28.11.2017 | 
Ուսանողական
ԻՆՉՊԵ՞Ս ԿԱՌԱՎԱՐԵԼ ԺԱՄԱՆԱԿԸ. ՈՒՍԱՆՈՂՆԵՐԻՆ ՆԵՐԿԱՅԱՑՐԵՑ ԳՈՌ ՎԱՐԴԱՆՅԱՆԸ
ԻՆՉՊԵ՞Ս ԿԱՌԱՎԱՐԵԼ ԺԱՄԱՆԱԿԸ. ՈՒՍԱՆՈՂՆԵՐԻՆ ՆԵՐԿԱՅԱՑՐԵՑ ԳՈՌ ՎԱՐԴԱՆՅԱՆԸ
Այսօր IBM ինովացիոն լուծումների և տեխնոլոգիաների կենտրոնում (ISTC) տեղի ունեցավ «Work/Life Balance» խորագրով սեմինար:

ԵՊՀ ԻԿՄ ՈՒԽ-ն և ՈՒԳԸ-ն համատեղ իրականացնում են «Technotalk»-երի շարք, որի շրջանակներում հյուրընկալում են իրենց ոլորտում հաջողություններ գրանցած հայտնի ծրագրավորողների: Այս անգամ ուսանողների հյուրը «Fimetech» ընկերության հիմնադիր Գոռ Վարդանյանն էր։

 

Սեմինարի ընթացքում բանախոսը խոսեց գործատուների հետ շփումների, աշխատանքային ներքին խոհանոցի, գործընկերների հետ փոխհարաբերությունների կարևորության, ինչպես նաև այն հմտությունների մասին, որոնց ուշադրություն են դարձնում աշխատանքի ընդունելիս:

 

Գոռ Վարդանյանի խոսքով՝ կարևոր է, որ աշխատաշուկա նոր ոտք դնող ուսանողները կարողանան իրենց մասնագիտական ապագան կապել ճիշտ և օրինակելի ընկերությունների հետ, առաջ շարժվել և ազատ լինել իրենց աշխատանքը կազմակերպելու հարցում:

«Ուսանողները ժամանակի ընթացքում շատ են առաջ գնում, ավելի գրագետ են դառնում, բայց աշխարհն էլ է զարգանում: Պետք է ամեն բան անենք, որ մեր ուսանողները ժամանակին համահունչ քայլեն»,- ասաց Գոռ Վարդանյանը:

 

ԵՊՀ ինֆորմատիկայի և կիրառական մաթեմատիկայի ֆակուլտետի ՈՒԳԸ նախագահ Կարեն Համբարձումյանը նշեց, որ եթե մինչ այս ծրագիրը ՈՒԽ-ն կազմակերպում էր հիմնականում ժամանցային, իսկ ՈՒԳԸ-ն այնպիսի միջոցառումներ, որոնց ընթացքում խորը մասնագիտական գիտելիքներ էին փոխանցում ուսանողներին, ապա այս դեպքում դրանք զուգորդվում են, և արդյունքում իրականացվում են նմանօրինակ սեմինարներ:

 

«Կոնկրետ այս սեմինարի ընթացքում ուսանողները ստացան մոտիվացիա, տեղեկություններ և հմտություններ, օրինակ՝ ինչպես կարելի է կառավարել կյանքը, ժամանակը, ինչպես օրվա ընթացքում ժամանակ հատկացնել աշխատանքի, ընտանիքի, ընկերների և հանգստի համար»,- ասաց Կարեն Համբարձումյանը:

 

Ինչպես նշեց ԵՊՀ ինֆորմատիկայի և կիրառական մաթեմատիկայի ֆակուլտետի ՈՒԽ նախագահ Էլմիրա Սարգսյանը, այս սեմինար-քննարկումը երրորդն էր. սեմինարների այս շարքը կրելու է պարբերական բնույթ:

 

Այլ նորություններ
«ՖԻԶԻԿՈՍ» ԿԱՏՈՒՆ, ՈՐՆ ԱՊՐՈՒՄ Է ԵՊՀ-ՈՒՄ
Մոլեկուլային ֆիզիկայի ամբիոնի դասախոս, ֆիզմաթ. գիտ. թեկնածու, պրոֆեսոր Վլադիմիր Ֆեոդորի Մորոզովն իր աշխատասենյակում պահում է տասնմեկամյա Մաթիլդա կատվին: Կատվի անունը «Փոքրիկը և Կառլսոնը» մուլտֆիլմից է: Ըստ Մորոզովի՝ Մաթիլդան ֆիզիկայից ավելի շատ գիտելիքներ ունի, քան որոշ ուսանողներ:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՄԱԳԻՍՏՐԱՏՈՒՐԱՅԻ ՇՐՋԱՆԱՎԱՐՏՆԵՐԻՑ 24-Ը ՍՏԱՑԱՆ ԳԵՐԱԶԱՆՑՈՒԹՅԱՆ ԴԻՊԼՈՄ
Այսօր ԵՊՀ իրավագիտության ֆակուլտետի դատական նիստերի դահլիճում տեղի ունեցավ 2017-2018 ուստարվա մագիստրատուրայի շրջանավարտների դիպլոմների հանձնման հանդիսավոր արարողությունը: Նշենք, որ այս տարի 51 շրջանավարտից 24-ը ստացան գերազանցության դիպլոմ: