17.05.2022 | 
Ուսանողական, Կրթություն, Մշակույթ
ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ԿԱՅԱՑԱՎ ԱՍՄՈՒՆՔԻ ԵՎ ՍՏԵՂԾԱԳՈՐԾԱԿԱՆ ՄՐՑՈՒՅԹԻ ԱՐԴՅՈՒՆՔՆԵՐԻ ԱՄՓՈՓՈՒՄԸ
ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ԿԱՅԱՑԱՎ ԱՍՄՈՒՆՔԻ ԵՎ ՍՏԵՂԾԱԳՈՐԾԱԿԱՆ ՄՐՑՈՒՅԹԻ ԱՐԴՅՈՒՆՔՆԵՐԻ ԱՄՓՈՓՈՒՄԸ
ԵՊՀ հայ բանասիրության ֆակուլտետում կայացավ «Հողի կանչը» խորագրով ասմունքի մրցույթի և նույն խորագրով ստեղծագործական մրցույթի արդյունքների ամփոփումը: Միջոցառումը նվիրված էր ԵՊՀ հիմնադրման 103-ամյակին և նպատակ ուներ բացահայտելու ֆակուլտետի տաղանդաշատ ուսանողներին: Միջոցառման ավարտին մասնակիցներն ստացան պատվոգրեր, շնորհակալագրեր և նվերներ։

Բացման խոսքով հանդես եկավ ֆակուլտետի ՈՒԳԸ նախագահ Էմմա Նոնինյանը՝ շնորհավորելով ներկաներին Մայր բուհի հիմնադրման 103-ամյա հոբելյանի կապակցությամբ: «Պատահական չէ, որ ֆակուլտետի «Մեհեան» գրական ակումբի գործունեությունը վերսկսելու համար այս նշանավոր օրն ընտրեցինք։ Այսօր մեզ համար կրկնակի տոն է»,- ասաց Է. Նոնինյանը:

 

ԵՊՀ դասախոս, բ. գ. թ., դոցենտ Աշոտ Տեր-Մինասյանը ներկայացրեց ժյուրիի կազմը և մրցույթի անցկացման ընթացակարգը:

Հայ բանասիրության ֆակուլտետի մագիստրանտ, «Մեհեան» գրական ակումբի նախագահ Գևորգ Գյուլումյանն իր խոսքում նշեց, որ գրական ակումբը դադարից հետո վերսկսում է իր գործունեությունը. բոլորին սպասվում են հագեցած, բովանդակալից և հետաքրքիր աշխատանքներ: 

 

 

ԵՊՀ հայ բանասիրության ֆակուլտետի ՈՒԳԸ-ի կազմակերպած մրցույթի արդյունքներն ամփոփեց ժյուրին, որի անդամներն էին հայոց լեզվի ամբիոնի վարիչ Յուրի Ավետիսյանը, դոցենտ Աշոտ Տեր-Մինասյանը, Գևորգ Գյուլումյանը և Էմմա Նոնինյանը։

 

Մրցույթին մասնակցած ուսանողներ Անի Թադևոսյանը, Գոհար Հարությունյանը, Էլեն Գրիգորյանը, Վարդիթեր Ղազարյանը և Կարինե Եղիազարյանը, ըստ վաստակած միավորների, ստացան պատվոգրեր, շնորհակալագրեր և նվերներ։

Այլ նորություններ
ԿԱՆՈՆԱԿԱՐԳԵՐԻ ՀԱՍՏԱՏՈՒՄ ՈՒ ՆՈՐ ՈՐՈՇՈՒՄՆԵՐԻ ԸՆԴՈՒՆՈՒՄ․ ՏԵՂԻ ՈՒՆԵՑԱՎ ԱՅՍ ՈՒՍՏԱՐՎԱ ԳԽ ՎԵՐՋԻՆ ՆԻՍՏԸ
ԵՊՀ Պալեանների անվան դահլիճում այսօր տեղի ունեցավ գիտական խորհրդի նիստը՝ օրակարգային 7 և ընթացիկ հարցերով։ Նիստի ընթացքում հաստատվեցին ներկայացված նախագծերն ու հարցերը, ինչպես նաև հնչեցին ու քննարկվեցին նոր առաջարկներ։
«ԻՆՁ ՀԱՄԱՐ ԿԱՐԵՎՈՐ ԵՆ ՀԱՄԱԼՍԱՐԱՆՈՒՄ ՍՏԱՑԱԾ ԿՐԹՈՒԹՅՈՒՆՆ ՈՒ ՁԵՌՔ ԲԵՐԱԾ ՄՆԱՅՈՒՆ ԱՐԺԵՔՆԵՐԸ»․ ԵՊՀ ՇՐՋԱՆԱՎԱՐՏ ԷԼԻՆԵ ՊՈՂՈՍՅԱՆ
ԵՊՀ ժուռնալիստիկայի ֆակուլտետի շրջանավարտ, հանրային կապերի մասնագետ և նկարչուհի Էլինե Պողոսյանի հետ զրուցել ենք համալսարանի ընձեռած հնարավորությունների, մասնագիտությունների ընտրության, ապագայի պլանների և այլ թեմաների շուրջ: