08.11.2021 | 
Մշակույթ
ՀԱՄԱԼՍԱՐԱՆԱԿԱՆ ՊԱՐԱՅԻՆ ՀԱՄՈՒՅԹԸ ՄԻՋԱԶԳԱՅԻՆ ՓԱՌԱՏՈՆՈՒՄ ԶԲԱՂԵՑՐԵԼ Է 1-ԻՆ ՊԱՏՎԱՎՈՐ ՏԵՂԸ
ՀԱՄԱԼՍԱՐԱՆԱԿԱՆ ՊԱՐԱՅԻՆ ՀԱՄՈՒՅԹԸ ՄԻՋԱԶԳԱՅԻՆ ՓԱՌԱՏՈՆՈՒՄ ԶԲԱՂԵՑՐԵԼ Է 1-ԻՆ ՊԱՏՎԱՎՈՐ ՏԵՂԸ
ԵՊՀ մշակույթի կենտրոնը մասնակցել է «Dance Super Star» 2021 պարի միջազգային փառատոնին և արժանացել մրցանակների:

Նոյեմբերի 7-12-ը «Կատարողական արվեստի համաշխարհային ասոցիացիայի» նախաձեռնությամբ «Նեպտուն» սպորտային համալիրում անցկացվելու է միջազգային փառատոն, որի պարային փուլին աշխարհի տարբեր երկրներից ժամանած մասնակիցների հետ մասնակցել է նաև ԵՊՀ մշակույթի կենտրոնի պարային համույթը:

 

 

Մասնավորապես, համալսարանական պարային համույթը ներկայացել է երկու անվանակարգում՝ «Ժողովրդական պար» և «Ազգային պար»: «Ժողովրդական պար» անվանակարգում պարային համույթը ներկայացրել է «Ծաղկեփունջ» պարը՝ նոր գործիքավորմամբ, որի համար էլ ստացել է «Գրան պրի» մրցանակը: «Ազգային պար» անվանակարգում համալսարանականները կատարել են «KAREN-SEVAK Production»-ի «Հայաստան» ստեղծագործության ներքո բեմադրված պարային համար, որն էլ զբաղեցրել է 1-ին պատվավոր տեղը:

 

 

«Մեր պարային համույթն առաջին անգամ էր մասնակցում նմանօրինակ միջազգային պարային մրցույթի: Եվ եթե հաշվի առնենք, որ մրցույթին մասնակցում էին հայաստանյան և օտարերկրյա արհեստավարժ խմբեր, ապա մեր մրցանակները, իսկապես լուրջ հաջողություն են:  Մեծ ուրախությամբ պետք է նշեմ նաև, որ մեր աղջիկներն առանձնանում էին բոլորից իրենց կատարողական ու բեմադրական ոճով, նրբաճաշակ հագուստներով: Մեզ համար կարևոր է, որ մշակութային ոլորտում բարձր պահենք Մայր բուհի անունը»,- ասում է ԵՊՀ մշակույթի կենտրոնի տնօրեն Կարինե Դավթյանը:

 

Նշենք, որ ԵՊՀ համալսարանական պարային համույթի գեղարվեստական ղեկավարն է Անի Հարոյանը:

 

Հավելենք նաև, որ միջազգային փառատոնի ժյուրիի կազմում են եղել Ֆրանսիայի, ԱՄՆ-ի, Էկվադորի, Մոլդովայի, Լեհաստանի և այլ երկրների մասնագետներ:

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
«ԻՆՁ ՀԱՄԱՐ ՇԱՏ ԿԱՐԵՎՈՐ Է, ՈՐ «YSU ԲԵՆԴ»-Ը ՕՐԻՆԱԿ ԼԻՆԻ ՄՅՈՒՍ ԲՈՒՀԵՐԻ ՀԱՄԱՐ». ՍԱՐԳԻՍ ԲԱԺԲԵՈՒԿ-ՄԵԼԻՔՅԱՆ
Աշխարհահռչակ օպերային երգիչ Սարգիս Բաժբեուկ-Մելիքյանը ԵՊՀ Շառլ Ազնավուրի անվան մշակույթի կենտրոնում գործող «YSU band»-ի գեղարվեստական ղեկավարն է: Սարգիսի հետ զրուցել ենք «YSU band»-ի ձևավորման, առաջիկա պլանների և այլ հարցերի շուրջ: