08.04.2014 | 
Հասարակություն
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԸ ԽԹԱՆՈՒՄ ԵՆ ՇՐՋԱՆԱՎԱՐՏՆԵՐԻ ԶԲԱՂՎԱԾՈՒԹՅՈՒՆԸ
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԸ ԽԹԱՆՈՒՄ ԵՆ ՇՐՋԱՆԱՎԱՐՏՆԵՐԻ ԶԲԱՂՎԱԾՈՒԹՅՈՒՆԸ
Տեմպուսի HEN-GEAR ծրագրի շրջանակներում քննարկվեցին շրջանավարտների հետ աշխատանքներում ՏՀՏ-ների կիրառման խնդիրները:

Եվրոպական միության Տեմպուսի HEN-GEAR ծրագրի շրջանակներում Պորտուգալիայի Բրագա քաղաքում ապրիլի 1-ին մեկնարկեց հերթական աշխատաժողովը, որը նվիրված էր շրջանավարտների տվյալների հենքի ստեղծմանև ու դրա միջոցով նրանց զբաղվածության խնդիրների լուծումը խթանելու հիմնահարցերին:

HEN-GEAR ծրագրի համակարգող իտալական համալսարանների AlmaLaurea կոնսորցիումի ներկայացուցիչները ներկայացրեցին շրջանավարտների կողմից լրացված հարցաթերթիկների սոցիոլոգիական վերլուծության առանձնահատկությունները:

Շրջանավարտների կողմից լրացված հարցաթերթիկները ունենում են տարբեր որակական աստիճան (կախված լրացված հարցերի քանակից, պատասխանների բազմազանությունից, տրամադրված ժամանակից և այլն) և ըստ այդմ պետք է համապատասխանաբար դասակարգվեն հետագա վերլուծությունների համար: Աշխատաժողովի ընթացքում կայացավ տեսակոնֆերանս Բոլոնիայի Համալսարանի և AlmaLaurea կոնսորցիումի փորձագետների միջև:

Աշխատաժողովին մասնակցում էին HEN-GEAR ծրագրի գործընկեր կազմակերպությունների համապատասխան մասնագետները: Մասնավորապես` ծրագրի գործընկեր համալսարաններն են Ագրարային համալսարանը, Ճարտարագիտական համալսարանը (ՀՊՃՀ), Տնտեսագիտական համալսարանը (ՀՊՏՀ), Ճարտարապետության և շինարարության պետական համալսարանի (ԵՃՇՊՀ), Գավառի պետական համալսարանը, Գեղարվեստի պետական ակադեմիան և Գյումրու պետական մանկավարժական ինստիտուտը: Որպես գործընկերներ ներգրավված են նաև Հայաստանի ձեռնարկատերերի և գործարարների միությունը, Հայաստանի ազգային ուսանողական միությունը, Կրթության և գիտության նախարարությունը, Աշխատանքի և սոցիալական հարցերի նախարարությունը:

Ծրագրի շրջանակներում ստեղծվելու է մեկ միասնական համակարգ, որտեղ առկա են լինելու շրջանավարտների տվյալները (մուտքագրվում են ինչպես բուհերի, այնպես էլ շրջանավարտների կողմից), որոնք որոնման գործիքների միջոցով հասանելի են լինելու գրանցված գործատուներին:

Հարկ է նշել, որ նախատեսվող համակարգը ոչ միայն աջակցելու է շրջանավարտների զբաղվածության խնդիրների լուծմանը, այլև խնդիր է հետապնդում հարցումներից ստացված տվյալների միջոցով օժանդակել համալսարաններում որակի ապահովման գործընթացին:

Աշխատաժողովի ընթացքում Որակի ապահովման կենտրոնի տնօրեն Ռուբեն Թոփչյանը ներկայացրեց ՀՀ-ում ընդունված որակի ապահովման չափանիշներն ու HEN-GEAR ծրագրով նախատեսված շրջանավարտների տվյալների համակարգի համեմատական վերլուծությունը: Պորտուգալիայի և Իսպանիայի գործընկեր համալսարանների ներկայացուցիչները ներկայացրեցին իրենց փորձը ուսանողների ձեռներեցության խթանման և աշխատանքի տեղավորման խնդիրների շուրջ:

ԵՊՀ-ից խորհրդաժողովին մասնակցում էին ուսանողների, շրջանավարտների և հասարակայնության հետ կապերի գծով պրոռեկտոր Ռ. Մարկոսյանը, Տեղեկատվական համակարգերի եւ ցանցի զարգացման բաժնի վարիչ Պ. Վարդերեսյանը, Ուսումնական գործընթացի վերահսկման բաժնի վարիչ Ա. Սարգսյանը:

ԵՊՀ պրոռեկտոր Ռ. Մարկոսյանը հանդես եկավ «Տեղեկատվական համակարգերի և տվյալների շտեմարանների զարգացման փորձը ԵՊՀ-ումե զեկուցմամբ:

Աշխատաժողովի ընթացքում քննարկվեց նաև HEN-GEAR ծրագրի իրականացման ընթացքը, շրջանավարտների տվյալների մուտքագրման գործընթացի խոչընդոտներն ու դժվարությունները, կազմակերպչական այլ հարցեր:

Այլ նորություններ
ԵՊՀ ՊԱՏՎԻՐԱԿՈՒԹՅՈՒՆՆ ԱՅՑԵԼԵՑ ԱՄԷ ԴԵՍՊԱՆՈՒԹՅՈՒՆ
ԵՊՀ զարգացման ու նորարությունների գծով պրոռեկտոր Միքայել Հովհաննիսյանը, արաբագիտության ամբիոնի վարիչ Հայկ Քոչարյանը, նույն ամբիոնի դասախոս Վահե Հակոբյանը պատվիրակվել էին Երևանում ԱՄԷ դեսպանություն` իրենց ցավակցությունը հայտնելու լուսահոգի շեյխ Խալիֆա իբն Զայեդ ալ-Նահյանի մահվան կապակցությամբ։
ԵՊՀ-ՈՒՄ ՆՇՎԵՑ ԲՈՒՀԻ ՀԻՄՆԱԴՐՄԱՆ 103-ԱՄՅԱԿԸ
Այսօր ԵՊՀ գիտական խորհրդի նիստերի դահլիճում տեղի ունեցավ միջոցառում՝ նվիրված Մայր բուհի հիմնադրման 103-ամյակին: Տոնի առթիվ դրամական պարգևներով և պատվոգրերով պարգևատրվեցին համալսարանի վարչական աշխատակիցներ, դասախոսներ, ուսանողներ, ինչպես նաև «ԵՊՀ օլիմպիադա-2022»-ի առաջին կարգի մրցանակակիրները: