29.11.2017 | 
Հասարակություն
ՄՐՑՈՒՄ ԷԻՆ ՏԱՐԲԵՐ ՖԱԿՈՒԼՏԵՏՆԵՐԻ ՈՒՍԱՆՈՂՆԵՐ
ՄՐՑՈՒՄ ԷԻՆ ՏԱՐԲԵՐ ՖԱԿՈՒԼՏԵՏՆԵՐԻ ՈՒՍԱՆՈՂՆԵՐ
Այսօր ԵՊՀ ռուս բանասիրության ֆակուլտետում անցկացվեց «О России с любовью» խորագրով միջոցառում, որի շրջանակում կազմակերպվեց նաև ասմունքի մրցույթ:

Այն կազմակերպվել էր Ռուս բանասիրության ֆակուլտետի և Ժողովուրդների բարեկամության ռուսաստանյան համալսարանի կողմից:

 

Միջոցառմանը ներկա էին Ռուս բանասիրության ֆակուլտետի դեկան Պավել Բալայանը, Ժողովուրդների բարեկամության ռուսաստանյան համալսարանի ընդհանուր և ռուս լեզվաբանության ամբիոնի վարիչ, պրոֆեսոր Վլադիմիր Դենիսենկոն, պրոֆեսորադասախոսական կազմի ներկայացուցիչներ, ուսանողներ:

 

Բացման խոսքով հանդես եկավ ֆակուլտետի դեկան Պավել Բալայանը: Նա ողջունեց ներկաներին և շնորհավորեց ֆակուլտետում տոնվող ռուս պոեզիայի օրվա առթիվ. «Այստեղ ներկա են ուսանողներ բոլոր ֆակուլտետներից, և սա մեր սիրո լավագույն ապացույցն է ռուս պոեզիայի, մշակույթի նկատմամբ: Ուրախ եմ, որ մեր նախաձեռնությունը այսպիսի հետաքրքրություն և արձագանք է ստացել»:

 

 

Վլադիմիր Դենիսենկոն էլ իր ելույթում անդրադարձավ ԵՊՀ-ի և Ժողովուրդների բարեկամության ռուսաստանյան համալսարանի համագործակցությանը:

 

«Մենք ԵՊՀ-ի հետ ունենք բարեկամական ջերմ հարաբերություններ և անցկացնում ենք համատեղ միջոցառումներ, ծրագրեր, որոնք կարևոր են երկու համալսարանների միջև համագործակցության ամրապնդման համար: Ես առիթ եմ ունեցել նաև ղեկավարելու մի քանի հայ ուսանողների աշխատանքներ, և նրանք այժմ էլ մեզ մոտ հաջողությամբ շարունակում են իրենց ուսումը»,- նշեց Վլադիմիր Դենիսենկոն:

 

Միջոցառման մեկնարկը տրվեց վիկտորինայով, որի միջոցով ուսանողները ստուգեցին ռուսական առած-ասացվածքների և գեղարվեստական ստեղծագործությունների մասին իրենց գիտելիքները:

Վիկտորինային հաջորդեց միջոցառման հիմնական մասը՝ ասմունքի մրցույթը, որին մասնակցում էին ԵՊՀ տարբեր ֆակուլտետների ուսանողներ:

 

Մրցույթի հաղթողներին ընտրեցին ժյուրիի 7 անդամները, ովքեր մասնակիցներին գնահատեցին հետևյալ չափանիշներով՝ բանաստեղծության ծավալ, արտասանություն ու արտահայտչականություն, հանդիսատեսի արձագանք:

 

Մրցույթում առաջին տեղը զբաղեցրեց Ռոմանագերմանական բանասիրության ֆակուլտետի ուսանողուհի Ասպրամ Շահինյանը, երկրորդ հորիզոնականը՝ Ինֆորմատիկայի և կիրառական մաթեմատիկայի ֆակուլտետի ուսանողուհի Աննա Խաչատրյանը, իսկ երրորդ տեղը՝ Ռուս բանասիրության ֆակուլտետի ուսանողուհի Միլենա Մկրտչյանը և Միջազգային հարաբերությունների ֆակուլտետի ուսանողուհի Թագուհի Պարեմուզյանը:

 

Հաղթողները պարգևատրվեցին հուշանվերներով ու գրքերով: Ժյուրիի կողմից հատուկ մրցանակով՝ մասնագիտական գրքերով պարգևատրվեց նաև Ռուս բանասիրության ֆակուլտետի ուսանող Կոնստանտին Շաքարյանը, ով ասմունքել է իր հեղինակած բանաստեղծություններից:

Այլ նորություններ
ԵՊՀ-ՈՒՄ ՆԵՐԿԱՅԱՑՎԵՑ «ՀԱՅԱՍՏԱՆԻ «ԿԱՆԱՉ» ԱՇԽԱՏԱՇՈՒԿԱՅԻ ԳՆԱՀԱՏՄԱՆ» ՀԱՇՎԵՏՎՈՒԹՅՈՒՆԸ
ԵՊՀ-ում այսօր ծավալվեց քննարկում «Ջի Այ Զեթ» ընկերություն կողմից ներկայացված «Հայաստանի «կանաչ» աշխատաշուկայի» հաշվետվության շուրջ։
ՍՈՑՑԱՆՑԵՐՈՒՄ ԿԵՂԾ ՆՈՐՈՒԹՅՈՒՆՆԵՐԻ ՏԱՐԱԾՈՒՄՆ ՈՒՍՈՒՄՆԱՍԻՐՈՒՄ ԵՆ ՄԱՍԱՉՈՒՍԵԹՍԻ ՏԵԽՆՈԼՈԳԻԱԿԱՆ ԻՆՍՏԻՏՈՒՏՈՒՄ
Մասաչուսեթսի տեխնոլոգիական ինստիտուտի (MIT) հետազոտողները փորձել են հասկանալ կեղծ լուրերի տարածման ծավալները և դրդապատճառները: Ավարտից հետո մարտին հանրայնացվել է նրանց հետազոտությունը: