07.11.2017 | 
Հասարակություն
ԵՊՀ ՊԱՏՎԻՐԱԿՈՒԹՅԱՆ ԱՅՑԸ ՉԻՆԱՍՏԱՆ
ԵՊՀ ՊԱՏՎԻՐԱԿՈՒԹՅԱՆ ԱՅՑԸ ՉԻՆԱՍՏԱՆ
Հոկտեմբերի 23-ից նոյեմբերի 3-ը ԵՊՀ պատվիրակությունը «Հայաստանի ուսումնական հաստատությունների ղեկավարների այցելությունը Չինաստան» ծրագրի շրջանակում գտնվում էր Չինաստանի Պեկին, Դալյան և Շանհայ քաղաքներում:

Պատվիրակությունը ղեկավարում էր ԵՊՀ միջազգային հարաբերությունների ֆակուլտետի դեկան Գեղամ Պետրոսյանը: Պատվիրակության կազմում էին ԵՊՀ չինարեն լեզվի և մշակույթի կենտրոնի ղեկավար Արթուր Իսրայելյանը, երևանյան և մարզային հիմնական և ավագ դպրոցների 8 տնօրեններ:

 

Պեկինում պարտվիրակության անդամներին ՀՀ դեսպանատանն ընդունեց Չինաստանում Հայաստանի արտակարգ և լիազոր դեսպան Սերգեյ Մանասարյանը, ով հանգամանորեն ներկայացրեց հայ-չինական դիվանագիտական հարաբերությունների ընթացքը, ծանոթացրեց դեսպանության պատմությանը, խոսեց Չինաստանում սովորող հայ ուսանողների, երկրում ապրող հայերի և նոր աշխարհաքաղաքական իրավիճակի մասին:

 

Դալյանի օտար լեզուների համալսարանում ԵՊՀ պատվիրակությունը հանդիպեց համալսարանի ռեկտոր Լյու Խունի, ուսումնական գծով պրոռեկտոր Սուն Յույխուայի, միջազգաին բաժնի ղեկավար Լի Ֆանի և Կոնֆուցիոսի ինստիտուտի ղեկավար Չեն Չզիցաոյի հետ:

 

Հանդիպման ընթացքում քննարկվել են գործակցության շրջանակները և վերահաստատել հարաբերությունների խորացմանն ուղղված կողմերի պատրաստակամությունը:

 

Այցի շրջանակում ԵՊՀ-ի և Դալյանի օտար լեզուների համալսարանի միջև կնքվեց համագործակցության պայմանագիր, որով նախատեսվում է համագործակցություն կրթական, գիտական ոլորտներում, համատեղ միջոցառումների անցկացում, ուսանողների, դասախոսների փոխանակման ծրագրերի իրականացում, մասնակցություն գիտական ծրագրերի:

 

Հայաստանյան պատվիրակությունն այցելեց նաև 2015 թվականին Երևանի Վ. Բրյուսովի անվան պետական լեզվահասարակագիտական համալսարանի և Դալյանի օտար լեզուների համալսարանների համագործակցության շրջանակում բացված Հայագիտության կենտրոն, ծանոթացավ նրա աշխատանքներին և հանդիպեց համալսարանում սովորող հայ ուսանողների հետ:

Այլ նորություններ
«ՍԵՎԱՆԱ ԼՃԻ ՄԱԿԱՐԴԱԿԻ ԲԱՐՁՐԱՑՈՒՄԸ ՄԻԱՅՆ ՀՆԱՐԱՎՈՐՈՒԹՅՈՒՆ ԿՏԱ ԿԱՆԽԵԼՈՒ ՋՐԻ ԿԱՆԱՉԵԼԸ». ՄԱՐԱՏ ԳՐԻԳՈՐՅԱՆ
ԵՊՀ աշխարհագրության և երկրաբանության ֆակուլտետի կայուն զարգացման կենտրոնում այսօր տեղի է ունեցել «Ջրային ռեսուրսների կառավարման և Սևանա լճի արդի հիմնախնդիրները» թեմայով զեկուցում-քննարկում:
ՔԱՐՈԶ ՄԱՐԴԱՍԻՐՈՒԹՅԱՆ ՄԱՍԻՆ. ԿԱՐԵՆ ՅԵՊՊԵԻ ՄԱՐԴԱՍԻՐԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ ՊԱՏՄՈՂ ՖԻԼՄԻ ՑՈՒՑԱԴՐՈՒԹՅՈՒՆ ԵՊՀ-ՈՒՄ
ԵՊՀ հայագիտական հետազոտությունների ինստիտուտն այսօր հյուրընկալել էր Լեփսիուսի տուն-թանգարանի աշխատակից Ռոյ Կնոկեին: