Արդեն 5 տարի է՝ ԵՊՀ կենսաբանության ֆակուլտետի կենդանաբանության ամբիոնը կազմակերպում է բաց դռների օր դպրոցականների և ուսանողների համար:
Կենդանաբանության ամբիոնն այսօր հյուրընկալել էր Լ. Շանթի անվան թիվ 4 դպրոցի 6-րդ դասարանի աշակերտներին: 
Դպրոցականները լսեցին հետաքրքիր տեղեկություններ կենդանիների մասին, դիտեցին տեսաֆիլմ և ծանոթացան թանգարանային նմուշներին: Հանդիպմանը մասնակցում էին նաև ԵՊՀ կենդանաբանության ամբիոնի ուսանողները, որոնց համար նախօրոք անցկացվել էր հատուկ սեմինար-քննարկում:
Այսօր ամբիոնի հատուկ հյուրերն էին նաև Շիրակի պետական համալսարանի աշխարհագրության, կենսաբանության և քիմիայի ամբիոնի ուսանողները, որոնք կատարեցին գիտափորձեր: 
Նշենք նաև, որ ԵՊՀ կենսաբանության ֆակուլտետի ուսանողների համար հոկտեմբերի 4-5-ը կազմակերպվում է արշավ դեպի Վայոց ձորի Եղեգիս համայնք, որտեղ կարող են դիտարկումներ կատարել տվյալ տարածքի կենդանական աշխարհի վերաբերյալ:
ԵՊՀ պատմության ֆակուլտետի ուսանողական գիտական ընկերության և Հայաստանի պատմության թանգարանի համատեղ նախաձեռնությամբ օգոստոսի 3-ին տեղի ունեցավ վիրտուալ շրջայց Հայաստանի պատմության թանգարանում։ Էքսկուրսիան անցկացրեց թանգարանի էքսկուրսիոն բաժնի վարիչ Լիլիթ Հովհաննիսյանը:
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում:
