Քլարք համալսարանի պրոֆեսոր, թուրք հայտնի պատմաբան Թաներ Աքչամը հանդիպեց ԵՊՀ թյուրքագիտության ամբիոնի ուսանողների և դասախոսների հետ: Նշենք, որ հանդիպումը կազմակերպվել էր ԵՊՀ արևելագիտության ֆակուլտետի նախաձեռնությամբ:
ԵՊՀ-ՈՒՄ ՊԱՏՐԱՍՏ ԵՆ ԱՇԽԱՏԵԼ ԴԻՄՈՐԴՆԵՐԻ ՀԵՏ. «ՆԱԽԱՊԱՏՐԱՍՏԱԿԱՆ ԴԱՍԸՆԹԱՑՆԵՐ» ԲԱԺԻՆԸ ՀԱՅՏԱՐԱՐՈՒՄ Է 2018-2019 ՈՒՍՏԱՐՎԱ ԸՆԴՈՒՆԵԼՈՒԹՅՈՒՆ
ԵՊՀ մինչհամալսարանական կրթության վարչության «Նախապատրաստական դասընթացներ» բաժինը կատարում է 2018-2019 ուստարվա դիմորդների ընդունելություն հանրակրթական բոլոր առարկաներից: