12.10.2021 | 
Ուսանողական
«Ի՞ՆՉ, ՈՐՏԵ՞Ղ, Ե՞ՐԲ». ՊԱՏԱՍԽԱՆՈՒՄ ԵՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ
«Ի՞ՆՉ, ՈՐՏԵ՞Ղ, Ե՞ՐԲ». ՊԱՏԱՍԽԱՆՈՒՄ ԵՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ
ԵՊՀ Պալեանների անվան դահլիճում այսօր Իրավագիտության ֆակուլտետի ՈՒԽ-ի նախաձեռնությամբ անցկացվել է «Ի՞նչ, որտե՞ղ, ե՞րբ» ներֆակուլտետային ինտելեկտուալ խաղ-մրցույթը:

Իրավագիտության ֆակուլտետի ուսանողների համար կազմակերպված «Ի՞նչ, որտե՞ղ, ե՞րբ» ինտելեկտուալ խաղ-մրցույթն ավանդաբար անցկացվող «Արի մրցենք» ծրագրի ֆակուլտետային փուլն է, որի հաղթող թիմին տրվում է հնարավորություն մրցելու արդեն միջֆակուլտետային պայքարում:

 

 

Մրցույթի մեկնարկին Իրավագիտության ֆակուլտետի ՈՒԽ նախագահ Գոհար Ավագյանն ասաց, որ թեև իրավաբանների համար մասնագիտական գիտելիքները շատ կարևոր են, բայց դրանց արդյունավետ յուրացման և հետագա կիրառման համար պետք են հենքային գիտելիքներ. «Այսօրվա մարտահրավերն էլ հիմնված է հենց այդ գիտելիքների վրա: Փորձելու ենք հասկանալ, թե ինչքանով ենք պատրաստ մրցույթի հաջորդ փուլին պատվով ներկայացնել ֆակուլտետը»:

 

Գոհար Ավագյանը հայտնեց, որ չնայած մրցույթը ներֆակուլտետային էր, բայց պայքարի մեջ եղել են այլ ֆակուլտետների ուսանողներից ձևավորված թիմեր, որոնց գրանցած արդյունքները հետագա փուլին մասնակցելու համար հաշվի չեն առնվել:

 

 

Այսօրվա խաղ-մրցույթն անցկացվել է 3 փուլով, որոնցից յուրաքանչյուրի ժամանակ մասնակիցները պատասխանել են 12 հարցի: Յուրաքանչյուր հարցի ճիշտ պատասխան գնահատվել է 1 միավոր: Առավելագույն միավորներ հավաքած թիմերը համապատասխանաբար զբաղեցրել են մրցանակային հորիզոնականները:

 

 

«Ատլանտա» թիմը զբաղեցրել է առաջին, «10-րդ լեգեոն» թիմը՝ երկրորդ, իսկ «Նժդեհ» թիմը՝ երրորդ հորիզոնականը:

 

Ի դեպ, «Independence» թիմը, որի ներկայացուցիչներն այլ ֆակուլտետների ուսանողներ էին, հաղթող թիմի հետ կիսեց առաջին հորիզոնականը և պարգևատրվեց Իրավագիտության ֆակուլտետի ՈՒԽ-ի կողմից:

 

Քնար Միսակյան

Այլ նորություններ
ԵՊՀ ՀԱՎԱՔԱԿԱՆԸ ՄԱՍՆԱԿՑԵԼ Է ԹԻԱՎԱՐՈՒԹՅԱՆ ՄԻՋԲՈՒՀԱԿԱՆ ԱՌԱՋՆՈՒԹՅԱՆԸ
Հանրապետության ուսանողական 22-րդ մարզական խաղերի ծրագրով հոկտեմբերի 5-ին Երևանյան լճի տարածքում գտնվող ջրային մարզաձևերի մարզակայանում անցկացվեց «Դրակոնբոութ» (թիավարական մակույկներ) և «Կոնցեպտ» (վարժասարքեր) մարզաձևերի բուհական առաջնությունը, որի մասնակցել են 8 բուհերի հավաքականներ:
ԵՊՀ ՈՒՍԱՆՈՂԸ ՀԱՂԹՈՂ Է ՃԱՆԱՉՎԵԼ ՍՊՈՐՏԱՅԻՆ ԺԱՅՌԱՄԱԳԼՑՄԱՆ ՄԻՋԲՈՒՀԱԿԱՆ ԱՌԱՋՆՈՒԹՅՈՒՆՈՒՄ
ՅՈՒՆԵՍԿՕ-ի կողմից սեպտեմբերի 20-ը հռչակվել և ամբողջ աշխարհում նշվում է որպես «Համալսարանական սպորտի միջազգային օր» (IDUS): ԵՊՀ մարզադահլիճում այդ օրն անցկացվել են Հայաստանի ուսանողական մարզական ֆեդերացիայի և ԿԳՄՍՆ կողմից համատեղ իրականացվող սպորտային ժայռամագլցման և պարանի ձգման առաջնությունները, որոնցով մեկնարկել է ՀՀ ուսանողական մարզական խաղերի աշնանային փուլը: