19.10.2021 | 
Հասարակություն
ԵՊՀ-Ն ՈՒ ՀԱԱՀ-Ն ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՆ ՍՏՈՐԱԳՐԵԼ. ԳՈՐԾԸՆԿԵՐ ՀԱՄԱԼՍԱՐԱՆՆԵՐՆ ԻՐԱԿԱՆԱՑՆԵԼՈՒ ԵՆ ՀԱՄԱՏԵՂ ԾՐԱԳՐԵՐ
ԵՊՀ-Ն ՈՒ ՀԱԱՀ-Ն ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՆ ՍՏՈՐԱԳՐԵԼ. ԳՈՐԾԸՆԿԵՐ ՀԱՄԱԼՍԱՐԱՆՆԵՐՆ ԻՐԱԿԱՆԱՑՆԵԼՈՒ ԵՆ ՀԱՄԱՏԵՂ ԾՐԱԳՐԵՐ
ԵՊՀ ռեկտորի ժամանակավոր պաշտոնակատար Հովհաննես Հովհաննիսյանն ու Հայաստանի ազգային ագրարային համալսարանի (ՀԱԱՀ) ռեկտոր Վարդան Ուռուտյանն այսօր համագործակցության համաձայնագիր են ստորագրել:

Ռեկտորի աշխատասենյակում կազմակերպված հանդիպմանը ներկա էին նաև ԵՊՀ բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանը, ՀԱԱՀ ուսումնական աշխատանքների գծով պրոռեկտոր Կարեն Մինասյանը, ՀԱԱՀ սննդագիտության և կենսատեխնոլոգիաների կենտրոնի բուսական ծագման մթերքների վերամշակման տեխնոլոգիաների բաժնի վարիչ Նարինե Հովհաննիսյանը:     

      

ԵՊՀ-ի և ՀԱԱՀ-ի միջև ստորագրված համաձայնագրի նպատակն է համատեղ գործունեություն ծավալել մասնավորապես սննդի անվտանգության, սննդի քիմիայի և կենսատեխնոլոգիաների ոլորտում՝ սերտ համագործակցելով նաև բիզնես ոլորտի հետ:

 

 

«Մասնավոր հատվածի հետ համագործակցությունը կրթության համար ներկայումս օրվա խնդիր է, ուստի շատ ենք կարևորում բուհերի աշխատանքը: Նախատեսվում է նաև լաբորատորիաների համատեղ օգտագործում, ինչը հետազոտողների, դասախոսների և ուսանողների աշխատանքն էլ ավելի արդյունավետ կդարձնի»,- նշեց ռեկտորի ժ.պ.-ն և շնորհավորեց գործընկերոջը գիտական թեմաների պետական ֆինանսավորման կապակցությամբ:

 

Վարդան Ուռուտյանն ընդգծեց, որ ԵՊՀ-ն և ՀԱԱՀ-ն նախկինում էլ ակտիվ համագործակցություն էին ծավալում, սակայն այս համաձայնագիրը նոր թափ կհաղորդի գործընկեր համալսարանների փոխգործակցությանը:

 

 

«Քննարկումները ցույց են տվել, որ բավականին մեծ չօգտագործված ներուժ և հնարավորություններ կան մասնավորապես քիմիայի և կենսաբանության ոլորտում:

Լավ գաղափար կա համատեղ մագիստրոսական ծրագիր մշակելու և գործարկելու վերաբերյալ, որն ուղղված կլինի սննդամթերքի վերամշակող արդյունաբերության ոլորտում կենսատեխնոլոգիաների պատրաստմանն ու համատեղ լաբորատոր աշխատանքների իրականացմանը»,- ասաց Հայաստանի ազգային ագրարային համալսարանի ռեկտորը և հավելեց, որ համագործակցության նոր մեկնարկը թույլ կտա վերարժևորել, թարմացնել ու զարգացնել բուհերի միջև առկա գիտական կապերը:

Այլ նորություններ
«ՀԱՄԱԼՍԱՐԱՆԻՑ ՁԵՌՔ ԲԵՐԱԾ ԳԻՏԵԼԻՔՆԵՐՍ ԵՎ ՈՐԱԿՆԵՐՍ ԿԻՍՈՒՄ ԵՄ ՇՐՋԱՊԱՏԻՍ ՀԵՏ. ԴԱ ԻՄ ՄԵԾԱԳՈՒՅՆ ՊԱՐՏԱՎՈՐՈՒԹՅՈՒՆՆ Է». ԺԱՍՄԵՆ ԱՂԱՍՅԱՆ
ԵՊՀ հետբուհական լրացուցիչ կրթության վարչության պետ Ժասմեն Աղասյանի կյանքում համալսարանական արժեքներն ու բարքերը մեծ դերակատարություն են ունեցել:
ՏԵՂԻ Է ՈՒՆԵՑԵԼ «ՉԻՆԱՍՏԱՆ ԵՎ ՀԱՅԱՍՏԱՆ. ԿԱՌԱՎԱՐՈՒՄ ԵՎ ԲԱՐՁՐՈՐԱԿ ՀԱՄԱԳՈՐԾԱԿՑՈՒԹՅՈՒՆ «ՄԵԿ ԳՈՏԻ, ՄԵԿ ՃԱՆԱՊԱՐՀ» ՆԱԽԱՁԵՌՆՈՒԹՅԱՆ ՇՐՋԱՆԱԿՈՒՄ» ԹԵՄԱՅՈՎ ԳԻՏԱԺՈՂՈՎ
Հայ-չինական համատեղ նախաձեռնությամբ տեղի է ունեցել «Չինաստան և Հայաստան. կառավարում և բարձրորակ համագործակցություն «Մեկ գոտի, մեկ ճանապարհ» նախաձեռնության շրջանակում» խորագրով առցանց գիտաժողովը: