14.04.2017 | 
Ուսանողական
ԵՊՀ ՈՒԽ-Ն 23 ՏԱՐԵԿԱՆ Է
ԵՊՀ ՈՒԽ-Ն 23 ՏԱՐԵԿԱՆ Է
Տոնական օրվա առիթով ԵՊՀ ՈՒԽ-ն այսօր կազմակերպել է մի շարք միջոցառումներ, որոնց մեկնարկը տրվեց պարային ֆլեշմոբով:

ԵՊՀ ուսանողական խորհուրդը ստեղծվել է 1994 թ.-ին: Այն ուսանողության ներկայացուցչական, ինքնակառավարման բարձրագույն ընտրովի մարմինն է, որն արտահայտում է ուսանողության շահերն ու իրավունքները, ապահովում է ուսանողների մասնակցությունը համալսարանի կառավարմանը, նպաստում նրանց կրթական, գիտական, ստեղծագործական, ֆիզիկական, բարոյական և հոգևոր զարգացմանը, կազմակերպում ուսանողների ազատ ժամանցն ու հանգիստը:

 

ԵՊՀ ՈՒԽ-ն պարբերաբար կազմակերպում է տարաբնույթ միջոցառումներ, միջազգային համաժողովներ, արշավներ ու բանակումներ, շատ հաճախ նախաձեռնում է այցեր դեպի Արցախ, որտեղ իրականացնում է բարեգործություններ և նվիրատվություններ, ինչպես նաև կազմակերպում է ուսանողների հանգիստը համալսարանի ուսումնաարտադրական բազաներում:

 

ԵՊՀ ՈՒԽ բարձրագույն մարմինը hամագումարն է, որին ձայնի իրավունքով մասնակցում են բոլոր պատվիրակները, ֆակուլտետային ՈՒԽ-ների նախագահները, Ուսանողական գիտական ընկերության, Արհեստակցական կազմակերպության մեկական լիազոր ներկայացուցիչները:

 

Համագումարների միջև ընկած ժամանակահատվածում աշխատանքները  ղեկավարում է նախագահությունը: Կառույցի մյուս օղակը ֆակուլտետային ուսանողական խորհուրդներ են, որոնք ձևավորվում են ուղղակի ընտրության միջոցով: ՈԻԽ-ն կազմված է նաև 9 հանձնաժողովից և 2 հանձնախմբերից: 2016 թ.-ից ԵՊՀ ՈՒԽ նախագահն է Արմեն Խաչիկյանը:

 

 

Տոնական օրվա առաջին միջոցառումը՝ պարային ֆլեշմոբը, կազմակերպել էր ԵՊՀ ՈՒԽ ռազմահայրենասիրական ոգու բարձրացման հանձնաժողովը: Միջոցառման իրականացմանը չխանգարեց անգամ հորդառատ անձրևը:

 

Այլ նորություններ
ԵՊՀ ՖՐԱՆԿՈՖՈՆՆԵՐԻ ԱԿՈՒՄԲՆ ԱՅՍՕՐՎԱՆԻՑ ՊԱՇՏՈՆԱՊԵՍ Է ԳՈՐԾԵԼՈՒ
Այսօր ԵՊՀ Չարենցի անվան դահլիճում տեղի ոնեցավ միջոցառում, որը նվիրված էր ԵՊՀ ֆրանկոֆոնների ակումբի պաշտոնական բացմանը:
«ՄԵՐ ՀԱՍԱՐԱԿՈՒԹՅԱՆ ԱՄԵՆԱՄԵԾ ԹԵՐՈՒԹՅՈՒՆՆԵՐԻՑ ԵՆ ԵՐԻՏԱՍԱՐԴՈՒԹՅԱՆ ԱՆԿԱԶՄԱԿԵՐՊՎԱԾՈՒԹՅՈՒՆԸ ԵՎ ՀԵՂԻՆԱԿԱՎՈՐ  ԼԻԴԵՐՆԵՐԻ ԲԱՑԱԿԱՅՈՒԹՅՈՒՆԸ». ԵՊՀ ՌԵԿՏՈՐ ԱՐԱՄ ՍԻՄՈՆՅԱՆԸ ՀԱՆԴԻՊԵՑ ՈՒՍԱՆՈՂՆԵՐԻ ՀԵՏ
ՈւԽ նախագահության, ՈՒԳԸ ղեկավար կազմի, ինչպես նաև ուսանողական այլ հանձնաժողովների ներկայացուցիչների հետ պարբերաբար կազմակերպվող հանդիպումների հիմնական նպատակն է համալսարանի ղեկավարի հետ քննարկել ուսանողությանն անհանգստացնող խնդիրները, ներկայացնել առաջարկներ ու տալ համապատասխան լուծումներ: