20.07.2017 | 
Կրթություն
ՆՈՐ ԾՐԱԳԻՐԸ ԿԽԹԱՆԻ ՆՈՐԱՐԱՐՈՒԹՅԱՆ ՈՒ ՁԵՌՆԵՐԵՑՈՒԹՅԱՆ ՄՇԱԿՈՒՅԹԻ ՏԱՐԱԾՄԱՆԸ
ՆՈՐ ԾՐԱԳԻՐԸ ԿԽԹԱՆԻ ՆՈՐԱՐԱՐՈՒԹՅԱՆ ՈՒ ՁԵՌՆԵՐԵՑՈՒԹՅԱՆ ՄՇԱԿՈՒՅԹԻ ՏԱՐԱԾՄԱՆԸ
Հուլիսի 19-ին մեկնարկեց «ԵՊՀ ամառային ստարտափ մրցույթ-2017» (YSU Start-Up Challenge Summer-2017) ծրագիրը:

ԵՊՀ ձեռներեցության զարգացման կենտրոնի և IBM ինովացիոն լուծումների և տեխնոլոգիաների կենտրոնի կողմից համատեղ իրականացվող ծրագրի նպատակն է խթանել նորարարության ու ձեռներեցության մշակույթի տարածմանը և օգնել ուսանողական թիմերին իրենց գաղափարներն ու նախագծերը իրականություն դարձնելու գործում:

 

ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանն իր խոսքում ասաց, որ ծրագիրը շատ կարևոր և հեռանկարային է. «Մենք մեծապես կարևորում ենք մեր ուսանողների, ասպիրանտների և երիտասարդ գիտնականների նորարարական գաղափարների զարգացումը, այդ պատճառով ստեղծել ենք Ձեռներեցության զարգացման կենտրոնը, որը չպետք է միայնակ գործի: Մենք շատ ուրախ ենք, որ համագործակցում ենք IBM ինովացիոն լուծումների և տեխնոլոգիաների կենտրոնի հետ ու համատեղ իրականացնում ենք նմանօրինակ ծրագիր»:

 

IBM ինովացիոն լուծումների և տեխնոլոգիաների կենտրոնի բիզնեսի զարգացման մենեջեր Արեգ Գևորգյանի հավաստմամբ՝ 6 շաբաթ տևողություն ունեցող ծրագրի ընթացքում մասնակիցները կհանդիպեն տարբեր գործարարների հետ, կմասնակցեն թեմատիկ սեմինարների և կփորձեն իրականություն դարձնել իրենց հրաշալի գաղափարները:

 

 

Միջոցառման ընթացքում Արեգ Գևորգյանը մասնակիցներին ներկայացրեց նաև ձեռներեցության հիմունքները և զարգացման պատմությունը:

 

Տեղեկացնենք, որ լավագույն երկու թիմերին հնարավորություն կընձեռվի ներգրավվելու ISTC-ի ակսելերացիոն ծրագրում, անցնելու ինտերնշիփեր և ստանալու այլ մրցանակներ:

Այլ նորություններ
«ՀԱՅԱՍՏԱՆ 2018. ԻՐՈՂՈՒԹՅՈՒՆՆԵՐ ԵՎ ՀԵՌԱՆԿԱՐՆԵՐ» ՄԻՋԱԶԳԱՅԻՆ ԳԻՏԱԺՈՂՈՎ, ՕՐ 2-ՐԴ
Հայաստանի ամերիկյան համալսարնում շարունակվում է «Հայաստան 2018. իրողություններ և հեռանկարներ» միջազգային գիտաժողովը:
5 ՄԱԳԻՍՏՐՈՍԱԿԱՆ ԾՐԱԳԻՐ, ՈՐ ԽՈՐՀՈՒՐԴ Է ՏԱԼԻՍ ՆՎԱՐԴ ՄԵԼՔՈՆՅԱՆԸ
«Եթե ես լինեի ուսանող և ունենայի այսպիսի լայն-լայն-լայն ընտրության հնարավորություններ, ամենայն հավանականությամբ, կմնայի հասարակագիտության ոլորտում»: