14.06.2018 | 
Կրթություն
ԵՊՀ-ՀՈՒՄԲՈԼԴՏԻ ՀԱՄԱԼՍԱՐԱՆ. ՍԵՄԻՆԱՐ-ՔՆՆԱՐԿՈՒՄ ՀՈՂԱՅԻՆ ԳԻՏՈՒԹՅԱՆ ԶԱՐԳԱՑՄԱՆ ՄԱՍԻՆ
ԵՊՀ-ՀՈՒՄԲՈԼԴՏԻ ՀԱՄԱԼՍԱՐԱՆ. ՍԵՄԻՆԱՐ-ՔՆՆԱՐԿՈՒՄ ՀՈՂԱՅԻՆ ԳԻՏՈՒԹՅԱՆ ԶԱՐԳԱՑՄԱՆ ՄԱՍԻՆ
Այսօր ԵՊՀ աշխարհագրության և երկրաբանության ֆակուլտետում տեղի ունեցավ սեմինար-քննարկում, որին մասնակցում էին ԵՊՀ-ի և Բեռլինի Հումբոլդտի համալսարանի պրոֆեսորադասախոսական կազմի ներկայացուցիչները և ուսանողները:

ԵՊՀ ֆիզիկական աշխարհագրության և ջրաօդերևութաբանության ամբիոնի պրոֆեսոր Թրահել Վարդանյանը մեզ հետ զրույցում պատմեց, որ արդեն 4 տարի է, ինչ իրենց ամբիոնը և Հումբոլդտի համալսարանը համագործակցում են. «Այդ համագործակցության շրջանակում կազմակերպվում են փորձի փոխանակմանը միտված միջոցառումներ թե՛ ուսանողների, թե՛ դասախոսների համար, համատեղ աշխատանքներ, ինչպես նաև գիտական ուսումնասիրություններ»:

 

Ամբիոնի վարիչի հավաստմամբ՝ այդ համագործակցության շրջանակում է, որ Հումբոլդտի համալսարանի ուսանողներն իրենց ամբիոնի վարիչ Հիլմար Շրոյդերի գլխավորությամբ գտնվում են Հայաստանում և հետազոտություններ են իրականացնում. «Մեր ուսանողների հետ նրանք երեկ եղել են Արագածում, վաղն էլ մեկնելու են Հրազդան: Իսկ հուլիսի 14-ին մեր ուսանողներից մի քանիսը տասն օրով կմեկնեն Գերմանիա և այնտեղ պրակտիկա կանցնեն»:

 

 

Աշխարհագրության և երկրաբանության ֆակուլտետում  այսօր տեղի ունեցած սեմինար-քննարկմանը մասնակցելու համար հրավիրվել էին նաև դպրոցականներ, որոնք մասնակցելու են միջազգային օլիմպիադայի «Աշխարհագրություն» առարկայից:

 

Միջոցառման ընթացքում Հումբոլդտի համալսարանի ներկայացուցիչ Կոլյա Տեստորֆը խոսեց հողային գիտության մասին, պատմեց, թե երբ և որտեղ է այն առաջացել և ինչպիսի զարգացում է ունեցել, ինչպես նաև պատասխանեց մասնակիցների հարցերին:

 

Քնար Միսակյան

 

 

Այլ նորություններ
ԵՊՀ-ՈՒՄ ԴԱՍԵՐԸ ՄԵԿՆԱՐԿԵԼՈՒ ԵՆ ՓԵՏՐՎԱՐԻ 11-ԻՑ
2018-2019 ուստարվա 2-րդ կիսամյակի առկա ուսուցման ուսումնական պարապմունքները սկսվելու են փետրվարի 11-ից, իսկ հեռակա ուսուցման ուսումնական պարապմունքները՝ մարտի 11-ից:
ԵՊՀ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ ԿԻՐԱՌՎՈՒՄ ԵՆ ՈՒՍՈՒՄՆԱՌՈՒԹՅԱՆ ԺԱՄԱՆԱԿԱԿԻՑ ՄԻՋՈՑՆԵՐ
Երևանի պետական համալսարանում «Moodle» էլեկտրոնային ուսուցման համակարգի ներդրման առաջին քայլերն արվել են ՏՏ կրթական և հետազոտական կենտրոնի կողմից դեռևս 2008 թվականին: Առաջին առցանց դասընթացները կենտրոնի աշխատակիցների կողմից հարթակում տեղադրվել են դեռևս 2009-2010 թվականներին: